Matiu 4:12 - Maləmce Məfele mala Ɓakuli: Kurcau Məbəshe

¹² Lang Yesu ongŋǝna ama murǝm Hirǝdus Antipas kùrna Yohana a ndàkurban ngga, lo ɗeki nzali Yahudi o a bu-nzali Galili.

Matiu 4:12 ပူးပေါင်းရင်းမြစ်များ

Matiu 11:2

Yohana Mǝbatisǝma ka nda a ndàkurban sǝ ok ce agir mana Kǝrǝsti kǝ pea ka, pǝlǝa tur alaggana male

Matiu 14:3

Hirǝdus angŋǝna dǝmbǝa bwalǝna Yohana kùrni sǝ oasǝni a ndàkurban. Kùrri ace Hirǝdiya mala Filip mǝ'eambǝi yì Hirǝdus.

Markus 1:14

Anzǝm mana à bwalǝna Yohana à oasǝni a ndàkurban ngga, Yesu o a nzali Galili, kǝ hamnǝ Cau Amsǝban mala Ɓakuli.

Markus 6:17

Hirǝdus nǝ nggearǝì ka tasǝna aɓwana à kya bwalǝna Yohana, à oasǝni a ndàkurban. Pak mǝnia ka ace Hirǝdiya, mala mǝ'eambǝi Filip, mǝnana yì, yì Hirǝdus ali ate ka.

Luka 23:5

Pǝlǝa à ginǝ kpekpe ama, “Kanigir male aɓa nzali Yahudi kǝ tsǝk aɓwana ɓǝa loasǝ munǝo arǝ amǝ'talanzali Roma. Tita mǝnia yì gir ka a Galili, ndya yi bwalǝna ban man kat.”

Luka 3:20

Hirǝdus tsǝa à bwal Yohana à oasǝi a ndàkurban. Mǝno ka ɓe cauɓikea na Hirǝdus pa amur amǝnana angŋa dǝmbǝa pangŋǝnia ka.

Luka 4:14

Yesu nyare a Galili aɓa rǝcandǝa mala Bangŋo mala Ɓakuli. Cau male akiban kat aɓa nzali mǝno.

Luka 4:31

Pǝlǝa Yesu sulǝo aban ká Kapanahum, ɓe la aɓa bu-nzali Galili. A pwari usǝlǝo ka tita kani aɓwana gir.

Yohana 1:43

Ɓe ban fana ka, Yesu twali a ɓabumi ama nǝ̀ o a Galili. Yi kum Filip sǝ ne wi ama, “Yiu atam.”

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 3:24

(Anggo ka à malaká oasǝ Yohana a ndàkurban peatu ɗang.)

Yohana 4:43

Anzǝm mǝnana Yesu pangŋǝna nongŋo ɓari abanì ka, lo o a Galili.

Yohana 4:54

Mǝnia ka nda ɓaria gir'ndǝlǝki mǝnana Yesu pe ka. Pe anzǝm mǝnana nyingŋǝna Yahudi yina a Galili ka.