Matiu 6:19 - Maləmce Məfele mala Ɓakuli: Kurcau Məbəshe

¹⁹ Wu kǝa rambǝi ɓamur rǝ wun gǝna a kani a ɓanza ɗang, yì ban mǝnana a kàm ngga nkungga andǝ sásà nǝ̀ kiɗiki, sǝ amǝn'i nǝ̀ ɓun kam à nǝ̀ kutio à nǝ̀ pwani ka.

Matiu 6:19 ပူးပေါင်းရင်းမြစ်များ

Matiu 19:21

Yesu nyesǝi wi ama, “Ɓǝ̀ a nǝ lumsǝ nǝ cauɓoarna ka, o kya makki agirkuma mo, boale ka pe amǝtǝr, a nǝ kum gǝna a kuli. Sǝ wu yiu wu yi kpatam.”

Matiu 6:20

Ndikǝna wu tsǝk gǝna ma'wun a kuli, aban mǝnana nkungga andǝ sásà pà nǝ̀ kiɗiki raka, sǝ ban na mǝnana amǝn'i pa nǝ̀ gandǝ kutio à nǝ̀ iun'i kam raka.

Luka 12:21

A masǝlǝate ka Yesu bangŋa ama, “Anggo sǝ nǝ̀ kum ɓwa mǝnana rambǝi ɓamuri gǝna, sǝ yì ka, mǝtǝ̀r na aban Ɓakuli ka.”

Luka 12:33

Wu makki agirkuma ma'wun, wu pe amǝtǝr boale. Wu kumbi ɓamur rǝ wun andaboalo mǝnana à kǝ sanggi raka, sǝ wu tsǝk kume ma'wun a kuli aban mǝnana pà nǝ̀ amsǝa, sǝ amǝn'i pa nǝ̀ gbashì, ko tatǝmdi nǝ̀ kiɗiki raka.

Luka 12:39

Wu sǝlǝ ama, ɓǝ̀ mǝtala-ɓala sǝlǝna rǝ bu-pwari mǝnana mǝn'i nǝ̀ yiu nǝi ka, pà nǝ̀ eare mǝn'i nǝ̀ kutio a ɓala male ɗang.

Luka 18:22

Lang Yesu ok mǝnia ka, ne wi ama, “Ɓe gir mwashat na a ɗwanyi ka. Maki agir mǝnana kat a ndanǝia ka, gaki amǝtǝr, a wu nǝ kum gǝna a kuli, sǝ wu yiu, wu yi kpatam.”

Luka 18:24

Yesu sǝni kyap-kyap, sǝ na ama, “Nǝ̀ kwano sǝ mǝgǝna nǝ̀ kutio a Domurǝm mala Ɓakuli!

1 Timoti 6:17

Kwarkir amǝkume mǝnana a ɓanza man ngga, ɓǝa kǝa twalɓamuria ɗang, sǝ ɓǝa kǝa tsǝkɓalǝia arǝ agǝna malea mǝnana à kǝ kuti nǝ kutio ka ɗang. Tsǝkɓalǝu malea ka, ɓǝ̀ do amur Ɓakuli, yì ɓwa mǝnana kǝ pa sǝm nyangsang agir mǝnana kat sǝm nggǝ earce ace banɓoarnado ma'sǝm ngga.

Amǝ Ibǝru 13:5

Wu kǝa dum nǝ ɓealǝu mala rufi ata boalo ɗang. Agir mǝnana wu ndanǝia ka, ɓǝa ɗǝmsǝ wun. Acemǝnana Ɓakuli bangŋǝna ama, “Pà mǝ nǝ ɗekio ɗang; pà mǝ nǝ nying buam a rǝo ɗang.”