Matiu 27:2 - Maləmce Məfele mala Ɓakuli: Kurcau Məbəshe

² À taka bui sǝ à um nǝi aban Bilatus ɓwa Roma, nggwamna mala bu-nzali Yahudi.

Matiu 27:2 ပူးပေါင်းရင်းမြစ်များ

Matiu 20:19

À nǝ̀ tasǝi a bu aɓwana mǝnana amǝ Yahudi na raka mǝnana à nǝ̀ ɓǝsǝki, à nǝ̀ kwe, sǝ à nǝ̀ gballì a nggun-gangndi ka. A tāruia nongŋo ka nǝ̀ lo nǝ yilǝmu!

Matiu 28:14

Ko ɓǝ̀ nggwamna ok ce ka, sǝm nǝ̀ ngga oasǝkì cau a rǝì pà nǝ̀ pakka wun kǝgir ɗang.”

Luka 13:1

A pwari mǝno ka, aɓea ɓwana nakam àkǝ̀ banì, à ne Yesu cau mala amǝ Galili mǝnana à ndarǝ gir'nkila aban Ɓakuli sǝ Bilatus tsǝa à wal-luia ka.

Luka 20:20

Aɓiamǝbura tsǝki wi mǝsǝu, pǝlǝa à tasǝ amǝ'iucau, mǝnana à lǝmndǝa kǝla amǝ'mǝsǝcau na ka. A ɗenyicau malea ka à nǝ̀ bwal Yesu aɓa cau mǝnana pur a kuni ka, sǝ à nǝ̀ ká nǝi a ɓabu mǝtala-nzali, yì nggwamna mala amǝ Roma.

Luka 23:1

Yia kat ka à lo à warinǝ Yesu a ɓadǝm Bilatus.

Luka 23:12

Àkǝ̀ bu-pwari mǝno ka Hirǝdus andǝ Bilatus ka à duk agyajam, acemǝnana ɗiɗyal ka à earki mǝsǝarǝia ɗang.

Luka 3:1

Nda aɓa lum-nong-tongnoea pǝlǝa mala do murǝm mala Kaisar Tiberiya, murǝm mǝgule mala amǝ Roma. Buntu Bilatus nda nggwamna mala bu-nzali Yahudi. Hirǝdus nda murǝm mala bu-nzali Galili, sǝ mǝ'eambǝi Filip nda murǝm mala abu-nzali Ituriya andǝ Tǝrakonitis. Lisaniyas nda murǝm mala bu-nzali Abilini.

Yohana 18:12

Pǝlǝa asoje andǝ mǝsarǝban malea, andǝ amǝ munagara mala amǝ Yahudi, bwal Yesu, sǝ à taka abui.

Yohana 18:24

Anggo, andǝa kǝ tá bu mǝnana à taka abu Yesu ka, sǝ Annas tasǝte aban Kayafas, yì Pǝris Mǝgule.

Yohana 18:28

Nǝ dǝmbari ɗiɗyal ka à pusǝ Yesu a ɓala mala Kayafas, à um nǝi aban mǝgule mala Nggwamna, ɓwa Roma. Sǝ aɓwana-mǝgule mala amǝ Yahudi, mǝnana à tsǝki Yesu cau ate ka, à ɓinǝ kutio aɓa palta mala Nggwamna, acemǝnana ɓǝa kuti ka, à nǝ̀ pǝndǝki ɓamuria, mǝnana nǝ̀ tsǝa à pà nǝ̀ kumo à nǝ̀ li girlina Lamsan Yalimuru raka.

Amǝ Mishan 12:6

Àkǝ̀ bu du mǝnana ɓǝ̀ ban fana ka Hirǝdus nǝ̀ pakki Bitǝrus ɓashi ka, Bitǝrus na ntulo, abuí andǝ akusǝi ka à tākia nǝ ansolo, sǝ nda a nre ka asoje ɓari. Aɓea asoje came à kǝ yal kun ndàkurban.

