Matiu 5:16 - Maləmce Məfele mala Ɓakuli: Kurcau Məbəshe

¹⁶ Anggo sǝ wu nǝ̀ nying tǎlaban ma'wun ɓǝ ta a ɓadǝmbǝ aɓwana ace mǝnana ɓǝa sǝn aturo ɓoarna ma'wun, sǝ ɓǝa gusǝlǝ Tar wun mana a kuli ka.

Matiu 5:16 ပူးပေါင်းရင်းမြစ်များ

Matiu 23:5

Ko man à kǝ pak le ka à kǝ lǝmndǝki ɓǝ̀ aɓwana sǝni. Pak ka amuna-luru malea mala tsǝk amǝ'mbu-malǝmce mala cau mala Ɓakuli ka à kǝ pea ɓǝa tanggî mala acili aɓwana sǝ à nǝ̀ kurkia a kundǝmbǝia andǝ amelbuia. Ankonggur kun adaura malea ka amǝsake na.

Matiu 23:9

Sǝ wu kǝa tunǝ kǝɓwa akani a ɓanza ama “Tarrú” ɗang, acemǝnana kǝ Tar wun na mwashat ɓǝrɓǝr a kuli.

Matiu 5:45

Ɓǝ̀ wu pa anggo ka wu nǝ̀ duk amuna mala Tar wun mǝnana a kuli ka. Acemǝnana yì ka, kǝ tsǝk pwari male kǝ ta amur aɓwana amǝɓane andǝ amǝɓoarne, sǝ kǝ nya mbulo amur amǝ pak cauɓoarna andǝ amǝ pak ɓealɓikea.

Matiu 6:16

Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Matiu 6:9

Ani ka, sǝ wu nǝ̀ pak hiwi: “We Tár sǝm mǝnana a kuli ka, ɓǝ̀ lùllǝo kum gulo.

Matiu 9:8

Aɓwana mana à ram ngga, ɓangciu pakkia wia arǝ gir mana à sǝn ngga. À ɓwangsǝ Ɓakuli mǝnana pe aɓwana-mǝpǝnde ulang man yì rǝcandǝa ka.

Luka 11:2

Yesu nea wia ama, “Ɓǝ̀ wu nǝ̀ pak hiwi ka, wu na ama: “ ‘We Tar sǝm mǝnana a kuli ka, lullǝo ka ɓǝa gusǝlǝi, Domurǝm mo ɓǝ̀ yiu.

Yohana 15:8

Ɓǝ̀ wu pusǝ aɓǝla wun kpǝm ngga, nda lǝmndǝ ama wu ndaka laggana mem ngga. Sǝ mǝno gbal ka nda nǝ̀ yinì Tárram nǝ́ gulo ka.

Amǝ Mishan 9:36

Aɓa nggeala Jopa ka, ɓe ɓwama nakam, mǝkwaɗi na, lullǝi ama Tabita. (Lullǝi nǝ kun Gǝrik ka nda Dokas, ɓālǝi nda: mbamba). Yì ka, aulǝ a pakkiyi aɓwana gir mǝɓoarne ɗang, kǝ bwali amǝtǝr kam.

1 Amǝ Korinti 14:25

Ɓǝ̀ à ndarǝ oe ka, aɗenyicau ɓa-sǝmbǝrǝa malea ka, à nǝ̀ pusǝrǝia a banfana. Sǝ à nǝ̀ ɓun amur ankunia, à nǝ̀ peri aban Ɓakuli, à nǝ̀ nggǝ na ama, “Ɓafo na, Ɓakuli ka ndakani aɓalǝ wun!”

2 Amǝ Korinti 9:13

Sǝ ace mǝnia yì gir mǝɓoarne turo ma'wun lǝmndǝi ka, aɓwana nǝ̀ pe Ɓakuli gulo. Mǝnbu ma'wun aɓa gaugir wunǝia andǝ acili aɓwana ka, nǝ̀ lǝmndǝ pa ɓamuru ma'wun aɓata Cau Amsǝban mala Kǝrǝsti, mǝnana wu bangce a ɓadǝmbǝ aɓwana ka.

Amǝ Galati 1:24

Pǝlǝa à ɓwangsǝ Ɓakuli ata cau mem.

Amǝ Afisu 2:10

Sǝm nda ka aturobu mǝgule mala Ɓakuli. Yì ka, pusǝ sǝm abǝshe aɓa kpapi ma'sǝm sǝnǝa Kǝrǝsti Yesu, ace pakki aturo mǝɓoarne mǝnana ak dǝmbǝa cia ace sǝm ngga.

