Matiu 4:17 - Maləmce Məfele mala Ɓakuli: Kurcau Məbəshe

¹⁷ Lo a baku mǝno ka Yesu tita hamnǝ cau, kǝ na ama, “Wu pwanzali, wu pǝlǝ nzǝm wun arǝ acauɓikea ma'wun, acemǝnana Domurǝm mala kuli gbashina.”

Matiu 4:17 ပူးပေါင်းရင်းမြစ်များ

Matiu 10:7

Ká ma'wun ngga, kǝ cau mǝnia ka nda wu nǝ̀ hamnǝi ka: “Domurǝm mala kuli gbashina.”

Matiu 11:12

Lo a nza mala Yohana Mǝbatisǝma yi bwal a dyan ngga, Domurǝm mala Kuli ka kǝ nu tanni kǝrkǝr a bu aɓwana, sǝ amǝ bumpina ka à kǝ̀ é nǝ rǝcandǝa.

Matiu 13:11

Yesu earia wia ama: Surǝ gir-ɓasǝmbǝra mala Domurǝm mala kuli ka à pana wuni, sǝ yia ka à pea wia ɗang.

Matiu 13:24

Yesu nea wia ɓe kanicau ɗǝm ama: À nǝ̀ kànì Domurǝm mala kuli arǝ ɓeɓwa mǝnana ɓeal mǝsǝɓeale mǝɓoarne a ɓaban male ka.

Matiu 13:47

Ɗǝm ngga, Domurǝm mana a kuli ka nda kǝla ndámbú mǝgule mǝnana à turi a nggeamur sǝ bwal koya ulang nji kat ka.

Matiu 13:9

Ɓwa mǝnana ndanǝ akiru ka ɓǝ̀ o.

Matiu 25:1

A baku mǝno ka à nǝ̀ kànì Domurǝm mala kuli arǝ ansarina lum mǝnana à twal apitǝla malea sǝ à puro à nǝ̀ ká kullímúr bura-manfela ka.

Matiu 3:2

kǝ na ama, “Wu pwanzali wu pǝlǝ nzǝm wun arǝ acauɓikea ma'wun, ace mǝnana Domurǝm mala kuli gbashina.”

Matiu 6:10

Domurǝm mo ɓǝ̀ yiu. Gir mǝnana a earkiyice ka, ɓǝ̀ sǝm pe a ɓanza, kǝla mǝnana à kǝ pe a kuli ka.

Matiu 9:13

Wu kyane wu kya bǝl ɓa mǝnia yì nggurcau mana ama: ‘Sǝn mǝsǝswatǝr na ǝn earkiyice ka, ɗarǝa na ɗang.’ Ən yiu ace tunǝ amǝ'cauɓoarna ɗang, nda ace amǝ'cauɓikea.”

Luka 15:10

Ən nggǝ na wun ama anggo gbal, bumpwasǝa nakam aban amǝturonjar mala Ɓakuli ace mǝ'cauɓikea mwashat mǝnana ginǝki acauɓikea male, nyare aban Ɓakuli ka.

Luka 15:7

Ən nggǝ na wun ama, anggo gbal a kuli ka bumpwasǝa na kam kǝrkǝr ace mǝ'cauɓikea mwashat mǝnana nying acauɓikea male nyare aban Ɓakuli ka. Mǝno yì bumpwasǝa ka kuti mana ndakam amur amǝ'cauɓoarna mǝnana lumi-tongno-nong-ine nǝ mǝsǝi tongno-nong-ine mana à ɓwarki tanjar raka.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Luka 3:23

Yesu ka ndanǝ pǝlǝa kǝla lumi-tārú sǝ tita turo mala Ɓakuli. Aɓwana twali ama yì ka, nda muna mala Yisǝfu. Yisǝfu ka nda muna mala Heli,

Luka 5:32

Ən yiu ace tunǝ amǝ'cauɓoarna ɗang, ǝn yiu ace amǝ'cauɓikea ɓǝa nyare aban Ɓakuli.”

Luka 9:2

Pǝlǝa tasǝia ɓǝa kya hamnǝ ce Domurǝm mala Ɓakuli, sǝ ɓǝa twali aɓwana ban rǝkwana.

Amǝ Mishan 11:18

Lang à nǝ̀ o ana ka, à pànǝ kun nacau ɗǝm ɗang, kara à tita ɓwangsǝki Ɓakuli. À na ama, “Sǝm sǝnǝni ado, Ɓakuli pani aɓwana mǝnana amǝ Yahudi na raka gbal njargula mala pwanzali a mala pǝlǝ nzǝmia arǝ acauɓikea malea, ɓǝa kum yilǝmu!”

Amǝ Mishan 17:30

Adó-ɗwanyi surǝ Ɓakuli mana ɗiɗyal ka, Ɓakuli tsǝk kir cea ɗang, sǝ a dyan ngga, kǝ bangŋa ama tsǝngŋǝna nzongcau, ɓǝa ɓwana kat a koya aban, ɓǝa nying acauɓikea malea, ɓǝa pwanzali abani.

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 20:21

Ən banggi amǝ Yahudi andǝ aɓwana mana amǝ Yahudi na raka, nǝ nunkiru nǝma, dumǝna púp ɓǝa nyare aban Ɓakuli. Ɓǝa pǝlǝ nzǝmia arǝ acauɓikea malea, ɓǝa pwanzali, sǝ ɓǝa paɓamuri aban Mǝtalabangŋo Yesu.

Amǝ Mishan 26:20

A tite ka, ǝn hamnǝ cau a Damaska andǝ Urǝshalima andǝ anzali mala amǝ Yahudi kat. Sǝ ǝn hamnǝi gbal aɓalǝ aɓwana mǝnana amǝ Isǝrayila na raka. Ən nea wia nǝma ɓǝa pǝlǝ nzǝmia arǝ cauɓikea ɓǝa pwanzali, ɓǝa nyare aban Ɓakuli, ɓǝa kǝ pak agir mǝnana nǝ̀ lǝmndǝ ama yia ka à nyingŋǝna acauɓikea malea ka.

Amǝ Mishan 3:19

Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun.

Amǝ Ibǝru 6:1

Ace mani ka, ɓǝ̀ sǝm ɗeki akanigir mala tita eaulǝki acau amur Kǝrǝsti. Ɓǝ̀ sǝm tùr a dǝmbǝa, ɓǝ̀ sǝm lumsǝ aɓa bwaltagir. Ɓǝ̀ sǝm ngga nyar ɗǝm aban kwakita kusǝɓǎ amur pwanzali andǝ vwaki bu arǝ aturo mǝnana à nǝ̀ kánǝban a lú, andǝ paɓamuru aban Ɓakuli ɗang.