Matiu 4:24 - Maləmce Məfele mala Ɓakuli: Kurcau Məbəshe

²⁴ Cau male gya akiban aɓa bu-nzali Suriya kat. À yinǝi wi nǝ amǝkwano ɗàngɗáng: a mǝnana à nda ɓa rǝkwana kǝrkǝr, andǝ a mǝnana akukwar kutia rǝia, andǝ a mǝnana à ndanǝ kwano wukiaban, andǝ a mǝnana ɓe kǝ barea wu ka, yi twalia wia ban akwano malea kat.

Matiu 4:24 ပူးပေါင်းရင်းမြစ်များ

Matiu 12:22

Pǝlǝa aɓea ɓwana yiu nǝ ɓe nte mǝnana kukwar na a rǝì sǝ mǝtalasǝ-ɓunna na ka, aban Yesu. Yesu twali wi ban kwano male, sǝ tita na cau sǝ kǝ sǝnban.

Matiu 14:1

Aɓalǝ anonggeo mǝno ka Hirǝdus murǝm mala bu-nzali Galili ok cau amur Yesu.

Matiu 15:22

Ɓe mɓwama Kan'ana mǝnana ndanǝ do a mǝno yì bu ban ngga, yiu abani nǝ ɓua ama, “Mǝtalabangŋo, Muna mala Dauda, sǝn mǝsǝswatǝr mem! Ɓoarnsarilem ngga nda aɓa tanni kǝrkǝr a ɓabu kukwar mǝnana kutia rǝì ka.”

Matiu 17:15

sǝ na ama, “Mǝtalabangŋo, ǝn nggǝ zǝmbǝo, sǝn mǝsǝswatǝr mala laggalem. Ndanǝ kwano wukiaban mǝnana kǝ pe wi tanni kǝrkǝr ka. Kusǝ pas ɓǝ̀ loapi wi ka kǝ kpa aɓa bǝsa ko mur.

Matiu 17:18

Yesu pǝlǝa sà arǝ kukwar mǝnana arǝ muna ka. Pǝlǝa kukwar puri rǝì. Àkǝ̀ banì rǝ mune mala.

Matiu 4:23

Yesu gya aɓa nzali Galili kat kǝ kanigir aɓalǝ andakpapi mala amǝ Yahudi, sǝ kǝ hamnǝ Cau Amsǝban mala Domurǝm mala Ɓakuli amur aɓwana. Twalî aɓwana ban ambalang arǝpangŋa andǝ akwano kat.

Matiu 8:28

Lang Yesu yi eauna a nkaring garang, a bu-nzali mala amǝ Gadara ka, yi je andǝ aburana ɓari mǝnana à ndanǝ akukwar a rǝia ka. À pur aɓalǝ aɓembe sǝ à kǝ yiu abani. Ɓiki lullo malea tsǝa kǝɓwa kǝ kar a njargula mǝno ɗang.

Matiu 8:33

Amǝyal atǝmbǝrǝm-ɓala twal mire aban o a la. À kya bang gir mǝnana kum atǝmbǝrǝm-ɓala ka andǝ cau mala aburana ɓari mǝnana a pusǝ akukwar a rǝia ka.

Matiu 8:6

ama, “Ɓwamǝgule, muna-ɓala mem na ban nongŋo a ɓala nǝ kwano rǝwuna, nda aɓa tanni kǝrkǝr.”

Matiu 9:26

Mǝnia yì cau ka akiban kat aɓa mǝno yì bu-nzali ka.

Matiu 9:35

Yesu gya arǝ anggea-là andǝ amuna-là kat, aban kanigir aɓalǝ andakpapi mala amǝ Yahudi, kǝ hamnǝ Cau Amsǝban mala Domurǝm mala Ɓakuli, sǝ kǝ twalban akwano andǝ arǝpangŋa kat.

Markus 1:28

Àkǝ̀ dyadyan cau male akiban a bu-nzali Galili kat.

