Matiu 5:9 - Maləmce Məfele mala Ɓakuli: Kurcau Məbəshe

⁹ Amǝ gilǝki dotarǝu ka à ndanǝ tsǝkbu mala Ɓakuli, acemǝnana à nǝ̀ duk amuna mala Ɓakuli.

Matiu 5:9 ပူးပေါင်းရင်းမြစ်များ

Matiu 5:45

Ɓǝ̀ wu pa anggo ka wu nǝ̀ duk amuna mala Tar wun mǝnana a kuli ka. Acemǝnana yì ka, kǝ tsǝk pwari male kǝ ta amur aɓwana amǝɓane andǝ amǝɓoarne, sǝ kǝ nya mbulo amur amǝ pak cauɓoarna andǝ amǝ pak ɓealɓikea.

Matiu 5:48

Ace mǝno ka wu lumsǝ nǝ cauɓoarna kǝla mǝnana Tar wun mana a kuli ka lumsǝ nǝ cauɓoarna ka.

Luka 20:36

Sǝ à pà nǝ̀ wu ɗǝm ɗang, acemǝnana à nda kǝla amǝturonjar. Amuna mala Ɓakuli na. Yia ka à ndaka ɓwana mǝnana à loapi ɓembe ka.

Luka 6:35

Wun ngga, wu earce aɓi wun amǝbura, wu pakkia wia mǝɓoarne. Wu pea wia tangna, sǝ wu kǝa tsǝkɓalǝu ama à nǝ̀ mbwe wun ɗang. Sǝ tangnakusǝ wun nǝ̀ gulo, sǝ wu nǝ̀ duk amuna mala Tar wun Ɓakuli mǝnana Karban nǝ Gulo kat ka. Acemǝnana yì ka, kǝ lǝmndǝ ɓwamuru male, ko aban amǝtǝmbu andǝ amǝ'ɓealɓikea.

Amǝ Mishan 7:26

Ban fana ka yi kumǝna amǝ Isǝrayila ɓari aban munǝo, pǝlǝa kutia gakia. Nea wia ama, “Wu ndaka amǝ'eamrǝarǝu amǝ Isǝrayila wun kǝm, sǝ palang sǝ wu kǝ munǝo a rǝarǝ wun?”

Amǝ Roma 12:18

Ɓǝ̀ nǝ̀ gandǝ pa ka, wu dukdo aɓa dorǝpwala wunǝ aɓwana kat.

Amǝ Roma 8:14

Aɓwana mǝnana Bangŋo mala Ɓakuli na kǝ gingnǝia ka, à nda ka muna mala Ɓakuli.

Amǝ Roma 8:16

Bangŋo mala Ɓakuli nǝ ɓamuri ka, kǝ bangga sǝm a ɓabum sǝm ama kàngkàng mǝsǝcau na sǝm nda ka amuna mala Ɓakuli.

Amǝ Roma 8:19

Agirbunda mǝnana Ɓakuli pusǝia ka, à nda rǝ kúndǝo, nǝ rǝɓǝla, arǝ pwari mǝno Ɓakuli nǝ̀ lǝmndǝ rǝ amuna male amǝɓafoe nǝi ka.

1 Amǝ Korinti 6:6

Sǝ mǝkpata Ɓakuli pǝlǝa twal ɓi mǝkpata Ɓakuli aban ká aban amǝ ɓashi mala ɓanza!

2 Amǝ Korinti 13:11

A masǝlǝate ka, wun amǝ'eamrǝarǝu, ǝn nggǝ tsǝk wun a ndà nǝ amǝnia yì acau ka: Wu dum nǝ bumpwasǝa. Wu gulo wu kya bwal ban mǝnana wu karǝna ɓwa ka. Wu earnǝ rǝarǝ wun. Wu do aɓa rǝpwala. Anggo ka, sǝ Ɓakuli mǝ'earcearǝu nì andǝ mala dorǝpwala ka, nǝ̀ do ata wun.

2 Amǝ Korinti 5:20

Ace mani ka, sǝm nda ka mǝ'pwantu mala Kǝrǝsti; Ɓakuli na rǝ ɓuaki arǝ wun nǝ kun sǝm ama wu kwaki kir wun arǝ cau ma'sǝm. Sǝm nggǝ ɓuaki arǝ wun a kuni Kǝrǝsti ama, wu gilǝki nre wun wunǝa Ɓakuli.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

Amǝ Filipi 4:2

Ən nggǝ ɓuaki arǝ Yudiya sǝ ǝn nggǝ ɓuaki arǝ Sǝntǝki, wu earnǝ rǝarǝ wun, acemǝnana wun ngga, wu nda ka mala Mǝtalabangŋo.

Amǝ Kolosi 3:13

Wu kǝ twalban aɓwarkio mala rǝarǝ wun nǝ gandǝrǝu, sǝ wu kǝ twali koyana mǝnana pakka wun mǝɓane ka banì. Wu ɗenyi ama Mǝtalabangŋo twala wun banì, sǝ ace mani ka dumǝna wun púp wu nǝ̀ twalia rǝ wun banì.

Amǝ Ibǝru 12:14

Wu ɓariki wu dukdo rǝpwala wunǝ aɓwana andǝ do mǝfele; aɓwana mǝnana à kǝ dukdo mǝfele raka, à pà nǝ̀ sǝn Mǝtalabangŋo ɗang.