Matiu 26:34 - Maləmce Məfele mala Ɓakuli: Kurcau Məbəshe

³⁴ Yesu nyesǝi wi ama, “Mǝsǝcau, ǝn nggǝ banggo àkǝ̀ bu dù mǝnia ka, kaniama nggǔ nǝ̀ ɓua ka a wu nǝ tǝmcem kusǝ tārú.”

Matiu 26:34 ပူးပေါင်းရင်းမြစ်များ

Matiu 26:33

Bitǝrus eari wi ama, “Ko ɓǝ̀ aɓwana kat ɓangŋa à ɗekio ka, mim ngga pà mǝ nǝ ɓang ɗang.”

Matiu 26:75

Nda ɓalǝ Bitǝrus kasǝa arǝ cau mǝnana Yesu banggi wi ka ama, “Kaniama nggǔ nǝ ɓua ka, a nǝ na kusǝ tārú ama a surǝam ɗang.” Pǝlǝa puro a nza kya ɓua, ɓua mǝkwanbanì.

Markus 14:72

Banì sau ɗang, nggu ɓua ɓaria kuni. Kara ɓalǝ Bitǝrus kasǝ arǝ cau mǝnana Yesu ne wi ama, “Kaniama ɓǝ̀ nggu ɓua kuni ɓari ka, a nǝ bang kusǝ tārú ama a surǝam ɗang.” Sǝ Bitǝrus kpa ɓua.

Luka 22:34

Yesu pǝlǝi wi ama, “Ən nggǝ no we Bitǝrus, yalung mǝnia ka kaniama nggu nǝ̀ ɓua ka, a nǝ tǝmcem kusǝ tārú ama a surǝam ɗang!”

Luka 22:61

Mǝtalabangŋo pǝlǝ mǝsǝì sǝn Bitǝrus. Ɓalǝ Bitǝrus kasǝa arǝ cau mǝnana Mǝtalabangŋo ne wi ama: “Kaniama nggu nǝ̀ ɓua a bu du man yalung ngga, a nǝ tǝmce surǝam kusǝ tārú.”

Yohana 13:38

Yesu ear ama, “A na ama a nǝ pa yilǝmio, a nǝ wu acem ɓafo? Mǝ nda ban banggo mǝsǝcau, kaniama nggǔ nǝ̀ ɓua ka, a nǝ makgirem kusǝ tārú ama a surǝam ɗang.”