Matiu 5:22 - Maləmce Məfele mala Ɓakuli: Kurcau Məbəshe

²² Sǝ mim ngga ǝn nggǝ na wun ama ɓwa mǝnana bumi lullo arǝ ɓi ka à nǝ̀ pakki wi ɓashi. Sǝ ɗǝm ngga à bangŋa ama ɓwa mǝnana tunǝî ɓì ɓwaɓana ka à nǝ̀ ká nǝi aban amǝɓashi. Sǝ mim ngga ǝn nggǝ na wun ama ɓǝ̀ a ne ɓwa ama “We ɓwazalǝa” ka, a nda ɓa ká tanni mala ɓashi lu-bǝsa.

Matiu 5:22 ပူးပေါင်းရင်းမြစ်များ

Matiu 10:17

Wu par kir wun nǝ aɓwana. À nǝ̀ ká nǝ wun aban amǝɓashi. À nǝ̀ kok wun aɓalǝ andakpapi malea.

Matiu 10:28

Wu kǝa ɓanggi aɓwana mǝnana à kǝ wal nggūrǝu ka ɗang; à pà nǝ̀ gandǝ je yilǝmu ɗang. Ɓwa mǝnana wu nǝ̀ ɓanggi wi ka nda kǝ Ɓakuli mwashat, mǝnana nǝ̀ kiɗiki nggūrǝu andǝ yilǝmu a lu-bǝsa ka.

Matiu 12:24

Sǝ amǝ Farisi ka lang à ok mǝnia yì cau ka à bangŋa ama, pa ɓa ɗang, nǝ rǝcandǝa mala Baalzabul Murǝm mala akukwar sǝ kǝ pusǝki akukwar.

Matiu 17:5

Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Matiu 18:21

Pǝlǝa Bitǝrus yiu aban Yesu sǝ ɗi ama, “Mǝtalabangŋo, kusǝ shen sǝ ɓǝ̀ mǝ'eambǝam camarǝ pakkam cauɓikea ka ɓǝ̀ ǝn twali wi banì? Kusǝ tongno-nong-ɓari na le?”

Matiu 18:35

Anggo gbal sǝ Tárram mǝnana a kuli ka nǝ̀ pang nǝ ko yana ka aɓalǝ wun, yi mǝnana ɓǝ̀ wu twali amǝ'eam wun ban acauɓikea malea nǝ ɓabum wun mwashat raka.

Matiu 23:15

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu kǝ twal gya mǝsauwe arǝ anzali andǝ mur anggeamur ace yinǝ ɓwa mwashat a tanjar ma'wun. Sǝ ɓǝ̀ wu yina nǝi ka pǝlǝa wu nyesǝi duk ɓwa-ká-lubǝsa kuti wun kusǝ ɓari.

Matiu 23:33

Wun an'yau, wun amuna baffu! Lang sǝ wu nǝ̀ api ɓashi ká lu-bǝsa?

Matiu 25:41

Pǝlǝa nǝ̀ ne aɓwana mana a bui mǝnggare ka ama, “Wu upi banam, wun mǝnana Ɓakuli su wun ngga! Wu kya ɓa bǝsa mǝnana li male pà nǝ̀ mal raka, mǝnana à pe ace Shetan andǝ amǝturonjar male ka.

Matiu 26:59

Yia agbani pǝris andǝ acili aɓwana-mǝgule ka à ndarǝ alte à nǝ̀ kum cau nyir amur Yesu mǝnana à nǝ̀ kumo à nǝ̀ wal-luí nǝi ka,

Matiu 3:17

Aɓwana ok gi Ɓakuli nacau a kuli ama, “Mǝnia ka nda Munem, mǝnana ǝn earkiyice, mǝnana bumam kǝ pwasǝa rǝì kǝrkǝr ka.”

Matiu 5:34

Sǝ mim ngga ǝn nggǝ na wun ama, wu kǝa kángir ɗang. Wu kǝa kángir nǝ kuli ɗang, acemǝnana nda bunomurǝm mala Ɓakuli.

