Matiu 3:2 - Maləmce Məfele mala Ɓakuli: Kurcau Məbəshe

² kǝ na ama, “Wu pwanzali wu pǝlǝ nzǝm wun arǝ acauɓikea ma'wun, ace mǝnana Domurǝm mala kuli gbashina.”

Matiu 3:2 ပူးပေါင်းရင်းမြစ်များ

Matiu 10:7

Ká ma'wun ngga, kǝ cau mǝnia ka nda wu nǝ̀ hamnǝi ka: “Domurǝm mala kuli gbashina.”

Matiu 11:20

Yesu kutia naki acau nǝ bumkiɗikea amur ala mana kya pakki agir-ndali kam kuti acili aban kat ka, acemǝnana à ɓinǝ pwanzali ɓǝa nying acauɓikea malea ka. Na ama:

Matiu 12:41

A pwari ɓashi ka amǝ Nineva nǝ̀ lo à nǝ̀ mak wun amǝ nza mǝnia. Acemǝnana à nying acauɓikea malea lang à oangna hama mala Yunana ka, sǝ ɓwa mǝnana kuti Yunana ka ndakani.

Matiu 13:11

Yesu earia wia ama: Surǝ gir-ɓasǝmbǝra mala Domurǝm mala kuli ka à pana wuni, sǝ yia ka à pea wia ɗang.

Matiu 13:24

Yesu nea wia ɓe kanicau ɗǝm ama: À nǝ̀ kànì Domurǝm mala kuli arǝ ɓeɓwa mǝnana ɓeal mǝsǝɓeale mǝɓoarne a ɓaban male ka.

Matiu 13:31

Yesu banggia wia ɓe kanicau ɗǝm ama: À nǝ̀ kànì Domurǝm mana a kuli ka arǝ mǝsǝ musta, mǝnana ɓeɓwa twali sǝ ɓeali a ɓaban male ka.

Matiu 13:33

Nea wia ɓe kanicau ɗǝm ama: Domurǝm mala kuli ka nda kǝla yist mǝnana ɓe mɓwama twali sǝ sùrǝì andǝ muku tasau tārú, sǝ yi aki ɓa muku tsǝi vwali.

Matiu 13:47

Ɗǝm ngga, Domurǝm mana a kuli ka nda kǝla ndámbú mǝgule mǝnana à turi a nggeamur sǝ bwal koya ulang nji kat ka.

Matiu 13:52

Pǝlǝa nea wia ama “Ace mani ka, mǝ'eaulǝki Nggurcau mala Musa mǝnana à kani wi gir, kum kwar rǝǔ ace Domurǝm mala kuli ka, nda kǝla mǝtala-ɓala mǝnana kǝ pusǝ gǝna mǝbǝshe andǝ amǝ'e aɓa bah male ka.”

Matiu 18:23

Ace cau mǝnia ka à nǝ̀ kànì Domurǝm mala kuli arǝ ɓe murǝm mǝnana earce nǝ̀ bǝlki kusǝ agǝna male mǝnana a bu amǝ'turo-ɓala male ka.

Matiu 20:1

Yesu lidǝmbǝa nǝ kanigir male ama: À nǝ̀ kànì Domurǝm mala kuli arǝ ɓe mǝtala ɓaban mǝnana pur nǝ dǝmbari ɗiɗyal ace alta amǝturo ɓǝa kya pakki wi turo a ɓaban male ka.

Matiu 22:2

Domurǝm mala Ɓakuli ka à nǝ̀ kànì arǝ pakiɗire mana ɓe murǝm tunǝo ace isǝ mālá muni ka.

Matiu 23:13

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

Matiu 25:1

A baku mǝno ka à nǝ̀ kànì Domurǝm mala kuli arǝ ansarina lum mǝnana à twal apitǝla malea sǝ à puro à nǝ̀ ká kullímúr bura-manfela ka.

Matiu 25:14

Sǝ ɗǝm ngga Domurǝm mala kuli ka nǝ̀ yia pa kǝla ɓeɓwa mana lo nǝ̀ oa bǝri ka, tunǝ amǝ'turo-ɓala male sǝ nyinggia wia agirkuma male a buia.

Matiu 4:17

Lo a baku mǝno ka Yesu tita hamnǝ cau, kǝ na ama, “Wu pwanzali, wu pǝlǝ nzǝm wun arǝ acauɓikea ma'wun, acemǝnana Domurǝm mala kuli gbashina.”

Matiu 4:23

Yesu gya aɓa nzali Galili kat kǝ kanigir aɓalǝ andakpapi mala amǝ Yahudi, sǝ kǝ hamnǝ Cau Amsǝban mala Domurǝm mala Ɓakuli amur aɓwana. Twalî aɓwana ban ambalang arǝpangŋa andǝ akwano kat.

