Matiu 4:23 - Maləmce Məfele mala Ɓakuli: Kurcau Məbəshe

²³ Yesu gya aɓa nzali Galili kat kǝ kanigir aɓalǝ andakpapi mala amǝ Yahudi, sǝ kǝ hamnǝ Cau Amsǝban mala Domurǝm mala Ɓakuli amur aɓwana. Twalî aɓwana ban ambalang arǝpangŋa andǝ akwano kat.

Matiu 4:23 ပူးပေါင်းရင်းမြစ်များ

Matiu 11:5

Ante kǝ sǝnban, agbakǝre kǝ gya, à kǝ twali amǝdakali ban akwano bǝsa malea, amǝkir'ara kǝ okban, à kǝ loasǝ alú, sǝ à kǝ hamnǝ Cau Amsǝban aban amǝtǝr.

Matiu 12:9

Yesu nying ban mǝno ka, yi kutio aɓa ndakpapi malea.

Matiu 13:19

Ɓǝ̀ ɓwa ok cau mǝɓoarne amur Domurǝm mala kuli, sǝ ce kpaki wi raka, nda kǝla mǝsǝɓeale mana kpa a tanjargula ka. Mǝɓealɓikea kǝ yiu kǝ fwa gir mana à ɓeali a ɓabumi ka.

Matiu 13:54

Nyar a la male a Nazarat. Tita kani aɓwana gir aɓa ndakpapi malea. Ɓwapǝndǝa ndali sǝ à ɗiban ama, “Ake sǝ mǝnia yì ɓwa ka kum mǝnia yì sǝlǝe andǝ bangŋo mala pakki agir-ndǝlǝki ka?

Matiu 14:14

Yesu yi kpashi, nǝ̀ eapi waru ka sǝn ɓwabunda kǝrkǝr aban rambǝa. Mǝsǝswatǝr malea pakki wi pǝlǝa twalia amǝkwano mana aɓalǝia ka ban arǝkwana malea.

Matiu 24:14

À nǝ̀ hamnǝ Cau Amsǝban mala Domurǝm mala kuli, ace mǝnana aɓwana kat a ɓanza ka ɓǝa o. A nzǝm mǝno ka sǝ masǝlǝata ɓanza nǝ̀ yiu.

Matiu 3:2

kǝ na ama, “Wu pwanzali wu pǝlǝ nzǝm wun arǝ acauɓikea ma'wun, ace mǝnana Domurǝm mala kuli gbashina.”

Matiu 9:35

Yesu gya arǝ anggea-là andǝ amuna-là kat, aban kanigir aɓalǝ andakpapi mala amǝ Yahudi, kǝ hamnǝ Cau Amsǝban mala Domurǝm mala Ɓakuli, sǝ kǝ twalban akwano andǝ arǝpangŋa kat.

Markus 1:14

Anzǝm mana à bwalǝna Yohana à oasǝni a ndàkurban ngga, Yesu o a nzali Galili, kǝ hamnǝ Cau Amsǝban mala Ɓakuli.

Markus 1:21

Yesu andǝ alaggana male wario a Kapanahum. Pwari Sabbat karǝna ka Yesu kutio a ndakpapi, tita kanigir kam.

Markus 1:39

Pǝlǝa gya aɓa nzali Galili kat, kutio arǝ andakpapi malea aban hamnǝ Cau Amsǝban, sǝ kǝ pusǝ akukwar arǝ aɓwana.

Markus 3:10

A mǝno yì pwari ka twalǝni aɓwana pas ban arǝkwana malea, nda aɓea amǝkwano ɗàngɗáng kǝ ramnggiban aban ká dǝmbǝa à nǝ̀ kumsǝ rǝì.

Markus 6:2

A pwari Sabbat mǝnana kar ka, yì pwari usǝlǝo mala amǝ Yahudi, Yesu tita kanigir aɓa ndakpapi. Aɓwana mǝnana kat à oe ka, à ndali kǝrkǝr, pǝlǝa à ɗiban ama, “Ake sǝ mǝnia yì ɓwa ka kum mǝnia yì sǝlǝe andǝ rǝcandǝa mala pakkia ulang amǝnia yì agir-ndali ka?

Markus 6:6

Ndali kǝrkǝr nǝ ɗwanyi pa ɓamuru malea abani. Pǝlǝa kutio arǝ amuna-là kǝ kanigir kam.

Luka 10:9

Wu twalia wia ban arǝkwana mǝnana abanì ka, sǝ wu nea wia ama, “Domurǝm mala Ɓakuli yina aban wun tu.”

Luka 13:10

A pwari usǝlǝo mala amǝ Yahudi ka, Yesu na aban kani aɓwana gir aɓa ɓe ndakpapi.

Luka 16:16

Nggurcau mala Musa andǝ amalǝmce mala amǝ'ɓangna mala Ɓakuli ka à nǝ̀ bwalkiyia wun gara ba yiu mala Yohana Mǝbatisǝma. Lo arǝ abaku mǝno ka sǝ à camarǝ hamnǝ cau Mǝɓoarne mala Domurǝm mala Ɓakuli, sǝ ko yan ngga kǝ ɓariki kǝrkǝr nǝ kutio kam.

Luka 20:1

A ɓe kǝ pwari Yesu naban kani aɓwana gir a Ndàmǝgule mala Ɓakuli, sǝ kǝ hamnǝ Cau Amsǝban, agbani pǝris andǝ amalǝm Nggurcau mala Musa andǝ akapana yia kat à yiu abani.

