Matiu 26:41 - Maləmce Məfele mala Ɓakuli: Kurcau Məbəshe

⁴¹ Wu dum nǝ amǝsǝ wun, sǝ wu pak hiwi, ace mǝnana wu kǝa kuti aɓa karǝkiban raka. Bangŋo ma'wun kǝ earce nǝ̀ pak gir mǝɓoarne sǝ nggūrǝu ka pà nǝ́ rǝcandǝa ɗang.”

Matiu 26:41 ပူးပေါင်းရင်းမြစ်များ

Matiu 24:42

Ace mani ka, wu tsǝk kir wun acemǝnana wu surǝ pwari mǝnana Mǝtala wun nǝ̀ yiu nǝi ka ɗang.

Matiu 25:13

Ace mani ka, wu do aɓa tsǝk mǝsǝ wun, acemǝnana wu surǝ pwari ko bu-pwari mala yiu mem ɗang.

Matiu 26:38

Pǝlǝa nea wia ama, “Bumkiɗikea mǝnana a yilǝmem ngga gul kǝrkǝr kǝla nǝ̀ wal luem. Wu duk kani, wu dum nǝ amǝsǝ wun atam.”

Matiu 6:13

Bwala sǝm ɓǝ̀ sǝm kǝa kuti aɓa karǝkiban ɗang, amsǝ sǝm a bu Mǝɓealɓikea. [Domurǝm, andǝ rǝcandǝa, andǝ gulo ka amo na kat, mana masǝlǝate pà kàm raka, Amin.]”

Markus 14:38

Wu dum nǝ mǝsǝ wun, wu pak hiwi, ace mǝnana ɓǝ̀ wu kǝa kutio aɓa karǝkiban ɗang. Bangŋo ka earǝna, sǝ nggūrǝu ka, yauwiki.”

Luka 11:4

Twala sǝm ban acauɓikea ma'sǝm, kǝla mana sǝm gbal ka sǝm nggǝ twali aɓwana mǝnana à kǝ pakka sǝm cauɓikea, banì ka. Kǝa ká nǝ sǝm aɓa karǝkiban ɗang.’ ”

Luka 21:36

Wu dum nǝ mǝsǝ wun ko aya pwari, nǝ́ pak hiwi ace mǝnana ɓǝ̀ wu api amǝnia yì agir mana à mala à nǝ̀ kumban, sǝ ɗǝm ngga ɓǝ̀ wu kum kusǝu came a ɓadǝm Muna mala Ɓwa ka.

Luka 22:40

À kya bwalǝna banì ka, Yesu nea wia ama, “Wu pak hiwi, ace mǝnana ɓǝ̀ wu kǝa kpa aɓa karǝkiban raka.”

Luka 22:46

Pǝlǝa nea wia ama, “Mana tsǝa sǝ wu kutia nong'ntulo? Wu lo, wu pak hiwi, ace mǝnana ɓǝ̀ wu kǝa kpa aɓa karǝkiban ɗang.”

Luka 8:13

Amǝnana amur tali ka, à ndaka aɓwana mǝnana à ok cau ka, à é nǝ bumpwasǝa, sǝ cau kum kutio a ɓabumia ɗang. Paɓamuru malea ka banì sau ɗang, pwari karǝkiban yiu ka kara à kpa.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

1 Amǝ Korinti 10:13

Kǝ karǝkiban pà kàm nǝ̀ kumo mǝnana kǝ kum ɓwapǝndǝa raka. Ɓakuli ka mǝ'ɓwamuru na, pà nǝ̀ eare wu kum karǝkiban mǝnana nǝ̀ kuti rǝcandǝa mo ka ɗang. Sǝ ɓǝ̀ karǝkiban kumo ka, yì ka, nǝ̀ po rǝcandǝa mǝnana a nǝ cambi wi, sǝ nǝ̀ mǝn njargula mana a nǝ puri ɓālǝi ka.

1 Amǝ Korinti 16:13

Wu tsǝk kir wun. Wu tamsǝkusǝ wun kàngkàng aɓa paɓamuru. Wu pak aburana. Wu dum nǝ rǝcandǝa.

1 Amǝ Korinti 9:27

Ən kani nggūrǝam gir, ǝn ci ɓǝ̀ tanni ace mǝnana ɓǝ̀ okam; ǝn nggǝ pa anggo ace mǝnana, anzǝm mana ǝn hamǝni aɓwana Cau Amsǝban ngga, mim nǝ ɓamuram ngga, ɓǝa kǝa ginǝam, à girǝam nǝ tangnakusǝam ɗang.

Amǝ Galati 5:24

Aɓwana mǝnana à mala Kǝrǝsti Yesu na ka, à gballìna ɓealǝu mala ɓwapǝndǝa mǝ'cauɓike andǝ anpel andǝ asuno male, amur nggun-gangndi mala Yesu.

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.

2 Bitǝrus 2:9

Sǝ acemǝnana Ɓakuli pak mǝno ka, yì ka, surǝna njar mana nǝ̀ amsǝna amǝ'ɓealɓoarna nǝi aɓalǝ akárǝkiban malea, sǝ amǝ'ɓealɓikea ka, nǝ̀ cia aɓata tanni, ba pwari mala ɓashi.

Sǝna 16:15

“Wu sǝni, mǝ nǝ yiu aɓa yasǝlǝban kǝla mǝn'i. Tsǝkbu mala Ɓakuli na amur ɓwa mǝnana kat kǝ dum nǝ mǝsǝì aɓa kundǝmuram, sǝ kǝ bwal agir-nggurǝu male pepe, ace mǝnana ɓǝ̀ kǝa ging nǝ ɓate, ɓǝ̀ kum kǝsǝkya a mǝsǝ aɓwana raka!”

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.