Matiu 26:39 - Maləmce Məfele mala Ɓakuli: Kurcau Məbəshe

³⁹ Tùr a dǝmbǝa bǝti ka, kya kumsǝ nǝ ɓamǝsǝi a nzali, pak hiwi ama, “Dâ, ɓǝ̀ a wu nǝ ear ka, twalam mǝnia yì tanni ka. Sǝa ma mani ka gir mǝnana bumo kànì ka nda, mem na ɗang.”

Matiu 26:39 ပူးပေါင်းရင်းမြစ်များ

Matiu 20:22

Yesu nyesǝia wia ama, “Wu surǝ gir mǝnana wu zǝmnggi ka ɗang. Wu nǝ̀ gandǝ nu tanni mǝnana ado mǝ nǝ nu ka le?” À ear ama, “E, sǝm nǝ̀ gandǝi.”

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 26:42

Nyar ɗǝm o kya pak ɓaria hiwi ama, “Dâ, ɓǝ̀ mǝnia yì tanni ka a pà nǝ́ twalami raka, she ɓǝ̀ ǝn nuni ka, kànì mo ɓǝ̀ pa.”

Markus 13:22

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ purkio, à nǝ̀ pakki agir-lǝmndǝa andǝ agir-ndǝlǝki ɗàngɗáng, ace ɓosǝki aɓwana mǝnana Ɓakuli tarkia ka, ɓǝa à nǝ̀ gandǝi ka.

Luka 17:16

Yi kpa a ɓadǝm Yesu aban pakki wi yàwá. Sǝ yì ka, ɓwa Samariya na.

Yohana 11:41

Pǝlǝa aɓea ɓwana mǝnana abanì ka à gǝshi talî. Yesu loasǝ mǝsǝì a kuli sǝ na ama, “We Dâ, ǝn pakko yàwá mǝnana a ongŋǝnam ngga.

Yohana 14:31

Mǝ nǝ pak gir mǝnana Tárram banggam ɓǝ̀ ǝn pak ka, ace mǝnana ko yan a ɓanza ka ɓǝ̀ sǝlǝ ama ǝn nggǝ earce Tárram. Wu lo, ɓǝ̀ sǝm o.

Yohana 18:11

Yesu banggi Bitǝrus ama, “Nyesǝ nggeabyau mo oasǝi a nde! A kǝ sǝni kǝla pa mǝ nǝ nu kwap mala tanni mǝnana Tárram pam ama ɓǝn nu ka re?”

Yohana 5:19

Yesu earia wia ama: Ən nggǝ na wun mǝsǝcau, pà mǝ nǝ pak kǝgir aɓa ɓamuram ɗang. Kǝ gir mǝnana ǝn sǝn Tárram Ɓakuli pak ka, nda ǝn pakkiyi ka. Gir mǝnana kat Tárram pak ka, nda mana ǝn pakkiyi ka.

Yohana 5:30

Pa mǝ nǝ pak ɓe kǝgir aɓa rǝcandǝa mem ɗang. Ən nggǝ pak ɓashi mem à pě mǝnana Ɓakuli banggam ɓǝn nggǝ pe ka. Ace mani ka, ɓashi mem na amur njari, acemǝnana ǝn pa aban ɓariki mǝ nǝ pak gir mǝnana ǝn earkiyice ka ɗang. Kǝ nggearǝ mǝsǝrǝ gir mǝnana Tárram mana turam ngga earkiyi ce ka, nda ǝn nggǝ pe ka.

Yohana 6:38

“Ən sulǝ nǝ kuli ace pak gir ɓamuram ɗang, ǝn yiu ace pak turo mala Tárram mǝnana tasǝam ngga.

Amǝ Mishan 10:25

Lang Bitǝrus nǝ̀ kutio a ɓala ani ka, Karnilus kara lo kya kpa kūndǝo a ɓadǝmbǝi, aban pe wi gulo.

Amǝ Filipi 2:8

Sǝ lang pusǝna rǝì kǝla ɓwapǝndǝa aɓa nggūrǝu ka, yi nongsǝ muri kǝ oki Ɓakuli kiru ba lú, nggearǝ lú mana amur nggun-gangndi ka!

Amǝ Ibǝru 5:7

Arǝ abaku mǝnana Yesu na akani a ɓanza ka, pakki ahiwi andǝ azǝmba, loasǝ gi ɓua kǝrkǝr nǝ mǝrǝm, aban ká aban ɓwa mǝnana nǝ̀ gandǝ amsǝi a bu lú ka. Ɓakuli pǝlǝa ok ahiwi male, ace pagulo male aban Ɓakuli.

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”