Matiu 5:30 - Maləmce Məfele mala Ɓakuli: Kurcau Məbəshe

³⁰ Sǝ ɓǝ̀ buo mǝli kǝ tsǝo a kǝ pak cauɓikea ka, kasǝi turi. Kǝpǝna wu ɗwanyi ɓe kǝ bareo mwashat amur mǝnana ɓǝa tur nggūrǝo kat aɓa tuli-bǝsa ka.

Matiu 5:30 ပူးပေါင်းရင်းမြစ်များ

Matiu 11:6

Tsǝkbu mala Ɓakuli na amur aɓwana mana à kum ɓe kǝgir annda a rǝam raka.”

Matiu 13:21

Sǝ acemǝnana nlerǝi ko a nzali raka, gandǝ came banì sau ɗang. Pwari mǝnana tanni yipi wi acemǝnana paɓamuri arǝ cau mala Ɓakuli ka, nǝ̀ kaurǝ a kpa.

Matiu 16:23

Yesu pǝlǝa arǝ Bitǝrus sǝ ne wi ama, “Nyaram anggo, Shetan! A kǝ earce tsǝem mǝ annda, acemǝnana ɗenyicau mo ka mala Ɓakuli na ɗang, mala ɓwapǝndǝa na.”

Matiu 17:27

Sǝ ace mǝnana ɓǝ̀ sǝm ka lul bumia raka, kyane a kun nggeamur kya tur nli. Nji mǝnana a nǝ tita bwale ka, mǝn kuni, a wu nǝ kum boalo kam. Twali kya mbwe na boalo-cemi ma'sǝm nǝi, mem andǝ mo.”

Matiu 18:8

Ɓǝ̀ buo ko kusǝo kǝ tsǝo a kǝ pak cauɓikea ka, kasǝi turi. Kǝpǝna wu kuti a yilǝmu nǝ bu-kasǝa ko kusǝu-kasǝa amur mǝnana wu dum nǝ abuo ɓari ko akusǝo ɓari sǝ ɓǝa turo aɓa bǝsa mǝnana pà nǝ̀ linggi raka.

Matiu 22:13

Murǝm ne amuna-ɓala ama, “Wu taka bui andǝ akusǝi, wu turi a nza aɓa pǝndǝa. Akano sǝ nǝ̀ ɓua nǝ̀ nggǝ nǝmnggi munabui.”

Matiu 25:20

Ɓwabura mana à pe wi luru mǝsǝboalo tongno ka yiu nǝ aɓea aluru tongno mana kum amur amǝno ka. Bangŋa ama, “Ɓwamǝgule, a pam luru mǝsǝboalo tongno, sǝ ǝn nggaliki nǝi. Sǝni, ndya ǝn kum aɓea tongno amur amǝno ka.”

Matiu 26:31

Lang à nda amur nkono Olif ka, Yesu pǝlǝa ne alaggana male ama, “A ɓa dù man yalung ngga, wun kat wu nǝ̀ mǝsǝe, wu nǝ̀ ɗekiam. Mǝnia ka nda acemǝnana aɓa Malǝmce ka Ɓakuli bangŋa ama: “ ‘Mǝ nǝ wal yalgir, sǝ anzur mana a domwan ngga à nǝ̀ mesǝke.’

Matiu 5:22

Sǝ mim ngga ǝn nggǝ na wun ama ɓwa mǝnana bumi lullo arǝ ɓi ka à nǝ̀ pakki wi ɓashi. Sǝ ɗǝm ngga à bangŋa ama ɓwa mǝnana tunǝî ɓì ɓwaɓana ka à nǝ̀ ká nǝi aban amǝɓashi. Sǝ mim ngga ǝn nggǝ na wun ama ɓǝ̀ a ne ɓwa ama “We ɓwazalǝa” ka, a nda ɓa ká tanni mala ɓashi lu-bǝsa.

Matiu 5:29

Ɓǝ̀ mǝsǝo mǝli kǝ tsǝo a kǝ pak cauɓikea ka, pusǝì turi. Kǝpǝna wu ɗwanyi ɓe kǝ bareo mwashat amur mǝnana ɓǝa tur nggūrǝo kat aɓa tuli-bǝsa ka.

Markus 9:43

Ace mani ka, ɓǝ̀ buo kǝ cio a kǝ pak cauɓikea ka, kasǝi kpat. Nǝ̀ ɓoaribani wu kutio a yilǝmu mana málá male pà kàm raka nǝ bu mwashat, amur mana a nǝ dum nǝ abuo ɓari sǝ à nǝ̀ turo aɓa lu-bǝsa, aban mǝnana bǝsa male kǝ linggi raka.

Luka 12:5

Mǝ nǝ lǝmndǝa wun rǝ ɓwa mǝnana wu nǝ̀ ɓanggi wi ka. Wu ɓanggi Ɓakuli, mǝnana ɓǝ̀ walna ɓwa ka, ndanǝ rǝcandǝa mǝnana nǝ̀ ramta ɓwa a lu-bǝsa ka. Ɓafo, ǝn nggǝ na wun, wu ɓanggi wi!

Luka 17:2

Ɓǝ̀ ɓwa nǝ̀ tsǝk mwashat ata amǝnia yì amuna ɓǝ̀ pak cauɓikea ka, kǝpǝna ɓǝa ɗurri ɓwe taligo a meali sǝ ɓǝa ramte aɓa nggeamur.

Amǝ Roma 9:33

Kǝla mǝnana à gilǝì aɓa Malǝmce ama: “Sǝni, mǝ ndya ǝn nggǝ tsǝk muna-tali a Siyona, mǝnana nǝ̀ tsǝk aɓwana à nǝ̀ anndǝ́ ka, andǝ nggea-tali mǝnana nǝ̀ cia à nǝ̀ kpa ka. Sǝa ma ɓwa mǝnana é guli a rǝi ka, pà nǝ̀ kum kǝsǝkya ɗang.”

1 Amǝ Korinti 8:13

Ace mani ka, ɓǝ̀ girlina mǝnana ǝn nggǝ li ka, nǝ̀ tsǝk mǝ'eambǝam nǝ̀ kpa aɓa cauɓikea ka, pà mǝ nǝ li ulang mǝno yì nyama ɗǝm ɗang, acemǝnana mǝ ngga ci ɓǝ̀ kpa ka ɗang.

Amǝ Galati 5:11

Wun amǝ'eamrǝarǝu, ɓǝa bangŋa ama ado mǝno ka, cau mala kasǝ-ɓatau na ǝn nggǝ hamnǝi piu ka, palang sǝ mǝ nda aɓa nutanni a bu amǝ Yahudi? Sǝ ɓǝ̀ nda anggo ka, hamnǝ Cau Amsǝban mala Kǝrǝsti Yesu mǝnana ǝn nggǝ hamnǝi amur lú male a nggun-gangndi ka, ɓǝ́ pà nǝ̀ yinǝ bumkiɗikea aban amǝ Yahudi ɗang.

1 Bitǝrus 2:8

Sǝ ɗǝm ngga, “Nda tali mǝnana kǝ tsǝk ɓwapǝndǝa à kǝ anndǝ ka, tali mǝnana kǝ cia à kǝ kpa ka.” À kǝ annda, acemǝnana à kpata cau mala Ɓakuli ɗang, sǝ mǝnia ka, nda gir mǝnana Ɓakuli tsǝkia wia ka.