Matiu 6:20 - Maləmce Məfele mala Ɓakuli: Kurcau Məbəshe

²⁰ Ndikǝna wu tsǝk gǝna ma'wun a kuli, aban mǝnana nkungga andǝ sásà pà nǝ̀ kiɗiki raka, sǝ ban na mǝnana amǝn'i pa nǝ̀ gandǝ kutio à nǝ̀ iun'i kam raka.

Matiu 6:20 ပူးပေါင်းရင်းမြစ်များ

Matiu 19:21

Yesu nyesǝi wi ama, “Ɓǝ̀ a nǝ lumsǝ nǝ cauɓoarna ka, o kya makki agirkuma mo, boale ka pe amǝtǝr, a nǝ kum gǝna a kuli. Sǝ wu yiu wu yi kpatam.”

Matiu 6:19

Wu kǝa rambǝi ɓamur rǝ wun gǝna a kani a ɓanza ɗang, yì ban mǝnana a kàm ngga nkungga andǝ sásà nǝ̀ kiɗiki, sǝ amǝn'i nǝ̀ ɓun kam à nǝ̀ kutio à nǝ̀ pwani ka.

Markus 10:21

Yesu sǝni sǝnban earcearǝu, pǝlǝa ne wi ama, “Gir mwashat sǝ a ɗwanyi, o, kya mak girkuma mo kat, sǝ wu gaki amǝtǝr boale, a nǝ kum gǝna a kuli. Sǝ wu yiu wu yi kpa atam.”

Luka 12:33

Wu makki agirkuma ma'wun, wu pe amǝtǝr boale. Wu kumbi ɓamur rǝ wun andaboalo mǝnana à kǝ sanggi raka, sǝ wu tsǝk kume ma'wun a kuli aban mǝnana pà nǝ̀ amsǝa, sǝ amǝn'i pa nǝ̀ gbashì, ko tatǝmdi nǝ̀ kiɗiki raka.

Luka 18:22

Lang Yesu ok mǝnia ka, ne wi ama, “Ɓe gir mwashat na a ɗwanyi ka. Maki agir mǝnana kat a ndanǝia ka, gaki amǝtǝr, a wu nǝ kum gǝna a kuli, sǝ wu yiu, wu yi kpatam.”

1 Timoti 6:17

Kwarkir amǝkume mǝnana a ɓanza man ngga, ɓǝa kǝa twalɓamuria ɗang, sǝ ɓǝa kǝa tsǝkɓalǝia arǝ agǝna malea mǝnana à kǝ kuti nǝ kutio ka ɗang. Tsǝkɓalǝu malea ka, ɓǝ̀ do amur Ɓakuli, yì ɓwa mǝnana kǝ pa sǝm nyangsang agir mǝnana kat sǝm nggǝ earce ace banɓoarnado ma'sǝm ngga.

1 Timoti 6:19

Aɓa pe mǝno anggo ka, à nǝ̀ nggǝ rambǝi ɓamuria gǝna mana nǝ̀ dupia wia tǝr kum do mǝɓoarne a nza mǝnana kǝ yiu ka, sǝ do nǝ yilǝmu mǝɓafoe ka à nǝ̀ kumi nǝ̀ duk malea.

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.

Amǝ Ibǝru 11:26

Abani ka, ɓangginǝban ace Kǝrǝsti ka, kuti kume mǝnana a Masar ka, acemǝnana tsǝk mǝsǝì arǝ tangnakusǝi mǝnana kǝ yiu ka.

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.

1 Bitǝrus 1:4

andǝ kum liɓala mǝnana pà nǝ̀ kìɗìkí ko nǝ̀ è, nǝ̀ mal raka; liɓala mǝnana à tsǝngŋǝna wuni kano a kuli ka.

1 Bitǝrus 5:4

Sǝ ɓǝ̀ Gbani mala ayalgir yi pusǝna rǝì ka, wu nǝ̀ kum mbulan-gulo mǝɓoarne mǝnana pà nǝ̀ è raka.

Sǝna 2:9

Ən sǝlǝna rǝ ce tanni mǝnana a nda a ɓalǝi ka. Sǝ ǝn sǝlǝna rǝ ce tǝ̀r mo, sǝ kat andǝ mǝno ka, a nda mǝkume! Mǝ ndanǝ sǝlǝe mala acau kiɗiki ɓwa mǝnana amǝ ɓinǝmǝsǝo bangŋa a muro ka; yia ka à ndaka aɓwana mǝnana à twali ɓamuria ama à ndaka amǝ Yahudi, sǝ à nda raka. Aɓwana mala ndakpapi mala Shetan na.