Matiu 28:18 - Maləmce Məfele mala Ɓakuli: Kurcau Məbəshe

¹⁸ Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Matiu 28:18 ပူးပေါင်းရင်းမြစ်များ

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Matiu 16:28

Ən nggǝ na wun aɓa mǝsǝcau ama, aɓea ɓwana na akani aban came mǝnana à pà nǝ̀ wu ɗang she ɓǝa sǝna yiu mala Muna mala Ɓwa a Domurǝm male ka.

Matiu 26:64

Yesu eare ama, “E, kǝ nda a bang ngga, sǝ ǝn nggǝ bangga wun kat, “ ‘A dǝmbǝa ka wu nǝ̀ sǝn Muna mala Ɓwa dumǝna ata bu-mǝli mala Ɓakuli Mǝtalabangŋo, aban yiu aɓalǝ apǝrɓang a bumkuli.’”

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Yohana 13:3

Yesu sǝlǝna ama Ɓakuli Tarrû pani wi rǝcandǝa amur agir kat, sǝ sǝlǝna gbal ama pur nǝban Ɓakuli, sǝ ndo nǝ̀ nyare nǝ̀ o abani ka.

Yohana 17:2

A panì wi rǝcandǝa amur ɓanza kat, ɓǝ̀ pea aɓwana mǝnana a yinǝia abani ɓǝa duk amǝkpate ka, yilǝmu mǝnana málá male pà kàm raka.

Yohana 3:31

Ɓwa mǝnana pur nǝ kuli ka, nda mǝnana ndanǝ gulo kuti acili aɓwana kat ka. Ɓwa mǝnana ndakani a ɓanza ka, mala ɓanza na, sǝ acau male ka a mala ɓanza na. Sǝ ɓwa mǝnana sulǝ nǝ kuli ka, ndanǝ gulo kuti aɓwana kat.

Yohana 3:35

Ɓakuli earce Muni sǝ nyinggi wi girbunda kat a bui.

Amǝ Mishan 10:36

Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

Amǝ Mishan 2:36

Ace mani ka, aɓwana mala amǝ Isǝrayila kat, ɓǝa sǝlǝa nǝ mǝsǝcau ama, Yesu mǝnana wu gballì amur nggun-gangndi ka, nda ɓwa mǝnana Ɓakuli ci ɓǝ̀ do nda Mǝtalabangŋo, sǝ nda Kǝrǝsti, Mǝ'amsǝban ngga!

Amǝ Roma 14:9

Nda àkǝ̀ ce mǝnia sǝ Kǝrǝsti wú, sǝ lo nǝ yilǝmu, acemǝnana ɓǝ̀ duk Mǝtalabangŋo amur aɓwana mǝnana à wuna ka, andǝ aɓwana mǝnana à ndanǝ yilǝmu ka.

1 Amǝ Korinti 15:27

Acemǝnana Malǝmce bangŋa ama, “Ɓakuli tsǝk girbunda kat a ɓakusǝ Kǝrǝsti.” Sǝ bangŋe mǝno ama, “Girbunda kat” ka, oasǝ Ɓakuli a ɓalǝi ɗang acemǝnana Ɓakuli nǝ nggearǝì na nyesǝkiyi girbunda kat aɓata Kǝrǝsti ka.

Amǝ Kolosi 2:10

Sǝ wun gbal ka, wu lumsǝna ace dotarǝu ma'wun wunǝa Kǝrǝsti, yì ɓwa mǝnana nda amur amǝ'yalmuru andǝ amǝ-gara kat ka.

Amǝ Ibǝru 1:2

Sǝ a masǝlǝata nza man ngga, yi na cau nǝ sǝm, nǝ mburkun Muni, mǝnana twali ɓǝ̀ yì duk mǝliɓala na amur girbunda kat, sǝ nǝ́ yi sǝ pusǝ kuli andǝ nzali ka.

Amǝ Ibǝru 2:8

a cî do amur koya gir a pê ka.” Aɓa tsǝa mǝnana Ɓakuli tsǝk ɓwapǝndǝa ɓǝ̀ do amur agir kat ka, lǝmndǝ ama kǝgir pà kàm mǝnana pà a ɓate raka ɗang. Sǝ ado mǝno ka, sǝm malaká sǝn ko man kat aɓata rǝcandǝa mala ɓwapǝndǝa ɗang.

1 Bitǝrus 3:22

Ado ka, Kǝrǝsti umǝna a kuli, nda a bu-mǝli mala Ɓakuli, sǝ amǝturonjar, andǝ ayalban, andǝ arǝcandǝa kat ka, à nda a ɓate.

Sǝna 11:15

Pǝlǝa tongno-nong-ɓaria mǝturonjar twang njawe male, kara agiu lo kǝrkǝr a kuli à kǝ na ama, “Agara-murǝm mala ɓanza man ngga à nyarǝna aɓa bu Mǝtala sǝm andǝ ɓa bu Kǝrǝsti male. Sǝ domurǝm male ka masǝlǝate pà kàm ɗang!”

Sǝna 17:14

Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 19:16

Arǝ daura male aban byali ka, lullǝu na kam à gilǝì ama: MURƏM MALA AMURƏMA ANDƏ GBANI AMUR AMƏTALA ANZALI.