Matiu 6:16 - Maləmce Məfele mala Ɓakuli: Kurcau Məbəshe

¹⁶ Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Matiu 6:16 ပူးပေါင်းရင်းမြစ်များ

Matiu 6:1

Wu tsǝk kir wun, wu kǝa pakki aturo-ɓoarna ma'wun a ɓamǝsǝ aɓwana ace mǝnana ɓǝa sǝn wun ngga ɗang. Ɓǝ̀ wu kǝ pa anggo ka, pa wu nǝ̀ kum ɓe kǝ tangnakusǝu aban Tár wun mana a kuli ka ɗang.

Matiu 6:2

Ɓǝ̀ wu nǝ̀ pe amǝtǝle ɓoro ka, wu kǝa ham nǝ ce, kǝla pě mala amǝ'kunɓarina aɓalǝ andakpapi mala amǝ Yahudi andǝ mur anjarɓala ka ɗang. À kǝ pa anggo ace mǝnana ɓǝ̀ aɓwana sǝn aturo-ɓoarna malea ɓǝa ɓwangsǝia. Ən nggǝ bangga wun mǝsǝcau, à angŋǝna tangnakusǝia cikcik.

Matiu 6:5

Ɓǝ̀ wu nǝ̀ pak hiwi ka, wu kǝa pe a pě mala amǝ'kunɓarina ɗang, mǝnana à kǝ earce camnggi aɓalǝ andakpapi andǝ agauwata anjarɓala sǝ à nǝ̀ pak hiwi, ace mǝnana ɓǝ̀ aɓwana sǝnia ka. Ən nggǝ bangga wun mǝsǝcau à angŋǝna dǝmbǝa à kumǝna tangnakusǝia.

Markus 2:18

Ɓe pwari nakam alaggana mala Yohana Mǝbatisǝma andǝ amǝ Farisi à nda ban gilmur. Aɓea ɓwana yiu aban Yesu à yì ɗi ama, “Palang sǝ alaggana mala Yohana andǝ mala amǝ Farisi ka, à kǝ gilmur, sǝ alaggana mo ka à kǝ gil ɗang?”

Luka 18:12

Ən nggǝ gilmur kusǝ ɓari a nre-limo mwashat, sǝ ǝn nggǝ pe Ɓakuli kāmbe mwashat aɓa lum mala koya girkuma mem.”

Luka 2:37

Anggo sǝ do man-lú apǝlǝa lumi-tongno-nong-tārú nǝ mǝsǝì ine. Gapiyi tarǝia andǝ Ndàmǝgule mala Ɓakuli ɗang, du andǝ pwari nda aban peri aban Ɓakuli nǝ gilmur andǝ hiwi.

Amǝ Mishan 10:30

Karnilus eare ama: Nongŋo tārú mǝno kuti ka, pwari na anggo kǝla mǝnia ka, a bu-pwari tārú mala pwarikpǝra, mǝ nda ban pak hiwi a ɓala mem, kara ɓeɓwa mana oasǝ agir-nggurǝu mǝlinzame ka, puro yi came a ɓadǝmbǝam.

Amǝ Mishan 14:23

Bulǝs andǝ Barnabas twal aɓwana-mǝgule mǝnana à cia amur amǝkwaɗi a koya ikǝlisiya ka. Nǝ hiwi andǝ gilmur, à tsǝk aɓwana-mǝgule mǝnia aɓata yalban mala Mǝtalabangŋo mana à guli a rǝi ka.

1 Amǝ Korinti 7:5

Wu kǝa ɓinǝia rǝ wun nongŋo-nda ɗang, she ɓǝ̀ do ama nǝ eare ma'wun arǝarǝ wun, ace mǝnana ɓǝ̀ wu kum dǝmbǝu mala pak hiwi ka. Anzǝm mani ka, wu nǝ̀ nyare a tarǝ wun. Anggo ka pà wu nǝ̀ kpa aɓa karǝkiban mala Shetan ace ɗwanyi bwalrǝu ma'wun ɗang.

2 Amǝ Korinti 11:27

Ən do aɓa pak turo mǝkwane andǝ aulǝa, aɓa ɗwanyi ntulo arǝ adú pas, aɓa nzala andǝ mǝsamur. Kusǝ pas ǝn do aɓa tǝla girlina, aɓa ɗwal andǝ tǝla agir-nggurǝu.

2 Amǝ Korinti 6:5

À walki sǝm, à ramta sǝm a ndàkurban, aɓwabunda lo arǝ sǝm aɓa bumlulla; sǝm pak turo aɓa aulǝa, sǝm dum nǝ gandǝrǝu aɓa ɗwanyi ntulo andǝ nzala.