Matiu 5:10

Aɓwana mǝnana à kǝ pea wia tanni ace cauɓoarna ka, à ndanǝ tsǝkbu mala Ɓakuli, acemǝnana Domurǝm mala kuli ka malea na.

Matiu 5:3

Aɓwana mǝnana à sǝlǝ ama yia ka amǝtǝr na aɓa bangŋo ka, à ndanǝ tsǝkbu mala Ɓakuli, acemana Domurǝm mala kuli ka malea na.

Matiu 6:10

Domurǝm mo ɓǝ̀ yiu. Gir mǝnana a earkiyice ka, ɓǝ̀ sǝm pe a ɓanza, kǝla mǝnana à kǝ pe a kuli ka.

Matiu 6:33

Wu tsǝk alta Domurǝm mala Ɓakuli andǝ pakki agir mǝnana earkiyice ka a dǝmbǝa, sǝ amǝnia yì agir kat ka à nǝ̀ pa wun nia.

Markus 1:15

Kǝ bangŋa ama, “Pwari karǝna! Domurǝm mala Ɓakuli gbashina tu! Wu pwanzali wu ɗeki bu wun arǝ acauɓikea ma'wun, wu earnǝ Cau Amsǝban wu é!”

Markus 1:4

Mǝnia yì mǝturonjar ka nda Yohana Mǝbatisǝma. Puro yiu kǝ hamnǝ Cau Amsǝban aban aɓwana a ɓabondo ama, “Wu pwanzali wu ɗeki bu wun arǝ acauɓikea ma'wun, Ɓakuli nǝ̀ twala wun bania, sǝ dumǝna púp ɓǝa pakka wun batisǝma.”

Markus 6:12

Pǝlǝa alaggane puro, à kǝ hambi aɓwana ama ɓǝa pwanzali ɓǝa ɗeki buia arǝ acauɓikea malea.

Luka 1:16

Nǝ̀ tsǝk amǝ Isǝrayila pas à nǝ̀ nyare aban Mǝtalabangŋo Ɓakuli malea.

Luka 11:20

Sǝ ɓǝ̀ nǝ rǝcandǝa mala Ɓakuli sǝ ǝn nggǝ pusǝ akukwar ka, Domurǝm mala Ɓakuli yina aban wun.

Luka 13:3

Awo! Ən nggǝ na wun, ɓǝ̀ wu nying pakki acauɓikea, wu nyare aban Ɓakuli raka, wu nǝ̀ wú kat gbal.

Luka 13:5

Awo! Ən nggǝ na wun, ɓǝ̀ wu nying pakki acauɓikea wu nyare aban Ɓakuli raka, wu nǝ̀ wú kat gbal.

Luka 15:10

Ən nggǝ na wun ama anggo gbal, bumpwasǝa nakam aban amǝturonjar mala Ɓakuli ace mǝ'cauɓikea mwashat mǝnana ginǝki acauɓikea male, nyare aban Ɓakuli ka.

Luka 15:7

Ən nggǝ na wun ama, anggo gbal a kuli ka bumpwasǝa na kam kǝrkǝr ace mǝ'cauɓikea mwashat mǝnana nying acauɓikea male nyare aban Ɓakuli ka. Mǝno yì bumpwasǝa ka kuti mana ndakam amur amǝ'cauɓoarna mǝnana lumi-tongno-nong-ine nǝ mǝsǝi tongno-nong-ine mana à ɓwarki tanjar raka.

Luka 16:30

Mǝkume ne wi ama, “Awo, Dâ Ibǝrayim, ɓǝ̀ ɓwa lo a ɓembe sǝ wario abania ka, à nǝ̀ pwanzali, à nǝ̀ ɗeki buia arǝ acauɓikea malea.”

Luka 21:31

Anggo gbal, ɓǝ̀ wu sǝnǝna amǝnia yì agir à ndaban pakki ka, wu sǝlǝ ama Domurǝm mala Ɓakuli ka gbashina.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Luka 6:20

Yesu loasǝ mǝsǝì sǝn amǝte sǝ nea wia ama: Wu ndanǝ tsǝkbu mala Ɓakuli wun amǝ'tǝ̀r, acemǝnana Domurǝm mala Ɓakuli ka ma'wun na.

Luka 9:2

Pǝlǝa tasǝia ɓǝa kya hamnǝ ce Domurǝm mala Ɓakuli, sǝ ɓǝa twali aɓwana ban rǝkwana.

Amǝ Mishan 11:18

Lang à nǝ̀ o ana ka, à pànǝ kun nacau ɗǝm ɗang, kara à tita ɓwangsǝki Ɓakuli. À na ama, “Sǝm sǝnǝni ado, Ɓakuli pani aɓwana mǝnana amǝ Yahudi na raka gbal njargula mala pwanzali a mala pǝlǝ nzǝmia arǝ acauɓikea malea, ɓǝa kum yilǝmu!”

