Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiu 3:6 - Maləmce Məfele mala Ɓakuli: Kurcau Məbəshe

6 À bang acauɓikea malea, sǝ pakkia wia batisǝma a Nggeasala Jodan.

အခန်းကိုကြည့်ပါ။ ကော်ပီ




Matiu 3:6
35 ပူးပေါင်းရင်းမြစ်များ  

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.


Ɓwabunda pur arǝ acilia ala aɓa nzali Yahudi, andǝ ɓa Urǝshalima aban yiu a sǝne sǝ à nǝ̀ ok hama male. À kǝ bang acauɓikea malea, sǝ Yohana kǝ pakkia wia batisǝma a kun Nggeasala Jodan.


Nǝ̀ tsǝk amǝ Isǝrayila pas à nǝ̀ nyare aban Mǝtalabangŋo Ɓakuli malea.


Pǝlǝa Yohana earia wia kat ama, “Ən nggǝ pakka wun batisǝma nǝ mur. Sǝ ɓeɓwa nakam kutiam nǝ gulo, nda nǝ̀ yiu ka. Anggur-nkura male ka, ǝn kārǝa mǝ nǝ panzǝia ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.


Yohana ka pakki aɓwana batisǝma nǝ múr, sǝ banì pà nǝ̀ sau ɗang aɓalǝ anonggeo bǝti ka, à nǝ̀ pakka wun batisǝma nǝ Bangŋo Mǝfele.


Pǝlǝa ɓalǝam kasǝ arǝ cau mana Mǝtalabangŋo bangŋa ama, “Yohana pak batisǝma nǝ mur, sǝ ma'wun ngga à nǝ̀ pakka wun batisǝma nǝ Bangŋo Mǝfele.”


Pas aɓalǝ aɓwana mana à paɓamuria, à pǝlǝ amǝkpata Yesu ka, à yiu à yì bang ce pakkia gir ɓealɓikea malea kwas.


Sǝ adyan ngga, mana ɗǝm a kundǝkiyia? Lo, ɓǝa pakko batisǝma, pwanzali aban Mǝtalabangŋo ɓǝ̀ twalo ban acauɓikea mo.”


Kutio mǝno à kutio aɓa pǝrɓang andǝ nggeamur ka, nda kǝla batisǝma na à pakkia wia kat à duk amǝkpata Musa ka.


Wun ngga, à oasǝna wun a ɓembe wunǝa Kǝrǝsti nǝ batisǝma mǝnana à pakka wun ngga, sǝ aɓa batisǝma ɗǝm ngga à loasǝna wun aɓa bǝsa yilǝmu, nǝ guli ma'wun arǝ rǝcandǝa mala Ɓakuli mǝnana loasǝ Kǝrǝsti a ɓembe ka.


Sǝ ɓǝ̀ sǝm ngga camarǝ ɓǝsǝlǝki kanigir amur batisǝma, andǝ tsǝkbu amur aɓwana, andǝ lo mala alú, andǝ amur kasǝ ɓashi mǝnana masǝlǝate pà kàm raka ɗang.


Mǝnia ka nda acemǝnana yì njar mǝ'e ka nda àkǝ̀ ce akunacau mala agir mana nggurcau eari aɓwana ɓǝ̀a li ko ɓǝ̀a nu andǝ amana earia wia raka, andǝ anzongcau ɗàngɗáng mala laki arǝu andǝ agir. Sǝ amǝno ka angguracau mala pakki agir mǝnana mǝsǝu kǝ sǝnia ka nda, ba pwari mǝnana Ɓakuli yi kwakita bǝsa njar ka.


Ace mani ka wu banggi arǝ wun acauɓikea ma'wun, sǝ wu pakki arǝ wun hiwi, ace mǝnana ɓǝa twala wun ban arǝkwana ma'wun ngga. Hiwi mala mǝɓealɓoarna mǝnana pe nǝ ɓabumi mwashat ka, ndanǝ rǝcandǝa sǝ kǝ pak turo.


Sǝ mǝno yì mùrgula, mǝnana aɓwana tongno-nong-tārú api wi ka, nda kǝla batisǝma mǝnana kǝ amsǝ wun ado ka. Pà ace lak pǝndǝkea mala nggūrǝu wun ɗang, nda ace lǝmndǝ eare ma'wun aban Ɓakuli nǝ ɓabum mǝɓoarnsari. Kǝ amsǝ wun acemǝnana Yesu Kǝrǝsti lo a ɓembe nǝ yilǝmu ka.


Sǝa ma ɓǝ̀ sǝm bang acauɓikea ma'sǝm ngga, yì ka, mǝ'mǝsǝcau na, mǝɓealɓoarna na, mǝnana nǝ twala sǝm ban acauɓikea ma'sǝm, sǝ nǝ̀ lak sǝm aɓalǝ aɓealɓikea ma'sǝm kat ka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