Matiu 26:5 - Maləmce Məfele mala Ɓakuli: Kurcau Məbəshe

⁵ Pǝlǝa à nea rǝia ama, “Ɓǝ̀ sǝm ká pak gir man a pwari Lamsan Yalimuru ɗang, ɓǝ̀ sǝm pa anggo ka aɓwana nǝ̀ loasǝ munǝo a la.”

Matiu 26:5 ပူးပေါင်းရင်းမြစ်များ

Matiu 14:5

Eare male yì Hirǝdus ka nǝ̀ wal lú Yohana, sǝ ɓangciu pakki wi ama aɓwana nǝ̀ loasǝ munǝo, acemǝnana koyan ngga twal Yohana mǝɓangna mala Ɓakuli na.

Matiu 21:26

Sǝ ɓǝ̀ sǝm bang gbal ama, ‘Pur nǝ ban ɓwapǝndǝa’ ka ɓangciu kǝ pakka sǝm arǝ aɓwana, acemǝnana ɓwapǝndǝa kat sǝlǝna ama Yohana ka mǝɓangna mala Ɓakuli na.”

Matiu 27:24

Lang Bilatus sǝni pà nǝ̀ gandǝ pak kǝgir raka, sǝ ɗǝm ngga aɓwana no à nǝ̀ loasǝ munǝo a kusǝ ce ka, twal mur laki abui a ɓamǝsǝ aɓwabunda. Na ama, “Buam pa ɓa nkila mala mǝnia yì ɓwa ka ɗang. Mana ka ma'wun na!”

Markus 14:12

Nda a pwari mǝnana à tinata Lamsan mala Bǝredi mana Yis pa a rǝì raka, kǝ pwari mǝnana à kasǝkiyi meal mǝgam mala Lamsan Yalimuru nǝi ka. Alaggana mala Yesu ɗi ama, “Aya ban sǝ a kǝ earce ɓǝ̀ sǝm nggea gilǝkio ban ace li girlina Yalimuru?”

Markus 14:2

À eare ama, “Ɓǝ̀ kǝa pa a pwari pakiɗire ɗang, ɓǝ̀ ana raka ɓwapǝndǝa nǝ̀ lo arǝ sǝm.”

Markus 14:27

A njar aban o ka Yesu nea wia ama, “Wun kat wu nǝ̀ ɓangŋa wu nǝ̀ nyem, acemǝnana à gilǝa a muram aɓa Malǝmce ama, “ ‘Ɓakuli nǝ̀ wal yalgir, sǝ anzur ka à nǝ̀ mesǝke.’

Luka 20:6

Sǝ ɓǝ̀ sǝm na ama, ‘Pur nǝ ban ɓwapǝndǝa ka, aɓwana mǝnia kat ka à nǝ̀ ɓukki sǝm, acemǝnana yia ka à earǝna ama Yohana ka mǝɓangna mala Ɓakuli na.’ ”

Luka 22:7

Lang Lamsan mala Bǝredi mana kǝ lo raka tinate, a pwari walki anzur mala Ɗire Yalimuru ka,

Yohana 18:28

Nǝ dǝmbari ɗiɗyal ka à pusǝ Yesu a ɓala mala Kayafas, à um nǝi aban mǝgule mala Nggwamna, ɓwa Roma. Sǝ aɓwana-mǝgule mala amǝ Yahudi, mǝnana à tsǝki Yesu cau ate ka, à ɓinǝ kutio aɓa palta mala Nggwamna, acemǝnana ɓǝa kuti ka, à nǝ̀ pǝndǝki ɓamuria, mǝnana nǝ̀ tsǝa à pà nǝ̀ kumo à nǝ̀ li girlina Lamsan Yalimuru raka.

Amǝ Mishan 19:29

Zuku ka, loasǝban mǝno akinaban, ɓa nggeala kat lo cam nǝ kusǝì. Ɓwabunda nyāri, à pur nǝ mire aban ká a bankpapi mala nggeala. À bwal aburana ɓari, Gayus andǝ Aristakus, aɓi amǝ gya mala Bulǝs, mǝnana à pur a Masǝdoniya sǝ à yiu ka. À nunggia à um nǝia a bankpapi.

Amǝ Mishan 21:38

A nda ɓwa Masar mǝnana mbo lo aɓalǝ apwari mǝno nǝ mgbicau arǝ nggwamnati, pwan amǝ walki-alú á-ine ate nǝ agirmunǝo, um nǝia a ɓabondo ka re?”

Amǝ Mishan 4:28

Sǝ gir mǝnana yia à pak kat ka, nda gir mǝnana we, aɓa rǝcandǝa andǝ kane mo ka, a tsǝa ama anggo sǝ nǝ̀ yia pa.