Matiu 5:19 - Maləmce Məfele mala Ɓakuli: Kurcau Məbəshe

¹⁹ Ɓǝ̀ yana kat sǝ yàllî nzong mǝkyauwe mwashat aɓalǝ amǝnia yì anzongcau, sǝ kǝ kani aɓwana ama ɓǝa pa kǝla yì ka, nǝ̀ ngga duk rítǎu aɓa Domurǝm mala kuli. Sǝ ɓwa mǝnana kǝ kpata amǝnia yì anzongcau sǝ kǝ kani aɓwana ama ɓǝa pa kǝla yì ka, nǝ̀ ngga duk ɓwamǝgule a Domurǝm mala kuli.

Matiu 5:19 ပူးပေါင်းရင်းမြစ်များ

Matiu 11:11

Ən nggǝ na wun mǝsǝcau: Ata ɓwapǝndǝa kat ka à malaká ɓǝl kǝɓwa a ɓanza man mǝnana kum gulo kuti mala Yohana Mǝbatisǝma ka ɗang; sǝa ma ɓwa mǝkyauwe kat a Domurǝm mala kuli ka, kuti Yohana nǝ gulo.

Matiu 19:28

Yesu nea wia ama: Ən nggǝ na wun mǝsǝcau, a pwari mana bǝsa ɓanza nǝ̀ yiu ka, Muna mala Ɓwa nǝ̀ do a bunomurǝm mǝɓoarɓwe male. Sǝ wun mǝnana wu kǝ kpatam ngga, wu nǝ̀ do amur abuno-murǝm lum-nong-ɓari gbal. Wu nǝ̀ pakki atau mala amǝ Isǝrayila lum-nong-ɓari ɓashi.

Matiu 20:26

Sǝ ma'wun ngga, anggo sǝ nǝ̀ pak ɗang. Ɓǝ̀ ya ɓwa na earce nǝ̀ duk ɓwamǝgule ata wun ngga, dumǝna púp nǝ̀ nyesǝ ɓamuri nda muna-ɓala aban wun.

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Luka 1:15

Mǝnia yì muna ka, nǝ̀ duk ɓwamǝgule a ɓadǝm Mǝtalabangŋo. Ɓǝ̀ kǝa nu mba ko ɓe kǝgir mǝnana nǝ̀ walban ngga ɗang. Yì ka, nǝ̀ lumsǝ nǝ Bangŋo mala Ɓakuli, a bum ngge.

Luka 11:42

Caukwanban nǝ wun, amǝ Farisi! Acemǝnana wu kǝ pa mwashat aɓa lum mala ambuzang andǝ ambulara andǝ acilia agirpwala, sǝ wu burice kpata gir aɓa mǝsǝcau andǝ earce Ɓakuli. Amǝnia ka à ndaka agir mǝnana wu nǝ̀ pa rǝcandǝa a rǝia ka, sǝ acili agir mǝno ka wu nǝ̀ pea gbal.

Luka 9:48

sǝ nea wia ama, “Koyana sǝ ɓǝ̀ ak muna kǝla mǝnia ace lullǝam ngga, angŋǝnam, sǝ ɓwa mǝnana em ngga, angŋǝna Tárram mǝnana tasǝam ngga. Ɓwa mǝnana kutibanì kat a nongsǝmuru aɓalǝ wun ngga, nda ɓwamǝgule ma'wun kat.”

Amǝ Mishan 1:1

We Tiyofulus, aɓa Malǝmce mem mǝdǝmbe ka, ǝn angŋa dǝmbǝa ǝn gilǝno agir mǝnana kat Yesu tita pea andǝ kane,

Amǝ Roma 3:8

Pǝlǝa aɓea ɓwana tsǝka sǝm cau, ama sǝm na ama, “Lidǝmbǝa ma'sǝm aɓa cauɓikea ka, nǝ̀ ngga yinǝ gir mǝɓoarne!” Aɓwana mǝnana à na mǝnia yì cau ka, ɓoaro ɓǝa kasǝia wia ɓashi mǝnana karǝ a rǝia ka.

Amǝ Roma 6:1

Mana ɗǝm sǝm nǝ̀ na? Sǝm nǝ̀ lidǝmbǝa aɓa cauɓikea, ace mǝnana ɓǝ̀ ɓwamuru ɓǝ̀ gul ka le?

Amǝ Roma 6:15

Lang sǝ wu sǝni ado ɗe? Sǝm nǝ̀ lidǝmbǝa nǝ pak cauɓikea, acemǝnana sǝm pa aɓata Nggurcau ɗang, sǝm nda aɓata ɓwamuru mala Ɓakuli ka le? Awo, pà nǝ̀ pak ɗang!

1 Timoti 6:11

Sǝ we Timoti ka, a nda ɓwa mala Ɓakuli. Ace mani ka, ɓanggi agir mǝɓike mǝnia kat ka, sǝ wu kpata pakgir a njari andǝ pe mǝɓoarne, andǝ docauɓoarna, andǝ do ɓwa mala Ɓakuli, andǝ paɓamuru, andǝ earcearǝu, andǝ bwalrǝu, andǝ do ɓukɓuka.

Titus 3:8

Mǝnia yì cau ka, cau na à nǝ̀ guli a rǝì. Ən nggǝ earce nǝma wu cam nǝ rǝcandǝa amur amǝnia yì akanigir ka, acemǝnana aɓwana mana à nyingŋǝna ɓabumia aban Ɓakuli kat ka, ɓǝa pà ɓamuria arǝ pakki agir mǝɓoarne. Amǝnia yì akanigir ka nggea mǝɓoarne na, sǝ à ndanǝ mbweban mala bwali ko yana ka kam.

1 Bitǝrus 5:4

Sǝ ɓǝ̀ Gbani mala ayalgir yi pusǝna rǝì ka, wu nǝ̀ kum mbulan-gulo mǝɓoarne mǝnana pà nǝ̀ è raka.

1 Yohana 3:4

Ɓwa mǝnana kǝ pak cauɓikea ka, ndarǝ yàl nggurcau, acemǝnana cauɓikea ka, nda yàl nggurcau.

Sǝna 2:20

Sǝa ma mǝnia nda gir mǝnana ǝn ɓínǝì a rǝo ka. A kǝ eari Jezebel, mɓwama mǝno tunǝki ɓamuri ama mǝɓangna ka, kǝ tsǝk aguro mem ɓǝa ɓwarki tanjar, ɓǝa li girlina mǝnana à ci ata ankúl, sǝ ɓǝa pak cauɓikea nongginǝ-rǝaria.