Matiu 6:2 - Maləmce Məfele mala Ɓakuli: Kurcau Məbəshe

² Ɓǝ̀ wu nǝ̀ pe amǝtǝle ɓoro ka, wu kǝa ham nǝ ce, kǝla pě mala amǝ'kunɓarina aɓalǝ andakpapi mala amǝ Yahudi andǝ mur anjarɓala ka ɗang. À kǝ pa anggo ace mǝnana ɓǝ̀ aɓwana sǝn aturo-ɓoarna malea ɓǝa ɓwangsǝia. Ən nggǝ bangga wun mǝsǝcau, à angŋǝna tangnakusǝia cikcik.

Matiu 6:2 ပူးပေါင်းရင်းမြစ်များ

Matiu 15:7

Wun amǝ'kunɓarina! Ɓangna mala Ishaya amur wun ngga nda a njari, mǝnana bangŋa ama:

Matiu 16:3

Sǝ nǝ budǝmbari ɓǝ̀ wu sǝn kuli bangŋa sǝ ban pǝndǝ ka, wu na ama, “Mbulo no nǝ̀ nya yalung.” Wu kǝ gandǝ bang ɓa pa mala bumkuli, sǝ agir mana à kǝ lǝmndǝ pa mala nza man ngga wu bwaltea ɗang.

Matiu 22:18

Yesu surǝna rǝ ɗenyicau malea mǝɓane kat pǝlǝa ɗia ama, “Wun amǝ'kunɓarina, ace mana sǝ wu kǝ earce tambam?

Matiu 23:5

Ko man à kǝ pak le ka à kǝ lǝmndǝki ɓǝ̀ aɓwana sǝni. Pak ka amuna-luru malea mala tsǝk amǝ'mbu-malǝmce mala cau mala Ɓakuli ka à kǝ pea ɓǝa tanggî mala acili aɓwana sǝ à nǝ̀ kurkia a kundǝmbǝia andǝ amelbuia. Ankonggur kun adaura malea ka amǝsake na.

Matiu 23:6

Ɓǝ̀ aɓwana rambǝa aban pakiɗire ka à kǝ earce ɓǝa pea wia aban-do mǝɓoarne. Ɓǝ̀ nda aɓa Ndakpapi ka, à earce abuno mǝnana à tsǝia ace aɓwana-mǝgule ka.

Matiu 24:51

Nǝ̀ yia kwe nǝ̀ kasǝki wi anpenye, sǝ nǝ̀ ramte ata amǝ'kunɓarina, abanì sǝ à nǝ̀ nggǝ ɓua à nǝ̀ nggǝ nǝmnggi munabuia.

Matiu 5:18

Ən nggǝ na wun mǝsǝcau, kǝ muna-cau pà kàm, sǝ ɓe kǝgir bǝti pà kàm aɓa Nggurcau mala Musa mǝnana à nǝ̀ pusǝì ka ɗang, she ɓǝ̀ kuli andǝ nzali ka tea malǝna ka.

Matiu 6:16

Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Matiu 6:3

Ɓǝ̀ a wu nǝ pe amǝtǝle ɓoro ka, ce a eare ɓe kǝɓwa sǝlǝce gir mǝnana a pakkiyi ka ɗang,

Matiu 6:5

Ɓǝ̀ wu nǝ̀ pak hiwi ka, wu kǝa pe a pě mala amǝ'kunɓarina ɗang, mǝnana à kǝ earce camnggi aɓalǝ andakpapi andǝ agauwata anjarɓala sǝ à nǝ̀ pak hiwi, ace mǝnana ɓǝ̀ aɓwana sǝnia ka. Ən nggǝ bangga wun mǝsǝcau à angŋǝna dǝmbǝa à kumǝna tangnakusǝia.

Matiu 7:5

We mǝ'kunɓarina, pusǝ gbǝlanggun mǝnana a mǝsǝo ka peatu, sǝ a wu nǝ sǝnban pepe mǝnana a nǝ pusǝî ɓeo kǝkar mana a mǝsǝì ka.

Markus 12:39

Yia ka, à kǝ earce ban-do mǝɓoarne aɓalǝ andakpapi andǝ aban-pakiɗire.

Markus 7:6

Pǝlǝa Yesu earia wia ama: Wun amǝ'kunɓarina, ɓangna mala Ishaya amur wun ngga, mǝsǝcau na yi mǝnana gilǝa ama: “Amǝnia yì aɓwana ka à kǝ pam gulo nǝ mburkunia, sǝ ɓabumia ka, nda kuko nǝ mim.

