Matiu 26:24 - Maləmce Məfele mala Ɓakuli: Kurcau Məbəshe

²⁴ Muna mala Ɓwa ka nǝ̀ wú kǝla mǝnana à gilǝì amuri ka. Sǝa ma caukwanban na nǝ ɓwa mana nǝ̀ mak Muna mala Ɓwa ka! Kǝpǝna mǝnia yì ɓwa ka à ɓǝli raka.”

Matiu 26:24 ပူးပေါင်းရင်းမြစ်များ

Matiu 18:7

Caukwanban na nǝ ɓanza ace agir mǝnana à kǝ tsǝk aɓwana ɓǝa pak cauɓikea ka! Agir tamban ngga à nǝ̀ yiu púp. Sǝa ma caukwanban na nǝ ɓwa mǝnana à kǝ pur nǝbani ka!

Matiu 26:31

Lang à nda amur nkono Olif ka, Yesu pǝlǝa ne alaggana male ama, “A ɓa dù man yalung ngga, wun kat wu nǝ̀ mǝsǝe, wu nǝ̀ ɗekiam. Mǝnia ka nda acemǝnana aɓa Malǝmce ka Ɓakuli bangŋa ama: “ ‘Mǝ nǝ wal yalgir, sǝ anzur mana a domwan ngga à nǝ̀ mesǝke.’

Matiu 26:54

Sǝ ɓǝ̀ ǝn pa anggo ka, lang sǝ cau mǝnana Malǝmce mala Ɓakuli bangŋi ama nǝ̀ pa ana ka nǝ̀ lumsǝo?”

Matiu 26:56

Sǝ mǝnia kat ka pâ ace lumsǝ cau mǝnana amǝ'ɓangna mala Ɓakuli gilǝa a Malǝmce male ka.” Nda alaggana male kat ɓangŋa à ɗeki nǝmurǝì ka.

Markus 14:21

Muna mala Ɓwa ka nǝ̀ wu púp, kǝla mana à gilǝì amuri aɓa Malǝmce ka. Sǝa ma, caukwanban na nǝ ɓwa mǝnana nǝ̀ mak Muna mala Ɓwa ka! Nǝ̀ ɓoaribanì, yi mǝnana mǝnia yì ɓwa ka à ɓǝli raka!”

Markus 9:12

Yesu earia wia ama, “E, Iliya nǝ̀ yiu a dǝmbǝa, nǝ̀ yia gilǝki agir kat ɓǝa duk pepe. Sǝ Malǝmce ka, na gbal mbo ama, Muna mala Ɓwa ka nǝ̀ tanni kǝrkǝr sǝ à nǝ̀ ginǝi?

Luka 22:22

Lú mala Muna mala Ɓwa ka nǝ̀ pa kǝla mǝnana Ɓakuli kani ka, sǝ caukwanban na nǝ ɓwa mǝnana me ka!”

Luka 24:46

Nyare nea wia ama, “Mǝnia ka nda gir mǝnana à gilǝ ka: Kǝrǝsti Mǝ'amsǝban, nǝ̀ nu tanni, nǝ̀ wu, sǝ nǝ̀ loapi ɓembe nǝ yilǝmu, a tāruia pwari.

Yohana 17:12

A do mem sǝnǝia ka, ǝn yalia, sǝ ǝn bwalia nǝ rǝcandǝa mala lùllǝo mǝnana a pam ngga. Kǝ ɓe ɓwàr atea ɗang, she kǝ yì ɓwa mǝnana dupi ká kìɗìkì ka, acemǝnana cau mo mana à gilǝì aɓa Malǝmce ka, ɓǝ̀ lumsǝo.

Yohana 19:24

Pǝlǝa à nea rǝia ama, “Ɓǝ̀ sǝm ngga na ama sǝm nǝ̀ sanggi daura man ɗang, a kun mani ka ɓǝ̀ sǝm kocàca amuri, ɓwa mǝnana li ka ɓǝ̀ twali.” Mǝnia yì gir ka yi pa anggo ace mǝnana ɓǝ̀ lumsǝ cau mala Ɓakuli mǝnana bangŋa ama, “À gakia rǝia adaura mem sǝ à kocàca ace nggea-daura mem.” Mǝnia ka nda gir mǝnana asoje pe ka.

Yohana 19:28

Yesu sǝlǝna ama ado ka agir mǝnana kat Ɓakuli turi ɓǝ̀ yi pea ka, malǝna pea, sǝ ace mǝnana ɓǝ̀ cau mala Malǝmce mala Ɓakuli ɓǝ̀ lumsǝ ka, bangŋa ama, “Ən nggǝ ok mǝsamur.”

Amǝ Mishan 2:23

Ɓakuli surǝna rǝ gir mǝnana nǝ̀ kumban ngga, sǝ nǝ kani male, sǝ wu mak Yesu aban aɓwana mǝnana amǝ Yahudi na raka, amǝ ɗwanyi kpata Nggurcau, mǝnana à yì gballì amur nggun-gangndi, à wal-lui ka.

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 4:28

Sǝ gir mǝnana yia à pak kat ka, nda gir mǝnana we, aɓa rǝcandǝa andǝ kane mo ka, a tsǝa ama anggo sǝ nǝ̀ yia pa.

1 Amǝ Korinti 15:3

Ən pana wun gir mǝnana kutibanì kat ka, yì gir mǝnana à pami gbal ka ama: Kǝrǝsti wu ace acauɓikea ma'sǝm, kǝla mana Malǝmce na ka.