Matiu 4:13 - Maləmce Məfele mala Ɓakuli: Kurcau Məbəshe

¹³ Banì sau a Nazarat ɗang, turo kya do a Kapanahum, a kun Garang Galili a bui mala amǝ Zebulu andǝ amǝ Naftali.

Matiu 4:13 ပူးပေါင်းရင်းမြစ်များ

Matiu 11:23

Sǝ we Kapanahum ngga, ama à nǝ̀ loasǝo a kuli le? Awo, a nggearǝ nzali a tuli-lú sǝ à nǝ̀ yinǝ we. Ɓǝ̀ ama agir-ndali mana ǝn pakkia a ɓalǝo ka ǝn pangŋǝnia a Sodom ngga ɓǝ yalung ngga ndakam piu.

Matiu 17:24

Lang Yesu andǝ alaggana male bwalǝna Kapanahum ngga, amǝcemi ɓa Ndàmǝgule mala Ɓakuli yiu aban Bitǝrus sǝ à ɗi ama, “Mǝtala-ɓala ma'wun ngga kǝ mbwe boalo cemi mala Ndàmǝgule re?”

Matiu 4:14

Mǝnia ka pa anggo ace mǝnana ɓǝa lumsǝ cau mana pur a kun Ishaya mǝɓangna mala Ɓakuli ka ama:

Matiu 4:15

“Wu kwaki kir wun, wun amǝ nzali Zebulu andǝ Naftali. Wun aɓwana mǝnana wu do amur njargula ká a kun Garang, a nkaring Mur Jodan ngga. Wu kwaki kir wun, wun amǝ Galili, la mala aɓwana mana amǝ Yahudi na raka.

Matiu 9:1

Yesu pǝlǝa eauwe a waru, yale a nkaring o a la male.

Markus 1:21

Yesu andǝ alaggana male wario a Kapanahum. Pwari Sabbat karǝna ka Yesu kutio a ndakpapi, tita kanigir kam.

Markus 2:1

Anzǝm anongŋo bǝti ka, Yesu nyare a Kapanahum. Ceì akiban ama nyarǝna nda a ɓala.

Luka 10:15

Sǝ we Kapanahum ngga! A kǝ́ sǝni kǝla à nǝ̀ loasǝo aban ká kuli le? Awo! À nǝ̀ turo a nzali àkǝ̀ ɓa tuli-lú!

Luka 4:23

Yesu nea wia ama: Ɓafo ka wu nǝ̀ nam mǝnia yì kun-nacau ka, ama, “Mǝsonzǝo, sonzǝ ɓamuro!” Ɗǝm ngga wu nǝ̀ nam ama, “Agir mǝnana sǝm ok ama a pakkia a Kapanahum ngga, pea kani a là mo.”

Yohana 2:12

Anzǝm man ngga, Yesu andǝ ngge andǝ amǝ'eambǝi andǝ alaggana male o a Kapanahum sǝ à kya nonggi kam zuku.

Yohana 4:46

Aɓa gya mala Yesu aɓa nzali Galili ka kya kuti ɗǝm a Kana, la mǝnana tsǝk mùr pǝlǝ mùr ɓǝlanggun anap kam ngga. Ɓe mǝtamurǝm na kam a Kapanahum, muni ka mǝkwano na.

Yohana 6:17

À kya eauwe aɓa waru à nǝ̀ nyare aban o a nkaring garang a Kapanahum. Anggo ka ban bwalǝna sǝ Yesu malaká yiu abania ɗang.

Yohana 6:24

Lang ɓwabunda sǝni ka Yesu andǝ alaggana male pà abanì raka, à kutiki aɓalǝ awaru mǝno sǝ à o a Kapanahum, aban alta Yesu.

Yohana 6:59

Yesu banggí amǝnia yì acau ka, mǝnana nda aban kanigir aɓa ndakpapi mala amǝ Yahudi aɓa Kapanahum ngga.