Matiu 5:44

Sǝ mim ngga ǝn nggǝ na wun ama: Wu earce aɓi wun amǝbura sǝ wu kǝ pak hiwi ace aɓwana mǝnana à ɓinǝ mǝsǝ wun sǝ à kǝ pa wun tanni ka.

Markus 14:55

Akano a ɓalǝi ka, agbani pǝris andǝ amǝɓashi mala amǝ Yahudi kat, à nda aban alta cau mǝnana nǝ̀ pur a kun Yesu mǝnana à nǝ̀ pangŋǝna turo nǝi ace wal-luí ka, sǝ ko à kum ɗang.

Markus 15:1

Nǝ dǝmbari ɗiɗyal ka, agbani pǝris andǝ akapana, andǝ amalǝm Nggurcau mala Musa, andǝ amǝɓashi kat, à yì ear amur cau mwashat. À ta bu Yesu, à um nǝi aban Bilatus.

Luka 12:5

Mǝ nǝ lǝmndǝa wun rǝ ɓwa mǝnana wu nǝ̀ ɓanggi wi ka. Wu ɓanggi Ɓakuli, mǝnana ɓǝ̀ walna ɓwa ka, ndanǝ rǝcandǝa mǝnana nǝ̀ ramta ɓwa a lu-bǝsa ka. Ɓafo, ǝn nggǝ na wun, wu ɓanggi wi!

Luka 22:66

Lang ban fana ka, aɓwana-mǝgule, amǝkurcau mala amǝ Yahudi, agbani pǝris andǝ amalǝm Nggurcau mala Musa, yi rambǝa, pǝlǝa à yinǝ Yesu a ɓadǝmbǝia.

Yohana 11:47

Pǝlǝa amǝ Farisi andǝ agbani pǝris tunǝ do mala amǝkurcau. À ɗi rǝia ama, “Mana ado sǝm nǝ̀ pa? Aɓa mǝsǝcau ka, ɓwa mǝnia nà kǝ pakki agir-ndǝlǝki pas ka!

Yohana 15:25

Mǝnia ka nda yi lumsǝ gir mǝnana à gilǝì aɓa Malǝmce mala Ɓakuli ama: “À ɓinǝ mǝsǝam ɓà, tǝri pà kàm ɗang.”

Yohana 7:20

Ɓwabunda mǝnana ram ngga ne wi ama, “We ka, kukwar na a rǝo. Yana alkiyito ama nǝ̀ wal-luio?”

Yohana 8:48

Sǝ aɓwana-mǝgule mala amǝ Yahudi ɗi Yesu ama, “Cau mǝnana sǝm na ama a nda ɓwa Samariya sǝ kukwar na a rǝo ka mǝsǝcau na re?”

Amǝ Mishan 17:18

Aɓea amǝ sǝlǝe mala amǝ Epikiuriya andǝ amǝ Stoyik kutia makgir arǝ Bulǝs, acemǝnana Bulǝs nea wia Cau Amsǝban amur Yesu andǝ loapi ɓembe ka. Aɓea aɓwana aɓalǝia à ɗiban ama, “Mana gir ni na mǝ'loasǝban mǝnia kǝ earce ama nǝ̀ na le?” Sǝ aɓea aɓwana atea na ama, “Yì ka, sǝm nggǝ sǝni kǝla nda aban hamnǝ cau amur ankúl mala aɓea nzali.”

Amǝ Mishan 22:30

Ban fana ka, mǝsarǝban mala asoje tsǝa ama agbani pǝris andǝ amǝkurcau mala amǝ Yahudi kat ɓǝa yi kpapi. Kǝ earce surǝ mǝsǝrǝ gir mana tsǝa sǝ à tsǝki wi cau a rǝì ka. Ace mani ka, tsǝa a panzǝ nsolo mǝnana à kùrna Bulǝs nǝi ka, sǝ tamsǝi a ɓadǝmbǝia.