Markus 1:32

Nǝ mǝno yì pwari kpana ka, amǝ le yiu nǝ amǝkwano, andǝ aɓwana mǝnana nǝ akukwar aɓa nyamia ka, abani.

Markus 2:3

aɓea aɓwana, yia ine, à twal ɓe mǝrǝkwana mǝnana sú arǝ abui andǝ akusǝi ka, aɓa kala, à yiu nǝi aban Yesu.

Markus 2:4

Sǝ acemǝnana ɓwapǝndǝa lakki kǝrkǝr, à kum njargula kuti nǝi a ɓadǝmbǝi raka, à pǝlǝa à eau nǝ mur kurǝm, à mǝn njar kam, sǝ à sulǝ mǝrǝkwana aɓa kala, nǝ anggur, a ɓadǝm Yesu.

Markus 2:9

Mǝye na kwano kutibanì, yi mǝnana ɓǝa ne mǝkwano ama, ‘À twalǝno ban acauɓikea mo’ ka le, ko ɓǝa na ama, ‘Lo, twal kala mo, sǝ wu ging’ ngga?

Luka 2:2

Mǝnia ka nda tita ɓalban arǝ abaku mǝnana Karniyus nda nggwamna mala bu-nzali Suriya ka.

Luka 4:14

Yesu nyare a Galili aɓa rǝcandǝa mala Bangŋo mala Ɓakuli. Cau male akiban kat aɓa nzali mǝno.

Luka 4:38

Yesu pǝlǝa puri Ndakpapi kutio a ɓala mala Shiman. Nkil Shiman ngga ɓauwa gandǝi nongsǝi. Pǝlǝa à zǝmbǝi Yesu ɓǝ̀ sonzǝi.

Luka 5:15

Kat andǝ amani ka cau amur Yesu akiban, gandǝa ɓwabunda yiu ace ok cau male andǝ kum twalban akwano mǝnana a rǝia ka.

Luka 5:24

Sǝ ace mǝnana ɓǝ̀ wu sǝlǝ ama Muna mala Ɓwa ka ndanǝ rǝcandǝa amur ɓanza nǝ̀ twalban cauɓikea ka, mǝ nǝ lǝmndǝa wun.” Pǝlǝa ne mǝkwano rǝwuna ama, “Lo, twal kala mo o a ɓala!”

Luka 7:17

Cau mala gir mǝnia Yesu pe ka, akiban aɓa nzali Yahudi andǝ acili ala mǝnana à kàrǝì banì ka.

Yohana 10:21

Sǝ acili aɓwana ka à bangŋa ama, “Ɓwa mǝnana nǝ kukwar a rǝì ka, pà nǝ̀ bang amǝnia yì acau ka ɗang! Lang sǝ kukwar nǝ̀ mǝn mǝsǝ ante?”

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 15:23

À tasǝia nǝ mǝnia yì cautera ka: Cau mǝnia ka pur aban sǝm, amǝ'mishan andǝ aɓwana-mǝgule amur amǝkwaɗi, amǝ'eam wun. Sǝm nggǝ tasǝ makkun aban amǝ'eamrǝarǝu kat, mana amǝ Yahudi na raka, mana à ndanǝ do a Antiyok, andǝ acilia aban aɓalǝ abu-nzali Suriya, andǝ Sǝlisiya ka.

Amǝ Mishan 15:41

Pǝlǝa Bulǝs lidǝmbǝa nǝ gya a tarǝia andǝ Silas aɓalǝ abu-nzali Suriya andǝ Sǝlisiya, kǝ kwarkir amǝkwaɗi aban pea wia rǝcandǝa.

Amǝ Mishan 28:9

Lang gir nî pangŋǝna anggo ka, kara acilia ɓwana mǝnana aɓa luran nǝ arǝkwana gbal ka, à yiu à yì twalia wia ban arǝkwana malea.

Amǝ Mishan 8:7

Abangŋo mǝɓane kǝ purki rǝ aɓwana pas, nǝ zwalo bang-bang. Sǝ aɓwana mǝnana ɓe barea wú, andǝ agbakǝre ka, à twalia wia ban akwano malea.