Matiu 26:18 - Maləmce Məfele mala Ɓakuli: Kurcau Məbəshe

¹⁸ Pǝlǝa nea wia ama, “Wu kya ɓa nggeala aban ɓeɓwa na kam, wu ne wi ama, ‘Malǝm ama pwari mana Ɓakuli tsǝki wi ka gbashina, nǝ̀ li girlina Lamsan Yalimuru a ɓala mo andǝ alaggana male.’ ”

Matiu 26:18 ပူးပေါင်းရင်းမြစ်များ

Matiu 21:3

Ɓǝ̀ kǝɓwa na wun kǝ cau ka, wu ne wi ama, Mǝtalabangŋo kǝ earcea. Nǝ̀ ɗekia wunia tu.”

Matiu 23:10

Sǝ ɓǝa kǝa tunǝ wun gbal ama “Ɓwamǝgule” ɗang acemǝnana kǝ ɓwamǝgule ma'wun nda Kǝrǝsti.

Matiu 23:8

Wu kǝa eare ɓǝa tunǝ wun ama “Malǝm” ɗang. Wu ndaka amǝ'eamrǝarǝu kat. Malǝm ma'wun ngga nda mwashat ɓǝrɓǝr.

Matiu 26:19

Alaggana mala Yesu o à kya pa kǝla mana banggia wia ka, à kya lam girlina Lamsan Yalimuru.

Matiu 26:2

“Wu sǝlǝna ama ueo nongŋo ɓari sǝ Lamsan Yalimuru nǝ̀ tite. Aɓalǝ amǝno yia apwari mala Lamsan ngga sǝ ɓeɓwa nǝ̀ ngga mak Muna mala Ɓwa, a bu aɓimǝbura, sǝ à nǝ̀ ngga gballì a nggun-gangndi.”

Matiu 26:49

Yahuda gya yi kútí kporong aban Yesu, ne wi ama, “Malǝm, ǝn nggǝ makko kun.” Pǝlǝa yi mǝn abui kùr Yesu zǝp.

Markus 5:35

Kun Yesu malaká pwal ɗang, aɓea ɓwana mǝnana à pur nǝ ɓala mala Jarus, ɓwamǝgule mala ndakpapi ka, à nǝ̀ yia tusǝo. À yì ne wi ama, “Munio pangŋǝna lú, kǝa pe Malǝm tanni ɓa ɗang.”

Luka 22:53

Ko aya pwari ka mǝ nda ata wun aɓa Ndàmǝgule mala Ɓakuli, sǝ wu loasǝ kun wun a rǝam ɗang. Sǝ bu-pwari man she ka ma'wun na, andǝ mala rǝcandǝa mala pǝndǝa.”

Yohana 11:28

Marta pǝlǝa nyare kya tunǝ mǝ'eambǝi Maryamu a giriban, sǝ ne wi ama, “Malǝm yina, sǝ kǝ earce sǝno.”

Yohana 12:23

Yesu nyesǝia wia ama: Ado ka pwarî yina, yì mǝnana Ɓakuli nǝ̀ lǝmndǝ gulo mala Muna mala Ɓwa ka.

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 17:1

Anzǝm mǝnana Yesu malǝna naki acau mǝnia ka, pǝlǝa loasǝ mǝsǝì a kuli, sǝ pak hiwi ama: Dâ, adyan ngga bu-pwarî yina. Gusǝlǝ Munio ace mǝnana ɓǝ̀ Munio po gulo mo ka.

Yohana 20:16

Pǝlǝa Yesu tunǝi nǝ lullǝi ama, “Maryamu!” Pǝlǝa pǝlǝ rǝì abani sǝ na ama, “Rabbonai!” (Mǝnia nǝ kun Ibǝru ka nda “Malǝm.”)

Yohana 7:30

Lang Yesu bangŋǝna cau man anggo ka, aɓwana-mǝgule mala amǝ Yahudi ɓariki ama à nǝ̀ bwali, sǝ kǝɓwa tsǝk bu a rǝì ɗang, acemǝnana pwari male malaká pak ɗang.

Yohana 7:6

Pǝlǝa Yesu nea wia ama, “Pwari mem mǝnana mǝ nǝ pur nǝi a banfana ka, malaká karǝ peatu ɗang, sǝ ma'wun ngga koya pwari ka ma'wun na.

Yohana 7:8

Wu kyane. Mim ngga pà mǝ nǝ ká ado ɗang, acemǝnana pwari mem malaká karǝ ɗang.”