Luka 11:41

Ɓe wu nǝ̀ pe amǝtǝr agir mǝnana wu ndanǝia ka, ko mana ma'wun kat ka nǝ̀ dupa wun nǝ ɓoarnsari.

Luka 11:43

Caukwanban nǝ wun, amǝ Farisi! Acemǝnana wu kǝ earce aban-do mǝɓoarne aɓalǝ andakpapi andǝ makkun aɓalǝ alimo.

Luka 12:33

Wu makki agirkuma ma'wun, wu pe amǝtǝr boale. Wu kumbi ɓamur rǝ wun andaboalo mǝnana à kǝ sanggi raka, sǝ wu tsǝk kume ma'wun a kuli aban mǝnana pà nǝ̀ amsǝa, sǝ amǝn'i pa nǝ̀ gbashì, ko tatǝmdi nǝ̀ kiɗiki raka.

Luka 12:56

Wun amǝ'kunɓarina! Wu surǝ kusǝpa mala agir mǝnana a nzali andǝ bumkuli ka, sǝ palang sǝ wu gandǝ surǝ kusǝpa mala agir-lǝmndǝa mala nza ma'sǝm man ɗang?

Luka 13:15

Mǝtalabangŋo pǝlǝi wi ama, “Wun amǝ'kunɓarina! Ko yan aɓalǝ wun ngga kǝ panzǝ jamnda ko mǝndambǝritso male a domwan kǝ um nǝi a pe wi mur a pwari usǝlǝo re?

Luka 20:46

“Wu tsǝkir wun arǝ amalǝm Nggurcau mala Musa. À earce gya nǝ anggea-daura, sǝ à earce ɓǝa kǝ makkia wia kun aɓalǝ alimo, à earce aban-do mǝɓoarne arǝ andakpapi andǝ abuno mala aɓwana-mǝgule arǝ aban pakiɗire lili.

Luka 6:24

Sǝa ma caukwanban na nǝ wun, wun amǝkume, acemǝnana wu angŋa dǝmbǝa wu kumǝna ma'wun yì girikiban!

Luka 6:42

Palang sǝ a wu ne mǝ'eambǝo ama, “Mǝ'eambǝam, came mǝ pyaupo kǝkar mǝnana a mǝsǝo ka,” yi mǝnana a gandǝ sǝn gbǝlang nggun mana a mo yì mǝsǝu raka? We mǝswarki ɓamuru! Pusǝ gbǝlang nggun mǝnana a mǝsǝo ka peatu, sǝ a nǝ gandǝ sǝnban pepè mǝnana a nǝ pyau kǝkar mǝnana a mǝsǝ ɓeo ka.

Yohana 13:29

Sǝ acemǝnana Yahuda nda mǝbwal boalo malea ka, aɓea laggana kǝ sǝni kǝla Yesu na ban ne wi ɓǝ̀ kyane ɓǝ̀ kya kur gir mǝnana à nǝ̀ pangŋǝna turo nǝi ace Lamsan ngga. Ko a na raka, ɓǝ̀ kya pe amǝtǝr aɓa boalo mǝnana a bui ka.

Yohana 5:41

Ɓwangsǝban mala ɓwapǝndǝa na ǝn alkite ka ɗang.

Yohana 5:44

Lang sǝ wun nǝ̀ earnǝ mim, yi mǝnana wu kǝ earce ak ɓwangsǝban arǝarǝ wun, sǝ wu kǝ ɓariki ama wu nǝ̀ kum ɓwangsǝban aban ɓwa mǝnana yì mwashat nda Ɓakuli ka ɗang?

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

Amǝ Mishan 10:2

Yì andǝ ɓala male kat à kǝ peri aban Ɓakuli, à kǝ gusǝlǝi, sǝ mǝ'ɓanggi Ɓakuli na. Kǝ pe amǝtǝr ɓoro kǝrkǝr, sǝ usǝlǝkiyi pak hiwi ɗang.

Amǝ Mishan 10:31

Na ama, “Karnilus, Ɓakuli ongŋǝna hiwi mo sǝ sǝnǝna aɓoro mǝnana a kǝ pe amǝtǝr ka.

Amǝ Mishan 10:4

Yì ka, pǝlǝ mǝsǝì aban mǝturonjar nǝ rǝɓǝla, sǝ ɗiban ama, “Mana gir ni na, Ɓwamǝgule?” Mǝturonjar ne wi ama, “Ahiwi mo andǝ aɓoro mo mǝnana a kǝ pe amǝtǝr ka, Ɓakuli angŋǝnia.

