Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiu 3:7 - Maləmce Məfele mala Ɓakuli: Kurcau Məbəshe

7 Sǝ lang Yohana sǝn amǝ Farisi andǝ amǝ Saduki à nǝ̀ nggǝ yiu pas abani ace mǝnana ɓǝa pakkia wia batisǝma ka, nea wia ama, “Wun amuna an'yau barya! Yan nun kir wun ama ɓǝ̀ wu ɓanggi ɓashi mala Ɓakuli mǝnana kǝ yiu ka?

အခန်းကိုကြည့်ပါ။ ကော်ပီ




Matiu 3:7
49 ပူးပေါင်းရင်းမြစ်များ  

Sǝ amǝ Farisi ka lang à ok mǝnia yì cau ka à bangŋa ama, pa ɓa ɗang, nǝ rǝcandǝa mala Baalzabul Murǝm mala akukwar sǝ kǝ pusǝki akukwar.


Wun amuna baffu, lang sǝ cau mǝɓoarne nǝ̀ pur a kun wun, yi mǝnana wu ndaka amǝ'ɓealɓikea ka? Gir mǝnana nda a ɓabum ngga, nda kún banggiyi ka.


Alaggana male pǝlǝa à yiu abani sǝ à ɗi ama, “A sǝlǝ ama bum amǝ Farisi lullo arǝ cau mana a ne ka?”


Amǝ Farisi andǝ amǝ Saduki yiu aban Yesu à nǝ̀ karǝki. À zǝmbǝi wi ama ɓǝ̀ lǝmndǝia wia ɓe kǝ gir'ndali mana nǝ̀ lǝmndǝ ama yì ka, pur nǝban Ɓakuli.


Yesu nea wia ama, “Wu par kir wun, wu yal ɓamur rǝ wun arǝ yist mala amǝ Farisi andǝ amǝ Saduki.”


Amǝ Farisi o à kya kur kunarǝia amur njargula mǝnana à nǝ̀ bwali nǝi kam aɓa nacau ka.


Àkǝ̀ pwari mǝno ka amǝ Saduki mǝnana à nakiyi ama loapi ɓembe pà kàm raka à yiu aban Yesu à yì ɗi ama,


Lang amǝ Farisi ongŋǝna ama Yesu gandǝna amǝ Saduki ka, à ram rǝia à yiu.


Wun an'yau, wun amuna baffu! Lang sǝ wu nǝ̀ api ɓashi ká lu-bǝsa?


Ən nggǝ na wun ama ɓǝ̀ ɓealɓoarna ma'wun kuti mala amǝ Farisi andǝ amǝkani Nggurcau mala Musa raka, wu pa wu nǝ̀ kum kutio aɓa Domurǝm mala kuli ɗang ko bǝti.


Anzǝm man ngga, à tasǝî Yesu aɓea amǝ Farisi andǝ aɓwana mala Hirǝdus ace mǝnana ɓǝa bwali aɓa nacau male ka.


Pǝlǝa amǝ Saduki, mǝnana à bangŋa ama loapi ɓembe pa kàm raka, à yiu abani nǝ ɗiban.


Lang à ndarǝ o aɓa waru ka, Yesu nun kiria ama, “Wu par kir wun arǝ yis mala amǝ Farisi andǝ mala Hirǝdus.”


Sǝ yia amǝ Farisi mǝnana amǝ earce boalo na ka, à nǝ̀ ok mǝnia yì acau ka, à sonzǝkì Yesu ngge.


Pǝlǝa ɓwa Farisi lo came pak hiwi amur ɓamuri. Na ama, “Ɓakuli, ǝn pakko yàwá, acemǝnana mǝ nda mǝ'cauɓikea kǝla acili aɓwana ɗang. Ən pa kǝla amǝ'ɓǝmbǝriban, amǝ ɗwanyi do amur mǝsǝcau, amǝ'nongginǝban a nza mala doɓala, ko kǝla mǝnia yì mǝcemi ka ɗang.


Sǝ amǝ Farisi andǝ amalǝm nggurcau ka à ginǝ kane mala Ɓakuli mǝnana acea ka, acemǝnana à ɓinǝ ama ɓǝ̀ Yohana ɓǝ̀ kǝa pakkia wia batisǝma ɗang.


Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.


Aɓea amǝ Farisi mana aban came tù abanì ka, ok cau mǝnana Yesu na ka, pǝlǝa à ɗi ama, “A nda ban na ama, sǝm nda ka nte le?”


Sǝ aɓea amǝkwaɗi amǝ Yahudi mana à nda bui mala amǝ Farisi ka, à lo à came, à na ama, “Aɓwana mana amǝ Yahudi na raka, mana à pǝlǝ amǝkwaɗi ka, dumǝna púp à nǝ̀ kasǝia ɓatea, sǝ à nǝ̀ kpata Nggurcau mala Musa.”


Ace mani ka, wu tsǝkir wun pepe! Wu ɗenyi ama, nǝ amǝrǝm a mǝsǝam, du andǝ pwari, mǝ nda aban kani ko yan ata wun ngga cau mala Ɓakuli kat ba apǝlǝa tārú.


À surǝna rǝam ɗiɗyal, ɓǝà nǝ̀ na ama à nǝ̀ na mǝsǝcau ka, ama, a tite ɗiɗyal a do mem ngga, mǝ nda aɓa nggǝsanyi mala amǝ Farisi, aɓwana mǝnana à kǝ kpata akuncau andǝ anzongcau mala peri ma'sǝm kat, nǝ tsǝk kiru pepe ka.


Pǝlǝa Pǝris mǝgule andǝ aɓwana mǝnana ate, mǝnana à nda bui mala amǝ Saduki ka, à lo nǝ mɓali kǝrkǝr arǝ amǝ'mishan.


Ɓakuli kǝ lǝmndǝ bumlulla male nǝ kuli amur amǝ'cauɓikea andǝ amǝ'ɓealɓikea mǝnana à kǝ par mǝsǝcau nǝ aɓealɓikea malea ka,


Acemǝnana ado ka à angŋǝna sǝm, sǝm dumǝna amǝ'cauɓoarna aban Ɓakuli nǝ nkila mala Kǝrǝsti ka, lǝmndǝ ama kàngkàng aɓa pe mǝnana kuti mǝno ka, sǝm nǝ̀ kum auwa a ɓabu bumlulla mala Ɓakuli nǝ bani!


Ɗǝm ngga à bang cau mala do kundǝmuru ma'wun arǝ yiu mala Muna mala Ɓakuli nǝ kuli, yì muna male mana loasǝi a ɓembe ka. Nda Yesu mana nda mǝ'amsǝ sǝm a bu tanni mala bumlulla mǝɓike mala Ɓakuli mǝnana kǝ yiu ka.


Paɓamuru mala Nuhu aban Ɓakuli na ci sǝ kpata nunkiru mala Ɓakuli amur agir mǝnana à kǝ yiu a dǝmbǝa, gandǝ sǝnia raka. Lo nǝ ɓangciu mala pagulo aban Ɓakuli, gballì nggea waru ace amsǝ amǝ ɓala male. Nǝ mǝnia ka, yinǝ kasǝ-ɓashi amur ɓanza, pǝlǝa Ɓakuli é mǝ'cauɓoarna na, akban mǝnana à kǝ kumi nǝ paɓamuru ka.


Ɓakuli pana pàcau andǝ kángir male yia kǝm. Amǝnia yì agir ɓari ka, à kǝ gandǝ nggaɗia ɗang, acemǝnana Ɓakuli ka, pà nǝ̀ gandǝ na nyir ɗang. Ace mani ka, sǝm mana sǝm ɓangŋǝna aban ká alta auwa abani ka, sǝm kumǝna ɓakɓabum mǝgule ace bwal kàngkàng arǝ tsǝkɓalǝu mǝnana à tsǝka sǝmi a dǝm sǝm ngga.


Mǝnia ka, nda gir mǝnana gakita amuna mala Ɓakuli andǝ amuna mala Shetan ngga: Ɓwa mǝnana kat kǝ pak cauɓoarna raka, muna mala Ɓakuli na ɗang, anggo sǝ ɓwa mǝnana kǝ earce mǝ'eambǝi raka, yì gbal ka muna mala Ɓakuli na ɗang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