Matiu 3:5 - Maləmce Məfele mala Ɓakuli: Kurcau Məbəshe

⁵ Ɓwapǝndǝa pur aɓa nggeala Urǝshalima, andǝ aɓea la a bu-nzali Yahudi kat, andǝ bareban mala Nggeasala Jodan kat, à o abani.

Matiu 3:5 ပူးပေါင်းရင်းမြစ်များ

Matiu 2:1

À ɓǝl Yesu a Betalami, a nzali Yahudi, a baku mǝnana Hirǝdus nda murǝm ngga. Tu anzǝm ɓǝl Yesu ka, amǝ'sǝle amur anlero pur nǝ takuli sǝ à yiu a Urǝshalima,

Matiu 4:25

Ɓwabunda pas mǝnana à pur a bu-nzali Galili, andǝ Dekapolis ka, à pu ata Yesu. Aɓea gbal ka à purki arǝ anggea-là Urǝshalima, andǝ mala acili abu-nzali mala amǝ Yahudi andǝ aban mǝnana a nkaring Nggeasala Jodan ngga, kat à o ate.

Markus 1:5

Ɓwabunda pur arǝ acilia ala aɓa nzali Yahudi, andǝ ɓa Urǝshalima aban yiu a sǝne sǝ à nǝ̀ ok hama male. À kǝ bang acauɓikea malea, sǝ Yohana kǝ pakkia wia batisǝma a kun Nggeasala Jodan.

Luka 16:16

Nggurcau mala Musa andǝ amalǝmce mala amǝ'ɓangna mala Ɓakuli ka à nǝ̀ bwalkiyia wun gara ba yiu mala Yohana Mǝbatisǝma. Lo arǝ abaku mǝno ka sǝ à camarǝ hamnǝ cau Mǝɓoarne mala Domurǝm mala Ɓakuli, sǝ ko yan ngga kǝ ɓariki kǝrkǝr nǝ kutio kam.

Luka 3:3

Yohana ka kutio arǝ ala mǝnana a kun Nggeasala Jodan ngga, kǝ hamnǝ cau ama, “Wu pwanzali, wu ɗeki bu wun arǝ acauɓikea ma'wun, ɓǝa pakka wun batisǝma, ace mǝnana Ɓakuli ɓǝ̀ twala wun ban acauɓikea ma'wun ngga.”

Luka 3:7

Yohana ne aɓwabunda mǝnana à kǝ yiu abani ɓǝ̀ pakkia wia batisǝma ka ama, “Wun amuna baffu, yan sangsǝ kir wun ama ɓǝ̀ wu ɓanggi nggea bumlulla mala Ɓakuli mǝnana kǝ yiu ka?

Yohana 3:23

Yohana gbal ka nda aban pak batisǝma a Ainon mǝnana aban Salim ngga, acemǝnana mur na abanì kpǝm. Ɓwapǝndǝa camarǝ yiu abani, sǝ kǝ pakkia wia batisǝma.

Yohana 5:35

Yohana ka nda kǝla pitǝla mana kǝ earke sǝ kǝ ta ka, sǝ wun ngga wu eare wu nǝ̀ pak banɓoarnado zuku arǝ tǎlaban male.