Matiu 5:29 - Maləmce Məfele mala Ɓakuli: Kurcau Məbəshe

²⁹ Ɓǝ̀ mǝsǝo mǝli kǝ tsǝo a kǝ pak cauɓikea ka, pusǝì turi. Kǝpǝna wu ɗwanyi ɓe kǝ bareo mwashat amur mǝnana ɓǝa tur nggūrǝo kat aɓa tuli-bǝsa ka.

Matiu 5:29 ပူးပေါင်းရင်းမြစ်များ

Matiu 10:28

Wu kǝa ɓanggi aɓwana mǝnana à kǝ wal nggūrǝu ka ɗang; à pà nǝ̀ gandǝ je yilǝmu ɗang. Ɓwa mǝnana wu nǝ̀ ɓanggi wi ka nda kǝ Ɓakuli mwashat, mǝnana nǝ̀ kiɗiki nggūrǝu andǝ yilǝmu a lu-bǝsa ka.

Matiu 11:6

Tsǝkbu mala Ɓakuli na amur aɓwana mana à kum ɓe kǝgir annda a rǝam raka.”

Matiu 16:26

Ɓǝ̀ ɓwa kum koya gir a ɓanza man kat, sǝ ɗwanyi yilǝmu mǝnana málá male pà kàm raka, lǝmndǝ ama pà nǝ́ kǝgir ɗang. Sǝ ɓǝ̀ ɗwanyini yilǝmu mǝnana málá male pà kàm raka, pà nǝ́ kǝgir mǝnana nǝ̀ pa sǝ nǝ̀ kumi ɗǝm ngga ɗang.

Matiu 17:27

Sǝ ace mǝnana ɓǝ̀ sǝm ka lul bumia raka, kyane a kun nggeamur kya tur nli. Nji mǝnana a nǝ tita bwale ka, mǝn kuni, a wu nǝ kum boalo kam. Twali kya mbwe na boalo-cemi ma'sǝm nǝi, mem andǝ mo.”

Matiu 19:12

Aɓea ɓwana ka à pà nǝ̀ gandǝ al mɓwama ɗang acemǝnana à ɓǝlia ka abaran na; aɓea ka aɓwana nǝ̀ tsǝia sǝ à pǝlǝ abaran, sǝ aɓea ka à twalî ɓamuria à nǝ̀ do anggo ace pakkiagir mala Domurǝm mala Ɓakuli nǝmurǝì. Ɓwa mǝnana nǝ̀ gandǝ ak mǝnia yì kanigir ka ɓǝ̀ é.”

Matiu 23:15

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu kǝ twal gya mǝsauwe arǝ anzali andǝ mur anggeamur ace yinǝ ɓwa mwashat a tanjar ma'wun. Sǝ ɓǝ̀ wu yina nǝi ka pǝlǝa wu nyesǝi duk ɓwa-ká-lubǝsa kuti wun kusǝ ɓari.

Matiu 23:33

Wun an'yau, wun amuna baffu! Lang sǝ wu nǝ̀ api ɓashi ká lu-bǝsa?

Matiu 5:22

Sǝ mim ngga ǝn nggǝ na wun ama ɓwa mǝnana bumi lullo arǝ ɓi ka à nǝ̀ pakki wi ɓashi. Sǝ ɗǝm ngga à bangŋa ama ɓwa mǝnana tunǝî ɓì ɓwaɓana ka à nǝ̀ ká nǝi aban amǝɓashi. Sǝ mim ngga ǝn nggǝ na wun ama ɓǝ̀ a ne ɓwa ama “We ɓwazalǝa” ka, a nda ɓa ká tanni mala ɓashi lu-bǝsa.

Matiu 5:30

Sǝ ɓǝ̀ buo mǝli kǝ tsǝo a kǝ pak cauɓikea ka, kasǝi turi. Kǝpǝna wu ɗwanyi ɓe kǝ bareo mwashat amur mǝnana ɓǝa tur nggūrǝo kat aɓa tuli-bǝsa ka.

Markus 8:36

Mana nǝ̀ puri ɓwa yì mǝnana ɓǝ̀ kum girbunda mala ɓanza kat, sǝ turta yilǝmi ka?

Luka 12:5

Mǝ nǝ lǝmndǝa wun rǝ ɓwa mǝnana wu nǝ̀ ɓanggi wi ka. Wu ɓanggi Ɓakuli, mǝnana ɓǝ̀ walna ɓwa ka, ndanǝ rǝcandǝa mǝnana nǝ̀ ramta ɓwa a lu-bǝsa ka. Ɓafo, ǝn nggǝ na wun, wu ɓanggi wi!

Amǝ Roma 6:6

Sǝm sǝlǝna ama, ɓeal sǝm mǝ'e ka, à gballìni amur nggun-gangndi andǝa Kǝrǝsti, ace mǝnana ɓǝ̀ rǝcandǝa mala kpata ɓamur rǝ sǝm mǝ'cauɓike ka ɓǝ̀ kiɗikea, sǝ anggo ka ɓǝ̀ sǝm ngga duk aguro aɓata cauɓikea ɗǝm ɗang.

Amǝ Roma 8:13

Ɓǝ̀ wu kǝ dukdo kpata nê mala nggūrǝu ka, wu nǝ̀ wú. Sǝa ma ɓǝ̀ aɓa rǝcandǝa mala Bangŋo, wu tamsǝ pakkia aturo cauɓikea mala nggūrǝu, ɓǝa wu mak ka, wu nǝ̀ dum nǝ yilǝmu.

1 Amǝ Korinti 9:27

Ən kani nggūrǝam gir, ǝn ci ɓǝ̀ tanni ace mǝnana ɓǝ̀ okam; ǝn nggǝ pa anggo ace mǝnana, anzǝm mana ǝn hamǝni aɓwana Cau Amsǝban ngga, mim nǝ ɓamuram ngga, ɓǝa kǝa ginǝam, à girǝam nǝ tangnakusǝam ɗang.

Amǝ Galati 5:24

Aɓwana mǝnana à mala Kǝrǝsti Yesu na ka, à gballìna ɓealǝu mala ɓwapǝndǝa mǝ'cauɓike andǝ anpel andǝ asuno male, amur nggun-gangndi mala Yesu.

Amǝ Kolosi 3:5

Ace mani ka, wu wal lu koya ɓeal wun mala pakki agirɓana mala ɓanza. Yì aɓealǝu kìɗìkì mala nongginǝ rǝarǝu, andǝ do-pǝndǝkya, andǝ nshawari, andǝ suno mǝɓane, andǝ shamgir mala ɓwa (acemǝnana shamgir mala ɓwa ka ɓe njari mala peri ata nkul na).