Amǝ Mishan 21:33

Mǝsarǝban mala asoje yi bwal Bulǝs, bangŋa ama ɓǝa ta abui nǝ ansolo ɓari. Pǝlǝa ɗiban ama, “Yana nda man, sǝ mana ɗe pa?”

Amǝ Mishan 22:25

À kurkina Bulǝs nǝ nggur ama à nǝ̀ kwe. Pǝlǝa ɗi soje mǝgulo mǝnana came abanì ka ama, “Nggearǝì ka, nggurcau mala nzali eara wun ama ɓǝ̀ wu kwak ɓwa nzali Roma mǝnana à malaká ɓashi wi, a kumi nǝ ɓe kǝ cauɓikea raka le?”

Amǝ Mishan 22:29

Kara asoje mǝnana àkǝ̀ earce pe Bulǝs tanni ka, à gbara à pusǝki abuia à nyi. Sǝ mǝsarǝban mala asoje ka, ɓangciu pakki wi lang ongŋǝna ama Bulǝs ka ɓwa Roma na, anzǝm mǝnana tsǝngŋǝna à kùrni ka.

Amǝ Mishan 24:27

Anzǝm mǝnana apǝlǝa ɓari kutina ka, ɓe bǝsa Nggwamna Posiyos Festus yi aki Felis turo do Nggwamna. Sǝ acemǝnana Felis earce pwasǝbum amǝ Yahudi ka, nying Bulǝs a ndàkurban.

Amǝ Mishan 28:20

Nda gir mǝnana tsǝa sǝ ǝn na nǝma ɓǝa tunǝ wun mǝ nǝ na cau nǝ wun ngga. Aɓa mǝsǝcau ka, nda ace gir mǝnana amǝ Isǝrayila tsǝk ɓalǝia a rǝì ka, sǝ à kùrram nǝ ansolo man.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Mishan 4:27

Acemǝnana anggo sǝ Hirǝdus andǝ Buntu Bilatus kpapi kunarǝia aɓa mǝnia yì la ka. À kpapi kunarǝia andǝ aɓwana mǝnana à surǝ Ɓakuli raka, andǝ amǝ Isǝrayila kat, nǝ ɓibura arǝ Yesu, yì guro mo Mǝfele, yì ɓwa mana a ci nda Kǝrǝsti Mǝ'amsǝban ngga.

Amǝ Mishan 9:2

kya zǝmbǝi wi ɓǝ̀ pe wi acautera aban ká aban aɓwana-mǝgule mala andakpapi mala amǝ Yahudi, mana a nggeala Damaska ka. Pa anggo ace mǝnana ɓǝa eari wi, ɓǝ̀ wario sǝ kum koya ɓwa, mana kǝ kwaɗi Njar mala Mǝtalabangŋo, ko aburana ko amamǝna ka, nǝ̀ bwalkia, nǝ̀ tākia abuia nǝ̀ um nǝia a Urǝshalima.

1 Timoti 6:13

Ado ka mǝ nda ban tsǝko nzongcau a ɓadǝm Ɓakuli mǝnana pākiyi ko man ngga yilǝmu, sǝ a ɓadǝm Kǝrǝsti Yesu, mǝnana nakuni pepe a ɓadǝm Buntu Bilatus ka.

2 Timoti 2:9

Sǝ acemǝnana ǝn nggǝ hamnǝ mǝnia yì Cau Amsǝban ngga, mǝ ndya ǝn nggǝ tanni, à kùrram nǝ ansolo kǝla ɓwa mǝnana mǝɓealɓikea na ka. Sǝa ma cau mala Ɓakuli ka, à kùrrì ɗang.

Amǝ Ibǝru 13:3

Wu ɗenyi nǝ aɓwana mǝnana à nda a ndàkurban ngga, kǝla wu ndakam atea, sǝ aɓwana mǝnana à ɓinǝ mǝsǝia, à kǝ pakkia wia mǝɓane ka, wu ɗenyi nǝia kǝla gir nî ka nda rǝ wun.