Mǝturonjar eari wi ama, “Bangŋo mala Ɓakuli nǝ̀ sulǝ a muro. Rǝcandǝa mala Ɓakuli mana Karban nǝ Gulo kat ka, nǝ̀ yia zuppi a muro, sǝ Muna Mǝfele mǝnana a nǝ ɓǝli ka, à nǝ̀ tunǝi ama, Muna mala Ɓakuli.
Ɗǝm ngga akukwar puri rǝ aɓwana pas, à kǝ loasǝ gia ama, “A nda Muna mala Ɓakuli.” Yesu gimbia, eare ama ɓǝa na kǝ cau ɗang, acemǝnana à sǝlǝna ama yì ka, nda Kǝrǝsti Mǝ'amsǝban.
Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.
Acemǝnana Yesu Kǝrǝsti Muna mala Ɓakuli, mǝnana mim sǝnǝ Silas andǝ Timoti, sǝm hamnǝ cau male aban wun ngga, “E” na andǝ “Awo” a tarǝia ɗang. A ɓalǝi ka, “E” na, a koya pwari ka.
À gballìnam amur nggun-gangndi sǝnǝ Kǝrǝsti. Mǝ nda mǝnana ɗǝm nǝ yilǝmu ka ɗang, Kǝrǝsti nda mǝnana ado dukiyi a ɓalǝam ngga. Do mem aɓa nggūrǝu mala ɓanza ka, ǝn dum nǝ paɓamuru aban Muna mala Ɓakuli mǝnana earcem, sǝ paɓamuri acem ngga.
Wu tsǝkir wun, ce à kum kǝɓwa ata wun nǝ ɓealǝu kiɗìkì mala nonggi nǝ rǝarǝu, ko mǝnana kǝ ɓanggi Ɓakuli raka kǝla Isǝwa, mǝnana mak gulo ɓǝlban male ace kwar girlina ka.
Yì Melkizedek ka, Malǝmce lǝmndǝa ko yan nda tarrí ko ngge, ko a ya tau sǝ pùr ɗang. Sǝ à gilǝ kǝ gìr amur ɓǝlban andǝ masǝlǝata do yilǝmu male ɗang. Yì ka, nda kǝla Muna mala Ɓakuli, mǝnana do-pǝris male ka masǝlǝate pà kàm raka.
Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.