Matiu 6:12 - Maləmce Məfele mala Ɓakuli: Kurcau Məbəshe

¹² Twala sǝm ban acauɓikea ma'sǝm, kǝla mǝnana sǝm nggǝ twali aɓwana mana à kǝ pakka sǝm cauɓikea ka.

Matiu 6:12 ပူးပေါင်းရင်းမြစ်များ

Matiu 26:28

Mǝnia ka nda nkilem mala kurcau mǝbǝshe, mǝnana à sukki ace twal ban acauɓikea mala aɓwana pas ka.

Matiu 9:2

Aɓea aɓwana yinǝi wi nǝ ɓe mǝrǝwuna a kala. Lang Yesu sǝn guliarǝu malea ka, ne mǝkwano ama, “Nwangsǝ ɓabumo, munem, à twalǝno ban acauɓikea mo.”

Markus 11:25

“Ɓǝ̀ wu came aban pak hiwi, sǝ wu ndanǝ kǝgir a bum wun arǝ kǝɓwa ka, wu twalbani, ace mǝnana Tar wun mǝnana a kuli ka ɓǝ̀ twala wun ban acauɓikea ma'wun.

Luka 11:4

Twala sǝm ban acauɓikea ma'sǝm, kǝla mana sǝm gbal ka sǝm nggǝ twali aɓwana mǝnana à kǝ pakka sǝm cauɓikea, banì ka. Kǝa ká nǝ sǝm aɓa karǝkiban ɗang.’ ”

Luka 13:4

Ko aɓwana mǝnana lum-bwamndǝ-tongno-nong-tārú mǝnana ndakuli mǝdāre kpa a muria à wú a Silowam ngga, wu kǝ sǝni kǝla à kutiban nǝ cauɓikea a Urǝshalima kat le?

Luka 6:37

Wu kǝa wu sǝn cauɓikea mala aɓwana ɗang, sǝ wun gbal ka à pà nǝ̀ sǝn cauɓikea ma'wun ɗang. Wu kǝa ɓashi aɓwana ɗang, sǝ à pà nǝ̀ ɓashia wun gbal ɗang. Wu twalbani, sǝ à nǝ̀ twala wun banì.

Amǝ Mishan 13:38

Ace mani ka, wun amǝ'eambǝam, wu kwaki kir wun! Wu sǝlǝ ama nǝ bu Yesu sǝ wu nǝ̀ kum twalban cauɓikea ma'wun.

Amǝ Afisu 1:7

Yì ka, mǝsǝswatǝr andǝ ɓwamuru male ka à gul kǝrkǝr, nda sǝ yi kúr panzǝban ma'sǝm nǝ nkila mala Muni, pǝlǝa twala sǝm ban acauɓikea ma'sǝm ngga.

Amǝ Afisu 4:32

Wu lǝmndǝì arǝ wun pe mǝɓoarne andǝ ɓuɓɓuka, wu sǝn mǝsǝswatǝr mala rǝarǝ wun, wu twali arǝ wun banì, kǝla mǝnana Ɓakuli twala wun banì aɓa kpapi ma'wun wunǝa Kǝrǝsti ka.

Amǝ Kolosi 3:13

Wu kǝ twalban aɓwarkio mala rǝarǝ wun nǝ gandǝrǝu, sǝ wu kǝ twali koyana mǝnana pakka wun mǝɓane ka banì. Wu ɗenyi ama Mǝtalabangŋo twala wun banì, sǝ ace mani ka dumǝna wun púp wu nǝ̀ twalia rǝ wun banì.