Matiu 5:12 - Maləmce Məfele mala Ɓakuli: Kurcau Məbəshe

¹² Wu pak bumpwasǝa, ban ɓǝ ɓoara wun, acemǝnana tangnakusǝ wun ngga mǝgule na a kuli. Anggo sǝ à pe amǝ'ɓangna mala Ɓakuli mǝnana à aka wun dǝmbǝa ka tanni.

Matiu 5:12 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 6:16

Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Luka 13:34

Wun amǝ Urǝshalima! Wun amǝ Urǝshalima! Wun mǝnana wu kǝ wal-lú amǝ'ɓangna mala Ɓakuli ka. Aɓwana mǝnana à turia aban wun ngga wu kǝ ɓukkia nǝ atali, ɓǝa wu. Kusǝ shen Mǝ nda ban earce ram wun aban mǝ'mwashati, kǝla mǝnana nggu kǝ ramnggi amuni aɓa mkpamtari ka, sǝ wu ear ɗang.

Luka 6:23

Wu pak bumpwasǝa a mǝno yì pwari ka, wu yalke nǝ banɓoarnado, acemǝnana a kuli ka tangnakusǝ wun ngga mǝgule na. Anggo sǝ atárria pakki amǝ'ɓangna mala Ɓakuli.

Luka 6:35

Wun ngga, wu earce aɓi wun amǝbura, wu pakkia wia mǝɓoarne. Wu pea wia tangna, sǝ wu kǝa tsǝkɓalǝu ama à nǝ̀ mbwe wun ɗang. Sǝ tangnakusǝ wun nǝ̀ gulo, sǝ wu nǝ̀ duk amuna mala Tar wun Ɓakuli mǝnana Karban nǝ Gulo kat ka. Acemǝnana yì ka, kǝ lǝmndǝ ɓwamuru male, ko aban amǝtǝmbu andǝ amǝ'ɓealɓikea.

Amǝ Mishan 16:25

Nǝ ɓadu ka Bulǝs andǝ Silas camarǝ pak hiwi, sǝ à kǝ tukia anggyal aban Ɓakuli, sǝ acili aɓwana mana à girria andǝia ka, à kwaki kiria à kǝ oea.

Amǝ Mishan 5:41

Lang amǝ'mishan nying bania ka, à pak banɓoarnado, acemǝnana Ɓakuli sǝnǝnia ama à karǝna nutanni ace lullǝ Yesu.

Amǝ Roma 5:3

Ban kǝ ɓoara sǝm gbal, yi mǝnana ɓǝ̀ sǝm kuti aɓalǝ atanni ka. Acemǝnana sǝm sǝlǝna ama tanni ka, nǝ̀ yina sǝm nǝ do gandǝrǝu,

1 Amǝ Korinti 3:8

Sǝ mǝɓeale andǝ mǝpà mur ka à nda mwashat, sǝ koyan aɓalǝia ka, Ɓakuli na nǝ̀ pe wi tangnakusǝi amur gir mǝnana ɓwe pak ka.

2 Amǝ Korinti 4:17

Amǝnia yì atanni ma'sǝm mǝkeke mana bania pà nǝ̀ sau raka, à nda ban gilǝki sǝm ace kum ɓoarɓwa mǝnana málá male pà kàm ɗang, sǝ gulo male ka kǝ ɓe pà kàm à nǝ̀ kani a rǝi ɗang.

Amǝ Filipi 1:29

Acemǝnana dǝmbǝu mǝnana wu kumo arǝ pakki Kǝrǝsti turo ka, pa ace paɓamuru nǝmurǝì abani ɗang, nda gbal acemǝnana ama wu nǝ̀ nu tanni ace ka.

Amǝ Filipi 2:17

Paɓamuru andǝ aturo ma'wun aɓa kpata Mǝtalabangŋo ka, à ndà kǝla pa ɓoro abani. Sǝ ko ɓǝ̀ yi do ama à nda rǝ ɗarǝ yilǝmem kǝla gir-ɗarǝa amur mǝnia yì ɓoro mala paɓamuru ma'wun ngga, bumam nǝ̀ pwasǝo, sǝm nǝ̀ pak banɓoarnado a tarǝ sǝm kat.

Amǝ Kolosi 1:24

Sǝ ado ka ban kǝ ɓoaram arǝ tanni mǝnana ǝn nggǝ nu ace wun ngga. Acemǝnana aɓa tanni mem a nggūrǝu ka, mǝ nda ban ɓariki mǝ lumsǝkun gir mǝnana ueo aɓa tanni mala Kǝrǝsti ace nggūrǝi, yì amǝkpate.

Amǝ Kolosi 3:24

Wu kǝ ɗenyi ama tangnakusǝu mǝnana Mǝtalabangŋo nǝ̀ pa wun ngga nda liɓala, sǝ mǝtala-ɓala mǝnana wu pakkiyi wi turo ka, Kǝrǝsti na.

1 Amǝ Tasalonika 2:15

Yia amǝ Yahudi ka, à nda à wal-lú Mǝtalabangŋo Yesu andǝ amǝ'ɓangna mala Ɓakuli ka. Yia na à pa sǝm tanni gbal mǝnana pǝr sǝm ngga. Aɓa pakkiagir malea ka à kǝ kiɗiki ɓabum Ɓakuli. Ɗǝm ngga à nda nggaro nǝ aɓwapǝndǝa kat

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.

Amǝ Ibǝru 11:26

Abani ka, ɓangginǝban ace Kǝrǝsti ka, kuti kume mǝnana a Masar ka, acemǝnana tsǝk mǝsǝì arǝ tangnakusǝi mǝnana kǝ yiu ka.

Amǝ Ibǝru 11:33

Nǝ́ paɓamuru sǝ amǝnia yì aɓwana ka à li ka anzali-murǝm a lwa, à yal aɓwana aɓa mǝsǝcau, sǝ à kum agir mǝnana Ɓakuli pàcau acea abania ka. À girki kun a-im,

Amǝ Ibǝru 11:6

Ɓǝ̀ paɓamuru pà kàm raka, kǝɓwa pà nǝ̀ gandǝ pwasǝ bum Ɓakuli ɗang, acemǝnana ɓwa mana nǝ̀ yiu abani ka, she nǝ̀ ear ama yì ka, ndakam, sǝ nda mǝnana kǝ pa tangnakusǝ aɓwana mǝnana à kǝ alte ka.

Jemis 1:2

Wun amǝ'eambǝam, ɓǝ̀ wu kutio aɓalǝ akárǝkiban ɗàngɗáng ngga, ɓǝ̀ ban ɓoara wun kǝrkǝr,

Jemis 5:10

Wun amǝ'eamrǝarǝu, wu ɗenyi nǝ amǝ'ɓangna mala Ɓakuli mǝnana à yì bang cau aɓa lullǝ Mǝtalabangŋo ka. Ɓǝ̀ domunyi malea aɓa gandǝrǝu aɓata tanni dupa sǝm gir kani.

1 Bitǝrus 4:13

A kun mani ka, ɓǝ̀ ban ɓoara wun ama wu ndarǝ nu tanni arǝ agir mǝ'mwashati mǝnana Kǝrǝsti twal gandǝa nǝia ka. Wu pak bumpwasǝa ado ace mǝnana ɓǝ̀ wu kum banɓoarnado mǝgule a pwari mǝnana nǝ̀ nyar nǝi sǝ nǝ̀ lǝmndǝ ɓoarɓwa male ka.