Amǝ Afisu 5:8

Ɗiɗyal ka, wu nda aɓa pǝndǝa, sǝ a dyan ngga, wu kumǝna tǎlaban a bu Mǝtalabangŋo. Ace mani ka, wu dukdo mala aɓwana mǝnana à nda aɓa tǎlaban ngga.

1 Amǝ Tasalonika 2:12

Sǝm ɓuakia arǝ wun, sǝm ɓakɓabum wun, sǝ sǝm kwarkir wun ama, wu duk ulang do mǝnana ban nǝ̀ ɓoari Ɓakuli a rǝì, yi mana nda ɓwa mǝnana tunǝ wun ɓǝ̀ wu yi do aɓata domurǝm andǝ gulo male ka.

1 Timoti 2:10

Gilǝkirǝu malea ɓǝ̀ duk pakki agir-ɓoarna mǝnana dupi amamǝna mana à bang ama à kǝ ɓanggi Ɓakuli ka.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

1 Timoti 5:25

Àkǝ njar mǝ'mwashati, aturo mǝɓoarne mala aɓea aɓwana ka à nda banfana bwāng, sǝ aɓea ɓwana ka, aturo mǝɓoarne mǝnana à pakkiyia aɓa sǝmbǝrǝa ka, pwari na kǝ yiu ka, à nǝ̀ lǝmndǝia.

1 Timoti 6:18

Nea wia ɓǝa kǝ pak mǝɓoarne nǝ boalo malea. Ɓǝa duk amǝkume aɓalǝ aturo mǝɓoarne, sǝ ɓǝa kǝ pabu aban aɓwana mǝnana à panǝi raka. A koya pwari ka, ɓǝa kǝ kumia nǝ gilǝrǝu mala bwalia aɓwana kam, nǝ agir mǝnana kat Ɓakuli pea wia ka.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Titus 2:7

Aɓalǝ agir kat ka, we nǝ nggearǝo ka pak gir mǝɓoarne mǝnana yia ka à nǝ̀ sǝna a rǝo ka. Aɓa kanigir mo ka, lǝmndǝ mǝsǝcau andǝ pe nǝ ɓabumo kat.

Titus 3:14

Aɓwana ma'sǝm ngga, ɓoaro ɓǝa kǝ pakkia aturo mǝɓoarne ace kum girbu, ɓǝa ɗeki do mǝɓane.

Titus 3:4

Sǝ lang Ɓakuli Mǝ'amsǝ sǝm yì lǝmndǝna ɓwamuru andǝ earcearǝu male ka,

Amǝ Ibǝru 10:24

Ɓǝ̀ sǝm alta anjargula mala loasǝ rǝarǝ sǝm aban ká lǝmndǝ earcearǝu andǝ pakki aturo mǝɓoarne.

1 Bitǝrus 2:12

Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

1 Bitǝrus 3:1

Anggo gbal, wun amanɓala ka, wu pà ɓamur rǝ wun aɓata abura wun, ace mǝnana ɓǝ̀ aɓea ɓwana nakam atea mǝnana à earnǝ Cau Amsǝban raka, ɓeal wun nǝ nunia à nǝ̀ pà ɓamuria. Pà nǝ̀ do ama she ɓǝ̀ wu naná kǝ cau ka ɗang,

1 Bitǝrus 3:16

Sǝa ma wu pe nǝ ɓukɓuka, andǝ pagulo a ɓalǝi. Ɓǝ̀ ɗenyicau ɓabum wun do nǝ ɓoarnsari, ace mǝnana ko ɓǝa ɓwana kiɗiki wun nǝ kunia ka, kǝsǝkya nǝ̀ pakkia wia, yi mǝnana ɓǝa sǝn do ma'wun mǝɓoarnsari, acemǝnana wu nda ka mala Kǝrǝsti ka.

1 Bitǝrus 4:11

Ɓǝ̀ we ka, sǝlǝ nacau na à po ka, ne kǝla Ɓakuli na nakiyi cau nǝ kuno ka. Ɓǝ̀ mo yi ɓoro ka ndà pea aɓwana gbasha ka, pè nǝ rǝcandǝa andǝ rǝɓǝla mǝnana Ɓakuli po ka. Anggo ka, gir mǝnana kat a pe ka, nǝ̀ yinǝi Ɓakuli gulo nǝban Yesu Kǝrǝsti. Gulo andǝ rǝcandǝa kat ka amale na, málá male pà kàm ɗang! Amin.

1 Bitǝrus 4:14

Ɓǝ̀ aɓwana kǝ sang wun acemǝnana wu nda ka amǝkpata Kǝrǝsti ka, tsǝkbu na amur wun, acemǝnana Bangŋo mala gulo andǝ mala Ɓakuli sulǝna amur wun.