Matiu 26:61 - Maləmce Məfele mala Ɓakuli: Kurcau Məbəshe

⁶¹ À na ama, “Mǝnia yì ɓwa ka bangŋa ama yì ka, nǝ̀ gandǝ arki Ndàmǝgule mala Ɓakuli sǝ nǝ̀ nyare nǝ̀ ɓè aɓa nongŋo tārú.”

Matiu 26:61 ပူးပေါင်းရင်းမြစ်များ

Matiu 12:24

Sǝ amǝ Farisi ka lang à ok mǝnia yì cau ka à bangŋa ama, pa ɓa ɗang, nǝ rǝcandǝa mala Baalzabul Murǝm mala akukwar sǝ kǝ pusǝki akukwar.

Matiu 26:62

Pǝris mǝgule pǝlǝa lo cam nǝ came sǝ ne Yesu ama, “A panǝ cau mǝnana a nǝ bangŋa amur mǝno yì cau ka re? Mana nda ɓa mǝnia yì cau à kǝ ne a muro ka?”

Matiu 26:71

Pǝlǝa puro a kun palta. Ɓe muna-ɓwama ɗàng sǝni pǝlǝa ne aɓwana mǝnana abani ka ama, “Ɓwa man ngga ɗiɗyal ka nda ata Yesu Ɓwa Nazarat.”

Matiu 27:40

à kǝ na ama, “We ɓwan a nǝ arki Ndàmǝgule mala Ɓakuli sǝ a nǝ ɓè aɓa nongŋo-tārú ka, amsǝ ɓamuro wuni ra. Ɓǝ̀ a nda Muna mala Ɓakuli ka, sulǝî mur nggun-gangndi mana ka.”

Matiu 27:5

Pǝlǝa Yahuda twal boale ka sukki a nzali aɓa Ndàmǝgule mala Ɓakuli, sǝ puro o kya ɗur nggur a myali gyar ɓamur rǝì.

Markus 14:58

“Sǝm oe bangŋa ama, ‘Mǝ nǝ arki Ndàmǝgule mala Ɓakuli mǝnana a ɓe nǝ bu ka, sǝ anzǝm nongŋo tārú ka, mǝ nǝ ɓak ɓe mǝnana à ɓe nǝ bu raka.’ ”

Markus 15:29

Aɓwana, amǝgya kutio kǝ sanggì, à kǝ piki muria, à kǝ na ama, “Kui! We ɓwa mǝnana a nǝ arki Ndàmǝgule mala Ɓakuli, sǝ a nǝ ɓe aɓa nongŋo tārú ka.

Luka 23:2

Pǝlǝa à tita tsǝki wi acau a rǝì ama, “Sǝm kum mǝnia yì ɓwa ka aban soakita aɓwana, ama ɓǝa kǝa pe Kaisar, murǝm mǝgule mala amǝ Roma, boalo-cemi ɗang. Ɗǝm ngga kǝ na ama, yì ka, nda Kǝrǝsti, Mǝ'amsǝban mǝnana Ɓakuli turi ka, sǝ kǝ ne rǝì ama murǝm na.”

Yohana 9:29

Sǝm sǝlǝna ama, Ɓakuli na cau nǝ Musa, sǝ mala ɓwabura mǝno ka, yale sǝm surǝ ban mǝnana pur kam ngga ɗang!”

Amǝ Mishan 17:18

Aɓea amǝ sǝlǝe mala amǝ Epikiuriya andǝ amǝ Stoyik kutia makgir arǝ Bulǝs, acemǝnana Bulǝs nea wia Cau Amsǝban amur Yesu andǝ loapi ɓembe ka. Aɓea aɓwana aɓalǝia à ɗiban ama, “Mana gir ni na mǝ'loasǝban mǝnia kǝ earce ama nǝ̀ na le?” Sǝ aɓea aɓwana atea na ama, “Yì ka, sǝm nggǝ sǝni kǝla nda aban hamnǝ cau amur ankúl mala aɓea nzali.”

Amǝ Mishan 18:13

A na ama, “Ɓwabura man ngga ndaban ɓariki nǝ̀ pwan bum aɓwana ɓǝa kpata Ɓakuli a njar mana nda ɗàng andǝ gir mǝnana nggurcau ma'sǝm na ka!”

Amǝ Mishan 22:22

Ɓwapǝndǝa kwaki kiri, yi bwal ban mǝnana Bulǝs na mǝnia yì cau ka, pǝlǝa à lo loasǝban nǝ giu kpǝm aban na ama, “Wu wali ɓǝ̀ wu! Yì ka, kārǝa ɓǝ̀ dum nǝ yilǝmu ɗang!”