Luka 4:14

Yesu nyare a Galili aɓa rǝcandǝa mala Bangŋo mala Ɓakuli. Cau male akiban kat aɓa nzali mǝno.

Luka 5:17

Ɓe pwari mwashat Yesu ka nda ban kanigir, amǝ Farisi andǝ amalǝm Nggurcau mala Musa mǝnana à purkio arǝ amuna-là ɗàngɗáng aɓalǝ abu-nzali Galili andǝ Yahudi, andǝ Urǝshalima ka, à ndakam aban do. Sǝ Bangŋo mala Ɓakuli ka nda te ace sonzǝ amǝ rǝkwana.

Luka 6:17

Lang à sulǝni mur nkono ka, Yesu yi came a ɓe palban. Aɓea alaggana male nakam pas aban rambǝa. Aɓwabunda pas mǝnana à purkio aɓa nzali Yahudi, andǝ Urǝshalima andǝa mǝnana a bu-nzali mala amǝ Taya andǝ Sidon mana a kun nggeamur ka, à ndakam gbal.

Luka 6:6

A ɓe pwari Sabbat ɗǝm ngga Yesu kutio a Ndakpapi aban kanigir. Ɓe ɓwa nakam mǝnana bui mǝli wu ka.

Luka 7:21

Àkǝ̀ banì Yesu twalia aɓwana pas ban akwano andǝ arǝpangŋa malea, pusǝki akukwar arǝ aɓwana, sǝ mǝn mǝsǝ ante.

Luka 7:22

Pǝlǝa ne aɓwana mǝnana Yohana turia ka ama, “Wu nyare wu kya banggi Yohana agir mǝnana wu sǝn andǝ mǝnana wu ok ka. Ante kǝ sǝnban, aman à gbakǝri a kusǝia ka à lo à kǝ gya, amǝkwano-dakali ka à kǝ twalia wia ban dakali malea, amǝkir'ara kǝ okban, à kǝ loasǝ alú, sǝ Cau Amsǝban ngga à kǝ hamnǝi aban amǝtǝr.

Luka 8:1

Tu anzǝm man ngga Yesu gya arǝ ala mǝgulke andǝ amuna-là ɗàngɗáng aban hamnǝ Cau Amsǝban mala Domurǝm mala Ɓakuli. Alaggana male man lum-nong-ɓari ka, à nda ate.

Luka 9:11

Ɓwabunda ok ce, kara à pwan rǝia à o ate. Yesu gingsǝia, sǝ nea wia cau amur Domurǝm mala Ɓakuli, sǝ aɓwana mǝnana à yiu sǝ à nda aɓa rǝkwana ka, twalia wia ban arǝkwana malea.

Luka 9:60

Yesu ne wi ama, “Ɗeki alú ɓǝa tsǝk alú malea, sǝ we ka kyane kya hamnǝ Domurǝm mala Ɓakuli.”

Yohana 18:20

Yesu banggi wi ama, “Acau mem ngga ǝn nea bwāng a ɓadǝm ɓwapǝndǝa kat. Sǝ ko aya pwari ka mǝ ndaban kanigir arǝ ndakpapi andǝ Ndàmǝgule mala Ɓakuli, ban rambǝa mala amǝ Yahudi. Ən na kǝ cau aɓa sǝmbǝrǝa ɗang.

Yohana 6:59

Yesu banggí amǝnia yì acau ka, mǝnana nda aban kanigir aɓa ndakpapi mala amǝ Yahudi aɓa Kapanahum ngga.

Yohana 7:1

Anzǝm man ngga, Yesu gya aɓa nzali Galili; eare kutio aɓa bu-nzali Yahudi ɗang, acemǝnana aɓwana-mǝgule mala amǝ Yahudi mǝnana akano ka, à nda ban alte à nǝ̀ wal-lui.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 18:4

A koya pwari Sabbat, pwari usǝlǝo mala amǝ Yahudi ka, Bulǝs kǝ wario a ndakpapi kǝ na cau nǝ amǝ Yahudi andǝ amǝ Gǝrik ace mǝnana nǝ̀ kumo nǝ̀ nunnia ɓǝa sǝlǝ ama Yesu ka, nda Mǝ'amsǝban.

Amǝ Mishan 20:25

Ən sǝlǝna ama wun mǝnana ǝn camarǝ gya aɓalǝ wun, aban hamnǝ cau mala Domurǝm mala Ɓakuli ka, kǝɓwa pà kàm aɓalǝ wun nǝ sǝnam ɗǝm ɗang.

Amǝ Mishan 28:31

Kǝ hamnǝ cau mala Domurǝm mala Ɓakuli sǝ kǝ kanigir amur Mǝtalabangŋo Yesu Kǝrǝsti. Kǝ na cau nǝ rǝcandǝa kat, ko ɓangciu pà a rǝì ɗang. Kǝ ɓwa tamsǝì ɗang.

Amǝ Roma 10:15

Sǝ lang sǝ aɓwana nǝ̀ hamnǝ cau, yi mǝnana Ɓakuli turia raka? Kǝla mǝnana à gilǝì ka: “Yiu mala aɓwana mǝnana à kǝ hamnǝ Cau Amsǝban ngga gir mǝɓoarne na kǝ̀rkǝ́r!”