Matiu 27:4 - Maləmce Məfele mala Ɓakuli: Kurcau Məbəshe

⁴ Nea wia ama, “Ən pangŋǝna cauɓikea, mana ǝn mak ɓwa mǝnana pak ɓe kǝ cauɓikea raka.” À pǝlǝa à ne wi ama, “Man oasǝ sǝm aɓa mǝno ka? Mana ka mona nǝmurǝo.”

Matiu 27:4 ပူးပေါင်းရင်းမြစ်များ

Matiu 27:19

Lang Bilatus na ban do amur buno ɓashi ka, mami turi ban nǝ cau ama, “Pusǝki abuo, nying ɓwa mǝno andǝa kunpwasǝa male, acemǝnana ǝn tanni a lorǝo kǝrkǝr yalung ata cau male.”

Matiu 27:54

Lang ɓwamǝgule mala asoje andǝ asoje mǝno à tamsǝia yal Yesu sǝn dǝurǝo mala nzali andǝ agir mana à pak kat ka, ɓangciu pakkia wia, sǝ à na ama, “Ɓafo, ɓwa man ngga Muna mala Ɓakuli na.”

Luka 23:22

Bilatus nyar tāruia ka nea wia ama, “Ace mana le? Ya cauɓikea na mǝnia yì ɓwa ka pa? Ən kum kǝ mǝɓane mǝnana ɓǝa wal-lui ace ka ɗang. Ace mani ka mǝ nǝ kwe sǝ mǝ nǝ nyi ɓǝ̀ o.”

Luka 23:41

Ma'sǝm ngga à kasǝa sǝm ɓashi amur mǝsǝcau gir mǝnana sǝm pe ka. Sǝ mǝnia yì ɓwa ka pak kǝ mǝɓane ɗang.”

Luka 23:47

Ɓwamǝgule soje sǝn gir mǝnana kum ban ngga, ɓwangsǝ Ɓakuli, na ama, “Ɓafo na, mǝnia yì Ɓwa ka Mǝɓealɓoarna na.”

Yohana 19:7

Pǝlǝa aɓwana-mǝgule mala amǝ Yahudi eari wi ama, “Aɓa nggurcau ma'sǝm ngga, ɓoaro ɓǝ̀ wú, acemǝnana twal ɓamuri ama yì ka, Muna mala Ɓakuli na!”

Amǝ Mishan 13:28

Kat andǝ amani ama à kumi nǝ cauɓikea mana à nǝ̀ wali nǝi raka, à gine, à ne Bilatus ama ɓǝa wal-lui.

Amǝ Roma 3:19

Sǝm sǝlǝna ama gir mǝnana kat Nggurcau na ka, nda aban ne aɓwana mǝnana à nda aɓata Nggurcau ka, ace mǝnana ɓǝ̀ ɓwa ɓǝ̀ kǝa kum kún nacau ɗang, sǝ ɓanza kat ka à nǝ̀ yinǝi a ɓadǝm ɓashi mala Ɓakuli.

1 Timoti 4:2

Amǝnia yì amǝkanigir ka, amǝ'kunɓarina na sǝ amǝnyir na. Ɓabum ɗenyicau mǝɓoarne malea wuna.

Titus 1:16

Amǝnia yia aɓwana ka, à kǝ bang nǝ mburkunia ama à surǝ Ɓakuli, sǝ pakkiagir malea ka lǝmndǝ ama à surǝ Ɓakuli ɗang. Aɓwana na à nǝ̀ ɓinǝia, amǝ ɗwanyi okiru na, à kārǝa à nǝ̀ pak kǝgir mǝɓoarne ɗang.

Amǝ Ibǝru 7:26

Ulang mǝnia yì Pǝris Mǝgule, yì Yesu ka, nda sǝm earkiyice ka. Acemǝnana yì ka, ɓwa mǝfele na, panǝ cau a rǝì ɗang, kǝ pak cauɓikea ɗang, sǝ yì ka, Ɓakuli tarrì ci ɗàng nǝ amǝ'cauɓikea. Adyan ngga, Ɓakuli pani wi gulo amur agir kat a kuli.

1 Bitǝrus 1:19

Nda nǝ nkila mǝɓoarne mala Kǝrǝsti, Mǝgam mala Ɓakuli, mǝnana cauɓikea ko kǝgir mǝɓane pa a rǝì raka.

1 Yohana 3:12

Ɓǝ̀ sǝm ngga pa kǝla Kayinu mǝnana ɓwa mala mǝɓealɓikea na, sǝ wal-lú mǝ'eambǝi Habila ka ɗang. Ace mana ɗe sǝ wal-lui? Nda acemǝnana aturo male ka amǝ ɓike na, sǝ a mala mǝ'eambǝi ka amǝɓoarne na ka.

Sǝna 11:10

Aɓwana a ɓanza ka, ban nǝ ɓoaria wia ace gir mǝnana kum amǝ'nakun mǝnia ɓari ka. À nǝ̀ pakiɗire sǝ à nǝ̀ turia rǝia ban nǝ́ aɓoro acemǝnana yia amǝ'nakun mǝnia ɓari ka, à nda à yinǝia aɓwana a ɓanza tanni mǝɓike kǝrkǝr ka.