Matiu 6:1 - Maləmce Məfele mala Ɓakuli: Kurcau Məbəshe

¹ Wu tsǝk kir wun, wu kǝa pakki aturo-ɓoarna ma'wun a ɓamǝsǝ aɓwana ace mǝnana ɓǝa sǝn wun ngga ɗang. Ɓǝ̀ wu kǝ pa anggo ka, pa wu nǝ̀ kum ɓe kǝ tangnakusǝu aban Tár wun mana a kuli ka ɗang.

Matiu 6:1 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 16:6

Yesu nea wia ama, “Wu par kir wun, wu yal ɓamur rǝ wun arǝ yist mala amǝ Farisi andǝ amǝ Saduki.”

Matiu 23:13

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

Matiu 23:5

Ko man à kǝ pak le ka à kǝ lǝmndǝki ɓǝ̀ aɓwana sǝni. Pak ka amuna-luru malea mala tsǝk amǝ'mbu-malǝmce mala cau mala Ɓakuli ka à kǝ pea ɓǝa tanggî mala acili aɓwana sǝ à nǝ̀ kurkia a kundǝmbǝia andǝ amelbuia. Ankonggur kun adaura malea ka amǝsake na.

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Matiu 5:16

Anggo sǝ wu nǝ̀ nying tǎlaban ma'wun ɓǝ ta a ɓadǝmbǝ aɓwana ace mǝnana ɓǝa sǝn aturo ɓoarna ma'wun, sǝ ɓǝa gusǝlǝ Tar wun mana a kuli ka.

Matiu 5:46

Ɓǝ̀ earcearǝu ma'wun ngga nda ace amǝ'earce wun nǝmurǝia ka, ya tangnakusǝu na wu ndanǝi? Nggearǝ amǝ'cauɓikea ka anggo sǝ à pakkiyia.

Matiu 5:48

Ace mǝno ka wu lumsǝ nǝ cauɓoarna kǝla mǝnana Tar wun mana a kuli ka lumsǝ nǝ cauɓoarna ka.

Matiu 6:16

Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Matiu 6:9

Ani ka, sǝ wu nǝ̀ pak hiwi: “We Tár sǝm mǝnana a kuli ka, ɓǝ̀ lùllǝo kum gulo.

Markus 8:15

Lang à ndarǝ o aɓa waru ka, Yesu nun kiria ama, “Wu par kir wun arǝ yis mala amǝ Farisi andǝ mala Hirǝdus.”

Luka 11:35

Sǝ we ka, tsǝk kiro, ɓǝ̀ tǎlaban mo ɓǝ̀ kǝa duk pǝndǝa ɗang.

Luka 12:1

Anggo ka, lang ɓwabunda mǝnana lakki malea na á-pas à yì ramǝna aban Yesu gandǝa à kǝ parki rǝarǝia ka, Yesu tita na cau peatu nǝ alaggana male ama: Wu par kir wun arǝ yis mala amǝ Farisi. Mǝ nda ban na cau amur kúnɓárína malea.

Luka 12:15

Pǝlǝa ne ɓwabunda ama, “Wu parkir wun, wu yal rǝ wun arǝ koya ulang kikil ka, acemǝnana lakki mala agirkuma mala ɓwa ka, nda yilǝmi ɗang.”

Luka 16:15

Pǝlǝa Yesu nea wia ama: Wu ndaka aɓwana mǝnana wu kǝ lǝmndǝì acili aɓwana ama wu ndaka amǝɓoarne, sǝ Ɓakuli ka surǝna ɓabum wun. Gir mǝnana ɓwapǝndǝa gusǝlǝi kǝrkǝr ka mǝɓeami na aban Ɓakuli.

Yohana 12:43

Yia ka à kǝ earce ɓwangsǝban mala ɓwamǝpǝnde amur ɓwangsǝban mala Ɓakuli.

Yohana 5:44

Lang sǝ wun nǝ̀ earnǝ mim, yi mǝnana wu kǝ earce ak ɓwangsǝban arǝarǝ wun, sǝ wu kǝ ɓariki ama wu nǝ̀ kum ɓwangsǝban aban ɓwa mǝnana yì mwashat nda Ɓakuli ka ɗang?

Amǝ Mishan 3:12

Lang Bitǝrus sǝn ɓwabunda yi ram ka pǝlǝa banggia wia ama: Wun amǝ Isǝrayila, palang sǝ wu kǝ pak ndali, sǝ palang sǝ wu kǝ soa mǝsǝ wun arǝ sǝm? Wu kǝ sǝni kǝla nǝ rǝcandǝa ma'sǝm andǝ cauɓoarna ma'sǝm sǝ mǝnia yì ɓwa ka kǝ gya ado le?

Amǝ Galati 6:12

Aɓwana mǝnana à kǝ ɓariki ama à nǝ̀ tsǝk wun púp wu kasǝ-ɓatau ka, à nda aban earce ama ɓǝ̀ aɓwana sǝn sǝlǝpe malea. À eare ama à nǝ̀ kum tanni ace nggun-gangndi mala Kǝrǝsti ɗang. Nda gir mǝnana tsǝa sǝ à kǝ ɓinǝ kanigir mana ama nǝ́ guli arǝ turo mǝnana Kǝrǝsti malǝna pe amur nggun-gangndi nǝmurǝì ka, sǝ aɓwana nǝ̀ kum amsǝban ngga.

Amǝ Ibǝru 11:26

Abani ka, ɓangginǝban ace Kǝrǝsti ka, kuti kume mǝnana a Masar ka, acemǝnana tsǝk mǝsǝì arǝ tangnakusǝi mǝnana kǝ yiu ka.

Amǝ Ibǝru 2:1

Ace mani ka, sǝm nǝ̀ tsǝk kir sǝm pépè arǝ cau mǝnana sǝm ok ka, ace mǝnana ɓǝ̀ sǝm ngga kyanggi wi ɗàng.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

2 Yohana 1:8

Wu tsǝkir wun, ace mǝnana wu kǝa ɗwanyi tangnakusǝu turo ma'wun ɗang. Wu ak tangnakusǝ wun ɗǝɗak.