Matiu 26:52 - Maləmce Məfele mala Ɓakuli: Kurcau Məbəshe

⁵² Yesu ne wi ama, “Nyesǝ nggeabyau mo oasǝi a nde, acemǝnana ɓwa kat mana kǝ munǝ nǝ nggeabyau ka, nǝ nggeabyau sǝ à nǝ̀ wali.

Matiu 26:52 ပူးပေါင်းရင်းမြစ်များ

Matiu 5:39

Sǝ mim ngga ǝn nggǝ na wun ama, kǝa nyesǝ mǝɓane a kun mǝɓane mǝnana à pakko ka ɗang. Ɓǝ̀ ɓwa kweo a takiro mǝli ka, pǝlǝi wi ɓe takiro.

Amǝ Roma 12:19

Wun amǝ'eambǝam mǝnana ǝn earkiyicea ka, wu kǝa pak mǝɓane a kun mǝɓane mǝnana à pakka wun ngga ɗang. Wu nyinggi Ɓakuli mbwe tangnakusǝu aɓa ɓashi male. Acemǝnana Mǝtalabangŋo bangŋa aɓa Malǝmce ama, “Mbweban a kuni ka mem na, mǝ nǝ mbwe.”

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

1 Bitǝrus 3:9

Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.

Sǝna 13:10

“Ɓwa mǝnana kat à kasǝi wi bwalban a guro ka, à nǝ̀ bwali nǝ̀ o a guro. Ɓwa mǝnana kat à kasǝi wi wal-lui nǝ nggeabyau ka, nǝ nggeabyau sǝ à nǝ̀ wali.” Mǝnia ka kwarkiru na ace aɓwana amǝ'mǝsǝcau nì mala Ɓakuli, ɓǝa cam kàngkàng sǝ ɓǝa dum nǝ paɓamuru abani aɓa koya tanni ka.

Sǝna 16:6

Yia ka, à sukki nkila mala aɓwana mo amǝfele, andǝ mala amǝ'ɓangna mo. Ace mani ka, a pania wia nkila ɓǝa nu. À nda rǝ kum tangnakusǝia arǝ gir mǝnana karǝ a rǝia ka.”