Amǝ Mishan 11:29

Pǝlǝa amǝkwaɗi nea rǝia ama, koyan aɓalǝia ka ɓǝ̀ pa ɓoro mana nǝ̀ gandǝi ka, ɓǝa tasǝi ace pa gbasha aban amǝ'eamrǝarǝu mana a nzali Yahudi ka.

Amǝ Mishan 24:17

Anzǝm apǝlǝa pas mǝnana ǝn ɗekina Urǝshalima nǝi ka, ǝn nyare ǝn wario abanì ace mǝnana ɓǝ̀ ǝn nggea pe aɓwana mem aɓoro ace amǝtǝr, sǝ ɓǝ̀ ǝn pâ gir-ɗarǝa aban Ɓakuli.

Amǝ Mishan 9:36

Aɓa nggeala Jopa ka, ɓe ɓwama nakam, mǝkwaɗi na, lullǝi ama Tabita. (Lullǝi nǝ kun Gǝrik ka nda Dokas, ɓālǝi nda: mbamba). Yì ka, aulǝ a pakkiyi aɓwana gir mǝɓoarne ɗang, kǝ bwali amǝtǝr kam.

Amǝ Roma 12:8

Ɓǝ̀ mo ka ɓakɓabum aɓwana na ka, wu kǝ pak turo ɓakɓabum. Ɓǝ̀ pabu nda mo yì ɓoro ka, wu kǝ pè nǝ ɓabumo mwashat. Ɓǝ̀ mo ka turo lidǝmbǝa nǝ aɓwana na ka, wu kǝ pe nǝ ɓabumpina. Sǝ ɓǝ̀ lǝmndǝ ɓwamuru nda mo ka, wu kǝ̀ lǝmndǝi nǝ banɓoarnado.

1 Amǝ Korinti 13:3

Ɓǝ̀ mǝ nǝ pe amǝtǝr agirkuma mem kat, mǝ nǝ pà nggūrǝam ɓǝa pisǝì ace nggori, sǝ ǝn panǝ earcearǝu raka, mani pà nǝ̀ puram kǝgir ɗang.

Amǝ Galati 2:10

Kǝ cau mǝnana à tsǝka sǝm a kir sǝm ngga nda mǝnana ama ɓǝ̀ sǝm nggǝ tsǝkir amǝtǝr, sǝ mǝno ka, nda kǝgir mǝnana mǝ ndanǝ bumpina ace ka.

Amǝ Afisu 4:28

Ɓǝ̀ a kǝ iun'i ɗiɗyal ka, nying buo a rǝì. Pak turo mǝɓoarne nǝ abuo, ace mǝnana wu kumo wu pe aɓwana mǝnana à ɗwanyi ka.

1 Amǝ Tasalonika 2:6

Sǝm pà aban alta ɓwangsǝban aban ɓwapǝndǝa, ko aban wun, ko a bu kǝɓwa ɗang.

1 Timoti 6:18

Nea wia ɓǝa kǝ pak mǝɓoarne nǝ boalo malea. Ɓǝa duk amǝkume aɓalǝ aturo mǝɓoarne, sǝ ɓǝa kǝ pabu aban aɓwana mǝnana à panǝi raka. A koya pwari ka, ɓǝa kǝ kumia nǝ gilǝrǝu mala bwalia aɓwana kam, nǝ agir mǝnana kat Ɓakuli pea wia ka.

Filimon 1:7

Earcearǝu mo panam banɓoarnado kǝrkǝr andǝ girikiban, mǝ'eambǝam, acemǝnana pe mǝɓoarne mo yina nǝ bumpwasǝa aban aɓwana mala Ɓakuli kat.

Amǝ Ibǝru 13:16

Ɓǝ̀ ɓalǝ wun ɓǝ̀ kǝa lorǝ ce pak mǝɓoarne, andǝ gau gir mǝnana wu ndanǝi ka wunǝ aɓwana ɗang, acemǝnana nǝ ulang amǝno yì aɓoro ka sǝ bum Ɓakuli kǝ pwasǝo.

1 Bitǝrus 4:11

Ɓǝ̀ we ka, sǝlǝ nacau na à po ka, ne kǝla Ɓakuli na nakiyi cau nǝ kuno ka. Ɓǝ̀ mo yi ɓoro ka ndà pea aɓwana gbasha ka, pè nǝ rǝcandǝa andǝ rǝɓǝla mǝnana Ɓakuli po ka. Anggo ka, gir mǝnana kat a pe ka, nǝ̀ yinǝi Ɓakuli gulo nǝban Yesu Kǝrǝsti. Gulo andǝ rǝcandǝa kat ka amale na, málá male pà kàm ɗang! Amin.