Matiu 4:4 - Maləmce Məfele mala Ɓakuli: Kurcau Məbəshe

⁴ Sǝ Yesu nyesǝi wi ama, “À gilǝ a Malǝmce mala Ɓakuli ama: “ ‘Girlina na nǝmurǝì tsǝkiyi ɓwa sǝ nǝ̀ dum nǝ yilǝmu ka ɗang. Nda andǝ cau mǝnana kat kǝ pur a kun Ɓakuli ka.’ ”

Matiu 4:4 ပူးပေါင်းရင်းမြစ်များ

Matiu 15:11

Gir mana kǝ kutio a kun ɓwa ka nda kǝ pǝndǝkì ka ɗang, cau mana purkiyi a kuni ka, nda mana kǝ tsǝi sǝ kǝ pǝndǝki ka.”

Matiu 4:10

Yesu ne wi ama, “Shetan, upi banam! Malǝmce mala Ɓakuli ka na ama, “ ‘Peri aban Mǝtalabangŋo Ɓakuli mo, Kǝ yì mwashat ɓǝrɓǝr na a nǝ kpate ka.’ ”

Matiu 4:7

Sǝ Yesu pǝlǝi wi ama, “Malǝmce mala Ɓakuli bang gbal ama, “ ‘Ce a karǝki Mǝtalabangŋo Ɓakuli mo ɗang.’ ”

Markus 7:20

Lidǝmbǝa na ama: Gir mǝnana kǝ pur nǝ ɓabum ɓwa ka, nda gir mǝnana pǝndǝkiyi ɓwa ka.

Luka 4:12

Yesu nyesǝi wi ama, “À gilǝ aɓa Malǝmce mala Ɓakuli ama, ‘Ce a karǝki Mǝtalabangŋo Ɓakuli mo ɗang.’ ”

Luka 4:4

Yesu nyesǝi wi ama, “À gilǝ a Malǝmce mala Ɓakuli ama, ‘Ɓwa pà nǝ̀ au nǝ girlina nǝmurǝì ɗang.’”

Luka 4:8

Yesu nyesǝi wi ama, “À gilǝ a Malǝmce mala Ɓakuli ama, “ ‘Peri aban Mǝtalabangŋo Ɓakuli mo, sǝ wu kpate yì nǝmurǝì.’”

Yohana 15:26

Nǝ nzǝmo ka mǝ nǝ tasǝa wun Mǝbwali aɓwana, yì Bangŋo mala mǝsǝcau mǝnana nǝ̀ pur nǝban Tar sǝm aban yiu aban wun ngga, nǝ̀ yia bang kuni kat a muram.

Yohana 6:63

Bangŋo mala Ɓakuli na pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

Amǝ Roma 15:4

Agir mǝnana à gilǝia kat aɓa Malǝmce ɗiɗyal ka, à gilǝia ace kwarkir sǝm, ace mǝnana nǝ ɓakɓabum andǝ munyi mǝnana sǝm nǝ̀ kumo aɓa cau mala Malǝmce ka, sǝm nǝ̀ dum nǝ tsǝkɓalǝu.

Amǝ Afisu 6:17

Ɓǝ̀ amsǝban gir múr wun kǝla sukuru-bolo mǝnana wu nǝ̀ oasǝo ace yal ɓamur wun ngga, sǝ wu pak turo nǝ cau mala Ɓakuli, kǝla nggeabyau mǝnana Bangŋo mala Ɓakuli kǝ pa wun, wu nǝ̀ twal a bu wun ace munǝo ka.