Matiu 5:44 - Maləmce Məfele mala Ɓakuli: Kurcau Məbəshe

⁴⁴ Sǝ mim ngga ǝn nggǝ na wun ama: Wu earce aɓi wun amǝbura sǝ wu kǝ pak hiwi ace aɓwana mǝnana à ɓinǝ mǝsǝ wun sǝ à kǝ pa wun tanni ka.

Matiu 5:44 ပူးပေါင်းရင်းမြစ်များ

Luka 23:34

Pǝlǝa Yesu na ama, “Dâ, twalia wia banì, acemǝnana à surǝ gir mana à pakki ka ɗang.” Pǝlǝa à ko caca amur agir-nggurǝu male, à gakia rǝia.

Yohana 13:34

Sǝ ace mǝno ka mǝ ndarǝ pa wun bǝsa nzongcau: Wu earce rǝarǝ wun. Kǝla mǝnana ǝn earce wun ngga, anggo sǝ wu nǝ̀ dum nǝ earcea rǝ wun.

Amǝ Mishan 16:28

Sǝ Bulǝs sà a rǝi ɓwam ama, “Came, kǝa wal ɓamuro ɗang! Sǝm ndakani kat!”

Amǝ Mishan 7:60

Pǝlǝa ɓun amur ankuni loasǝ gi nǝ rǝcandǝa ama, “Mǝtalabangŋo, kǝa bwalia nǝ mǝnia yì cauɓikea ka amuria ɗang.” Lang bangŋǝna anggo ka, kara kuni kumsǝo.

Amǝ Roma 12:14

Wu tsǝki aɓwana mǝnana à kǝ pa wun tanni ka bu; wu tsǝkia wia bu, ce wu suia ɗang.

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

1 Bitǝrus 2:23

Lang aɓwana sanggì ka, nyesǝî kǝɓwa nǝ sangban ɗang; sǝ lang à pe wi tanni ka, ɓalbura kǝɓwa ama nǝ̀ ɗi tangna a kúnì mǝnana à pakki wi ka ɗang. Tanni male ka, nyinggi Ɓakuli mǝnana kǝ pak ɓashi nǝ mǝsǝcau ka, a bui.

1 Bitǝrus 3:9

Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.