Matiu 5:46 - Maləmce Məfele mala Ɓakuli: Kurcau Məbəshe

⁴⁶ Ɓǝ̀ earcearǝu ma'wun ngga nda ace amǝ'earce wun nǝmurǝia ka, ya tangnakusǝu na wu ndanǝi? Nggearǝ amǝ'cauɓikea ka anggo sǝ à pakkiyia.

Matiu 5:46 ပူးပေါင်းရင်းမြစ်များ

Matiu 11:19

Muna mala Ɓwa yiu kǝ li sǝ kǝ nu, à yì bangŋa ama, “Mǝligula na sǝ mǝ'ɓiki nu mur anap na, gyajam mala amǝ'aki aboalo-cemi andǝ acilia amǝ'cauɓikea ka.” Sǝ sǝlǝe mala Ɓakuli ka à kǝ surǝì arǝ turo male.

Matiu 18:17

Ɓǝ̀ ginǝ ok ka, kyan nǝi aban Ikǝlisiya. Sǝ ɓǝ̀ ginǝ oaki Ikǝlisiya ka, nyesǝi kǝla mǝ ɗwanyi surǝ Ɓakuli ko mǝ'cauɓikea.

Matiu 5:47

Sǝ ɓǝ̀ amǝ'eam wun na nǝmurǝia wu makkiyia kun ngga, nǝ man sǝ wu kuti acili aɓwana mǝnana amǝkpatam na raka? Nggearǝ amǝɓanza ka anggo sǝ à pakkiyia.

Matiu 6:1

Wu tsǝk kir wun, wu kǝa pakki aturo-ɓoarna ma'wun a ɓamǝsǝ aɓwana ace mǝnana ɓǝa sǝn wun ngga ɗang. Ɓǝ̀ wu kǝ pa anggo ka, pa wu nǝ̀ kum ɓe kǝ tangnakusǝu aban Tár wun mana a kuli ka ɗang.

Markus 2:15

Anzǝm mǝno ka Yesu do aban li girlina a ɓala mala Lawi. Amǝcemi pas andǝ amǝnana aɓwana twalia ama amǝ'cauɓikea na ka, à yì do à kǝ lili andǝ Yesu andǝ alaggana male. Aɓwana ulang amǝnia ka à ndakam pas mǝnana à kǝ gya ata Yesu ka.

Markus 2:16

Lang amalǝm Nggurcau mala Musa mǝnana amǝ Farisi na, à sǝn Yesu aban lili andǝ amǝ'cauɓikea andǝ amǝcemi ka, à ɗi ka laggana male ama, “Palang sǝ kǝ lili andǝ amǝcemi andǝ amǝ'cauɓikea?”

Luka 15:1

Aɓe fara ka amǝcemi andǝ amǝ'cauɓikea na aban rambǝa kat à nǝ̀ kwaki kiria arǝ Yesu.

Luka 18:13

Sǝ mala mǝcemi ka cam kuko. Eare ama nǝ̀ loasǝ muri a kuli ɗang, wal kikili na ama, “Ɓakuli, sǝn mǝsǝswatǝr mem, mim ngga mǝ nda mǝ'cauɓikea!”

Luka 19:2

Ɓe ɓwa nakam lullǝi ama Zaka, ɓwamǝgule mala amǝcemi na sǝ yì ka, mǝkume na.

Luka 19:7

Ɓwapǝndǝa mǝnana kat sǝn mǝnia ka, tita nggwani ama, “Ɓwabura man ngga kya sulǝna a ɓala mala mǝ'cauɓikea!”

Luka 3:12

Amǝ'ak boalo-cemi gbal ka à yiu ama ɓǝa pakkia wia batisǝma. Pǝlǝa à ɗi ama, “Malǝm, mana sǝm nǝ̀ pa?”

Luka 5:29

Pǝlǝa Lawi tunǝ pakiɗire mala li girlina ace Yesu a ɓala male. Sǝ pas aɓalǝ aɓwabunda mǝnana aban li atea ka amǝ'ak boalo-cemi na.

Luka 5:30

Sǝ aɓea amǝ Farisi andǝ amalǝm Nggurcau malea nggwani aban alaggana mala Yesu ama, “Palang sǝ wu kǝ lili, wu kǝ nuki agir wunǝ amǝ'ak boalo-cemi andǝ amǝ'cauɓikea, aɓwana mǝnana à kǝ kpata Nggurcau mala Musa raka.”

Luka 7:29

Ɓwapǝndǝa kat, ko nggearǝ amǝ'ak boalo-cemi, lang à oangŋa cau mala Yesu ka, à ear kat ama, njargula mala Ɓakuli ka mǝɓoarne na, acemǝnana Yohana nǝ̀ pakkia wia batisǝma.

Luka 7:34

Muna mala Ɓwa yiu kǝ li, kǝ nu, nyare wu na ama, “Wu sǝn nggea mǝligula, mǝ nukiagir, gyajam mala amǝ'ak boalo-cemi andǝ ‘amǝ'cauɓikea.’ ”