Matiu 5:20 - Maləmce Məfele mala Ɓakuli: Kurcau Məbəshe

²⁰ Ən nggǝ na wun ama ɓǝ̀ ɓealɓoarna ma'wun kuti mala amǝ Farisi andǝ amǝkani Nggurcau mala Musa raka, wu pa wu nǝ̀ kum kutio aɓa Domurǝm mala kuli ɗang ko bǝti.

Matiu 5:20 ပူးပေါင်းရင်းမြစ်များ

Matiu 16:12

Nda sǝ ce kpania wia ama pa arǝ nunkiria amur yist mana à tsǝkiyi arǝ bǝredi ka ɗang. Nda arǝ na cau amur kanigir nyir mala amǝ Farisi andǝ amǝ Saduki.

Matiu 18:5

Koya ɓwa sǝ ak muna mǝkyauwe kǝla mǝnia acem ngga, Mǝ nda akiyiam ngga.

Matiu 3:10

Ko ado ka Ɓakuli kwakina kun bero a tǝr anggun. Nggun mǝnana kat pusǝ ɓǝle mǝɓoarne raka, à nǝ̀ kwari à nǝ̀ turri a bǝsa.

Matiu 7:21

Aɓwana na kat mǝnana à kǝ tunǝam ama, “Mǝtalabangŋo, Mǝtalabangŋo” ka, sǝ à nǝ̀ kutio a Domurǝm mala kuli ka ɗang, she ɓwa mǝnana kǝ pak gir mana Tárram mana a kuli ka earkiyice ka.

Markus 10:15

Ən nggǝ bangga wun ɓafo, ɓwa mǝnana pà nǝ̀ ak domurǝm mala Ɓakuli kǝla muna mǝkyauwe raka, pà nǝ̀ kuti kam ɗang.”

Markus 10:25

Kutio mala mǝkume aɓa domurǝm mala Ɓakuli ka kwano kuti kutio mala kalakadambi a tūli nlerǝman.”

Luka 11:44

Caukwanban nǝ wun! Acemǝnana wu nda kǝla aɓembe mǝnana à ɓǝa raka, gandǝa aɓwana kǝ gya amuria, à kǝ pǝndǝkea, aɓa ɗwanyi sǝlǝe.

Luka 12:1

Anggo ka, lang ɓwabunda mǝnana lakki malea na á-pas à yì ramǝna aban Yesu gandǝa à kǝ parki rǝarǝia ka, Yesu tita na cau peatu nǝ alaggana male ama: Wu par kir wun arǝ yis mala amǝ Farisi. Mǝ nda ban na cau amur kúnɓárína malea.

Luka 18:17

Ən nggǝ na wun mǝsǝcau ama koyana sǝ pà nǝ̀ ak Domurǝm mala Ɓakuli kǝla muna mǝkyauwe raka, pà nǝ̀ gandǝ kuti kam ɗang.”

2 Amǝ Korinti 3:9

Ɓǝ̀ kurcau mǝ'e, mǝnana kǝ kasǝ ɓashi-lú amur ɓwa, ndanǝ ɓoarɓwa anggo ka, ɓoarɓwa mala kurcau mǝbǝshe, mǝnana kǝ pa yilǝmu ka, pà nǝ̀ kuti mǝno kpǝm nǝ gulo re?

2 Amǝ Korinti 5:17

Ace mani ka, ɓwa mǝnana kat dumǝna mala Kǝrǝsti ka, pǝlǝna bǝsa ɓwa. Do mǝ'e kutina, do mǝbǝshe tinate.

Amǝ Filipi 3:9

sǝ ɓǝ̀ sǝm duk mwashat sǝnǝi. Ən panǝ cauɓoarna mala ɓamuram mǝnana à kumnggiki ace kpata Nggurcau ka ɗang; she kǝ mǝnana à kumnggiki nǝ paɓamuru aban Kǝrǝsti ka. Acemǝnana njar mana Ɓakuli nǝ tsǝk sǝm, sǝm nǝ̀ duk aɓwana mǝɓoarne a kane male ka, ndǎ ɓǝ̀ sǝm pa ɓamur sǝm aban Kǝrǝsti ka.

Amǝ Ibǝru 12:14

Wu ɓariki wu dukdo rǝpwala wunǝ aɓwana andǝ do mǝfele; aɓwana mǝnana à kǝ dukdo mǝfele raka, à pà nǝ̀ sǝn Mǝtalabangŋo ɗang.

Sǝna 21:27

À pà nǝ̀ eare ɓe kǝgir ɓeami ɓǝ̀ kuti kam ɗang. Sǝ kǝɓwa pà kàm gbal mǝnana mǝ pakki agir kǝsǝkya na, ko mǝ ɗwanyi came amur mǝsǝcau na ka, nǝ̀ kuti kano ɗang; she kǝ aɓwana mǝnana lullǝia na kam à gilǝnia aɓa Malǝmce Yilǝmu mala Mǝgam ngga.