Amǝ Mishan 23:1

Bulǝs soa mǝsǝì arǝ amǝkurcau sǝ na ama, “Wun amǝ'eambǝam amǝ Isǝrayila! Mim ngga ǝn lumsǝna turo mem aban ká aban Ɓakuli, nǝ ɓabumam pwapwat yi puro a yalung.”

Amǝ Mishan 24:20

Ko ana raka, ɗìkam aman yia aɓwana ka, ɓǝa nam cauɓikea mǝnana amǝkurcau mala amǝ Yahudi bwalam nǝi ka.

Amǝ Mishan 4:15

Pǝlǝa à nea wia ama, ɓǝa nying ndakpapi ɓǝa pur a nza, sǝ yia ka à lidǝmbǝa nǝ na cau a rǝarǝia.

Amǝ Mishan 5:21

Pǝlǝa amǝ'mishan ongŋǝna anggo ka, à kutia Ndàmǝgule mala Ɓakuli nǝ budǝmbari, sǝ à tita kanigir. Lang Pǝris Mǝgule andǝ aɓwana ate yina ka, à tunǝ amǝkurcau mala amǝ Yahudi aɓa kpapi, sǝ à tasǝ ban a Ndàkurban ace mǝnana ɓǝa kya yiu nǝ amǝ'mishan a ɓadǝmbǝia ka.

Amǝ Mishan 5:27

Pǝlǝa à kuti nǝ amǝ'mishan à yì tamsǝia a ɓadǝm amǝkurcau, sǝ Pǝris Mǝgule pakkia wia ɗiban,

Amǝ Mishan 6:12

Anggo sǝ à soa bum amǝ Yahudi andǝ aɓwana-mǝgule andǝ amalǝm Nggurcau mala Musa. À lo à bwal Itǝfanu à um nǝi aban amǝɓashi.

Amǝ Mishan 6:15

Mǝsǝ ɓwapǝndǝa mǝnana kat a ndaɓashi ka, ueo arǝ Itǝfanu aban sǝne kyap-kyap. Sǝ à sǝn ɓamǝsǝi ka, nda kǝla mala mǝturonjar mala Ɓakuli.

Amǝ Mishan 7:37

Mǝnia ka nda kǝ Musa mǝnana nea amǝ Isǝrayila ama, “Ɓakuli nǝ̀ loasǝ ɓe mǝɓangna male kǝla mim àkǝ̀ ɓalǝ aɓwana ma'wun.”

Amǝ Roma 12:10

Wu earce rǝarǝ wun nǝ earceban mǝ'mǝsǝcau nì. Ɓǝ̀ ban ɓoara wun arǝ pe rǝarǝ wun gulo.

1 Amǝ Korinti 6:10

Kat andǝ amǝn'i, andǝ amǝ'mɓali, andǝ amǝ wal walo mba, andǝ amǝ tsǝki aɓwana cau a rǝia, andǝ amǝ ɓǝmbǝriban ngga, à pà nǝ̀ kutio a Domurǝm mala Ɓakuli ɗang.

1 Amǝ Korinti 6:6

Sǝ mǝkpata Ɓakuli pǝlǝa twal ɓi mǝkpata Ɓakuli aban ká aban amǝ ɓashi mala ɓanza!

1 Amǝ Tasalonika 4:6

Aɓa mǝnia yì cau ka kǝɓwa ɓǝ̀ kǝa pakki ɓi mǝkwaɗi gir mǝɓane ko ɓǝ̀ ɓǝmbǝri aɓa kutio arǝ alta mami ko burri ɗang. Sǝm nanà wun ɗiɗyal nǝ nunkiru ama, Mǝtalabangŋo ka kǝ ɓashia aɓwana arǝ ulang amǝno yì acauɓikea ka.

Titus 3:2

Banggia wia, ɓǝa kǝa na kǝ cau mǝɓane amur kǝɓwa ɗang. Yia ka, ɓǝa dukdo ɓukɓuka, ɓǝa ɗeki munǝki amunǝo, ɓǝa kǝ ak aɓwana a rǝia, sǝ ɓǝa kǝ lǝmndǝ nongsǝmuru mǝɓafoe aban ko ya ɓwa.