Amǝ Mishan 17:30

Adó-ɗwanyi surǝ Ɓakuli mana ɗiɗyal ka, Ɓakuli tsǝk kir cea ɗang, sǝ a dyan ngga, kǝ bangŋa ama tsǝngŋǝna nzongcau, ɓǝa ɓwana kat a koya aban, ɓǝa nying acauɓikea malea, ɓǝa pwanzali abani.

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 20:21

Ən banggi amǝ Yahudi andǝ aɓwana mana amǝ Yahudi na raka, nǝ nunkiru nǝma, dumǝna púp ɓǝa nyare aban Ɓakuli. Ɓǝa pǝlǝ nzǝmia arǝ acauɓikea malea, ɓǝa pwanzali, sǝ ɓǝa paɓamuri aban Mǝtalabangŋo Yesu.

Amǝ Mishan 26:20

A tite ka, ǝn hamnǝ cau a Damaska andǝ Urǝshalima andǝ anzali mala amǝ Yahudi kat. Sǝ ǝn hamnǝi gbal aɓalǝ aɓwana mǝnana amǝ Isǝrayila na raka. Ən nea wia nǝma ɓǝa pǝlǝ nzǝmia arǝ cauɓikea ɓǝa pwanzali, ɓǝa nyare aban Ɓakuli, ɓǝa kǝ pak agir mǝnana nǝ̀ lǝmndǝ ama yia ka à nyingŋǝna acauɓikea malea ka.

Amǝ Mishan 3:19

Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun.

2 Amǝ Korinti 7:10

Ulang bumkiɗikea mǝnana Ɓakuli earkiyice ɓǝ̀ sǝm kutio a ɓalǝi ka, nda mǝnana kǝ tsǝk sǝm, ɓǝ̀ sǝm nying cauɓikea, aban ká kum amsǝban. Ɓǝnsǝlǝma pa kàm aɓa ulang mǝno yì bumkiɗikea ka ɗang. Sǝa ma bumkiɗikea mǝnana mala ɓanza na ka, pǝlǝì cauɓikea nzǝm pa a ɓalǝi ɗang, sǝ kǝ ká nǝ ɓwa a lú.

Amǝ Kolosi 1:13

Acemǝnana amsǝna sǝm aɓata parban mala Shetan, sǝ yina nǝ sǝm aɓa Domurǝm mala Muni mǝnana earkiyi ace raka,

2 Timoti 2:25

Aɓa pê ɓukɓuk ka, kwarkir aɓwana mǝnana à kǝ ɓinǝ earnǝ mǝsǝcau ka. Yakǝla ka, Ɓakuli nǝ̀ nggaɗi ɓabumia, sǝ à nǝ̀ vwaki buia arǝ cauɓikea à nǝ̀ pwanzali, ɓǝ̀ kyan nǝia aɓa surǝ mǝsǝcau.

Amǝ Ibǝru 6:1

Ace mani ka, ɓǝ̀ sǝm ɗeki akanigir mala tita eaulǝki acau amur Kǝrǝsti. Ɓǝ̀ sǝm tùr a dǝmbǝa, ɓǝ̀ sǝm lumsǝ aɓa bwaltagir. Ɓǝ̀ sǝm ngga nyar ɗǝm aban kwakita kusǝɓǎ amur pwanzali andǝ vwaki bu arǝ aturo mǝnana à nǝ̀ kánǝban a lú, andǝ paɓamuru aban Ɓakuli ɗang.

2 Bitǝrus 3:9

Mǝtalabangŋo kǝ dǝndi arǝ lumsǝ pacau male, kǝla mana aɓea ɓwana kǝ twali ka ɗang. Awo, yì ka, ndanǝ munyi ace wun. Eare ama ɓǝ̀ kǝ ɓwa ɓǝ̀ kìɗìkì ɗang. Eare male ka koyan ngga, ɓǝ̀ pwanzali ɓǝ̀ pǝlǝ nzǝmi arǝ acauɓikea male.

Sǝna 2:21

Ən kundǝ a rǝì ɓǝ̀ pwanzali ɓǝ̀ pǝlǝ nzǝmi arǝ acauɓikea male, sǝ eare ama nǝ̀ pǝlǝa nǝ̀ nying kìɗìkì mala nongginǝ rǝarǝu male ɗang.

Sǝna 2:5

Ɗenyi nǝ bancame mo mǝnana a ndakam ɗiɗyal sǝ a yi kpa ka! Pǝlǝ nzǝmo arǝ acauɓikea mo sǝ wu nyare arǝ agir mǝnana a pakkiyi ɗiɗyal atadǝmbe ka. Ɓǝ̀ a pǝlǝ nzǝmo arǝ cauɓikea mo a pwanzali raka, mǝ nǝ yipo, sǝ mǝ nǝ yia twal gir tamsǝ pitǝla mo aban came male.