Matiu 6:13 - Maləmce Məfele mala Ɓakuli: Kurcau Məbəshe

¹³ Bwala sǝm ɓǝ̀ sǝm kǝa kuti aɓa karǝkiban ɗang, amsǝ sǝm a bu Mǝɓealɓikea. [Domurǝm, andǝ rǝcandǝa, andǝ gulo ka amo na kat, mana masǝlǝate pà kàm raka, Amin.]”

Matiu 6:13 ပူးပေါင်းရင်းမြစ်များ

Matiu 26:41

Wu dum nǝ amǝsǝ wun, sǝ wu pak hiwi, ace mǝnana wu kǝa kuti aɓa karǝkiban raka. Bangŋo ma'wun kǝ earce nǝ̀ pak gir mǝɓoarne sǝ nggūrǝu ka pà nǝ́ rǝcandǝa ɗang.”

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Matiu 5:37

Ɗeki “E” mo ɓǝ̀ duk “E,” sǝ “Awo” mo ɓǝ̀ duk “Awo”; ɓǝ̀ wori mǝnia ka pur nǝ ban Mǝɓealɓikea.

Matiu 6:10

Domurǝm mo ɓǝ̀ yiu. Gir mǝnana a earkiyice ka, ɓǝ̀ sǝm pe a ɓanza, kǝla mǝnana à kǝ pe a kuli ka.

Yohana 17:15

Ən pa aban zǝmbǝa nǝma wu pusǝia, ɓǝa nying ɓanza ɗang. Mǝ nda aban zǝmbǝa ama, wu bwalia, ɓǝa ká kuti a ɓabu Shetan, mǝɓealɓikea ɗang.

1 Amǝ Korinti 10:13

Kǝ karǝkiban pà kàm nǝ̀ kumo mǝnana kǝ kum ɓwapǝndǝa raka. Ɓakuli ka mǝ'ɓwamuru na, pà nǝ̀ eare wu kum karǝkiban mǝnana nǝ̀ kuti rǝcandǝa mo ka ɗang. Sǝ ɓǝ̀ karǝkiban kumo ka, yì ka, nǝ̀ po rǝcandǝa mǝnana a nǝ cambi wi, sǝ nǝ̀ mǝn njargula mana a nǝ puri ɓālǝi ka.

1 Amǝ Korinti 14:16

Sǝ ɓǝa kǝ ɓwangsǝ Ɓakuli nǝ bangŋo nǝmurǝì ka, lang sǝ aɓwana mǝnana à oeo sǝ à bwalta cau mo raka à nǝ̀ ear ama ɓǝ̀ do anggo? Palang sǝ à nǝ̀ bwalo kam arǝ pak yàwá yi mǝnana yia ka à surǝ cau mǝnana a nakiyi raka?

2 Amǝ Korinti 1:20

Acemǝnana apacau mala Ɓakuli kat ka à lumsǝna aɓa Kǝrǝsti nǝ eare ama “E.” Nda gir mǝnana tsǝa sǝ nǝ ban Yesu Kǝrǝsti sǝ sǝm nggǝ na ama, “Ɓǝ̀ do anggo” ace gusǝlǝ Ɓakuli ka.

Amǝ Galati 1:4

Yesu pa yilǝmi ace acauɓikea ma'sǝm, kǝla mǝnana Ɓakuli Tar sǝm kani ka, ace mǝnana ɓǝ̀ amsǝ sǝm, a bu mǝnia yì nza mǝɓealɓike sǝm nda a ɓalǝi ka.

1 Amǝ Tasalonika 1:10

Ɗǝm ngga à bang cau mala do kundǝmuru ma'wun arǝ yiu mala Muna mala Ɓakuli nǝ kuli, yì muna male mana loasǝi a ɓembe ka. Nda Yesu mana nda mǝ'amsǝ sǝm a bu tanni mala bumlulla mǝɓike mala Ɓakuli mǝnana kǝ yiu ka.

2 Amǝ Tasalonika 3:3

Sǝ Mǝtalabangŋo ka, à nǝ̀ guli a rǝì. Nǝ̀ pa wun rǝcandǝa, nǝ̀ yal wun a bu yì Mǝɓealɓikea.

1 Timoti 1:17

Adyan ngga, gulo andǝ ɓoarɓwa kat ka, mala Ɓakuli na, mana málá male pà kàm raka. Yì mǝnana nda Murǝm mala anza kat, sǝ pà nǝ̀ wu ɗang, yale ɓwapǝndǝa pa nǝ̀ gandǝ sǝne raka, kǝ yì mwashat nda Ɓakuli. Amin.

Amǝ Ibǝru 11:36

Aɓea ɓwana atea ka, à oalia oalban zalǝban sǝ à kwea. Aɓea ka, à oasǝia a nsolo sǝ à ramtea a ndàkurban.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.

2 Bitǝrus 2:9

Sǝ acemǝnana Ɓakuli pak mǝno ka, yì ka, surǝna njar mana nǝ̀ amsǝna amǝ'ɓealɓoarna nǝi aɓalǝ akárǝkiban malea, sǝ amǝ'ɓealɓikea ka, nǝ̀ cia aɓata tanni, ba pwari mala ɓashi.

1 Yohana 3:8

Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 19:1

Anzǝm mǝnia ka, ǝn ok giu kǝla loasǝban mala ɓwabunda mǝlake kǝrkǝr a kuli, à kǝ na ama, “Haliluya! Amsǝban andǝ ɓoarɓwa andǝ rǝcandǝa ka, amala Ɓakuli ma'sǝm na.

Sǝna 19:4

Aɓwana mǝgule lumi-ɓari-nong-ine andǝ agiryilǝmu ka, à sarǝa a nzali aban peri a ɓadǝm Ɓakuli mǝnana do amur bunomurǝm ngga. À loasǝ gia à bangŋa ama: “Amin, Haliluya!”

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 21:4

Nǝ̀ esǝki mǝrǝm kat a mǝsǝia, sǝ lú, andǝ bumkiɗikea, andǝ ɓua andǝ kwanban ngga, à pà nǝ̀ pàk kàm ɗǝm ɗang. Amǝnia yì agir mǝnana ɗiɗyal ka, à umna ɗǝɗak.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.

Sǝna 3:14

Gilǝî mǝturonjar mala ikǝlisiya mǝnana a Lawodisi ka ama: Mǝnia ka nda cautera mǝnana pur nǝ bani, yì ɓwa mǝnana nda Amin, mǝ'nakún mǝ'mǝsǝcau nì sǝ mǝɓafoe, mǝyalban amur agirbunda mǝnana Ɓakuli pusǝia ka.

Sǝna 5:13

Pǝlǝa ǝn ok agir kat mǝnana Ɓakuli pusǝia ka, amǝnana a kuli ka, andǝa mǝnana a nzali ka, andǝa mǝnana a tǝta nzali ka, andǝa mǝnana a tamur ka, aban ɓwangsǝki Ɓakuli. À tu'nggyal ama: “Ɓwangsǝban andǝ gulo, andǝ ɓoarɓwa, andǝ rǝcandǝa ka, ɓǝa pe Yì ɓwa mǝnana do amur bunomurǝm ngga sǝ ɓǝa pe Mǝgam, málá male pà kàm ɗang!”