Amǝ Ibǝru 12:25

Wu tsǝkir wun, cala wu ginǝ oki Ɓakuli mǝnana kǝ na wun cau ka ɗang. Ɓǝ̀ amǝ Isǝrayila mǝnana à ginǝ oki Musa, lang nunkiria akani a ɓanza ka, à au raka, lang sǝ sǝm nǝ̀ auwa, ɓǝ̀ sǝm pǝlǝì Ɓakuli nzǝm sǝm, mǝno ado kǝ nunkir sǝm nǝ kuli ka?

Amǝ Ibǝru 5:9

Lang yi kum lumsǝo nǝ bu mǝno yì njar mala tanni ka, yi duk tǝr amsǝban mǝnana málá male pà kàm raka, ace aɓwana mǝnana à kǝ kwaɗi cau male ka.

Jemis 2:20

We gǝm ɓwa, a kǝ earce ɓǝa lǝmndǝo ama paɓamuru mǝnana aturo mǝɓoarne pa ate raka mǝɓane na le?

Jemis 3:6

Nggearǝ lasǝ ɓwapǝndǝa gbal ka lasǝ bǝsa na, ɓanza mala ɓealɓikea na aɓa nggurǝ sǝm, nyar ɗǝm ngga kǝ kiɗiki ɓwa kǝring. Lasǝu ɗǝm ngga kǝ kiɗiki ɓwa aɓa do male kat, sǝ yì ka, bǝsa ɓa tuli-lú na kǝ earki nǝi ka.

1 Bitǝrus 2:23

Lang aɓwana sanggì ka, nyesǝî kǝɓwa nǝ sangban ɗang; sǝ lang à pe wi tanni ka, ɓalbura kǝɓwa ama nǝ̀ ɗi tangna a kúnì mǝnana à pakki wi ka ɗang. Tanni male ka, nyinggi Ɓakuli mǝnana kǝ pak ɓashi nǝ mǝsǝcau ka, a bui.

1 Bitǝrus 3:9

Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.

1 Yohana 2:9

Ɓwa mǝnana twali ɓamuri ama nda aɓa tǎlaban, sǝ kǝ ɓinǝ mǝsǝ mǝ'eambǝi ka, nda aɓa kǝ pǝndǝa piu.

1 Yohana 3:10

Mǝnia ka, nda gir mǝnana gakita amuna mala Ɓakuli andǝ amuna mala Shetan ngga: Ɓwa mǝnana kat kǝ pak cauɓoarna raka, muna mala Ɓakuli na ɗang, anggo sǝ ɓwa mǝnana kǝ earce mǝ'eambǝi raka, yì gbal ka muna mala Ɓakuli na ɗang.

1 Yohana 5:16

Ɓǝ̀ ɓwa sǝn mǝ'eambǝi aban pak cauɓikea mǝnana pà nǝ̀ ká nǝí a lú raka, ɓǝ̀ pak hiwi, sǝ Ɓakuli ka nǝ̀ pe wi yilǝmu. Mǝ ndarǝ na cau amur aɓwana mǝnana cauɓikea malea pà nǝ̀ ká nǝia a lú raka. Cauɓikea nakam mǝnana nǝ̀ ká nǝ ɓwa a lú ka. Ən pa aban bangŋa ama ɓǝà pak hiwi amur ulang mǝno ka ɗang.

Yahuda 1:9

Ko nggearǝ Makel, yì gbani mala amǝturonjar mala Ɓakuli ka, twalki kǝ cau arǝ ne Shetan kǝ mǝɓane aban nunggirǝu amur lú Musa ɗang. Ne wi nǝ na ama: “Mǝtalabangŋo Ɓakuli ɓǝ̀ peauó!”

Sǝna 20:14

Pǝlǝa à ramta Lú andǝ Domurǝm mala lú aɓa garang mǝnana kǝ li nǝ bǝsa ka. Mǝnia yì garang mala bǝsa ka, nda ɓaria lú.