Matiu 26:13 - Maləmce Məfele mala Ɓakuli: Kurcau Məbəshe

¹³ Ɓafo ǝn nggǝ bangga wun, ko a ya ban aɓa ɓanza kat à nǝ̀ hamnǝ Cau Amsǝban man kam ngga, à nǝ̀ bang ce gir mǝnia mɓwama man pe ka, ace ɗenyi nǝi.

Matiu 26:13 ပူးပေါင်းရင်းမြစ်များ

Matiu 24:14

À nǝ̀ hamnǝ Cau Amsǝban mala Domurǝm mala kuli, ace mǝnana aɓwana kat a ɓanza ka ɓǝa o. A nzǝm mǝno ka sǝ masǝlǝata ɓanza nǝ̀ yiu.

Matiu 28:19

Ace mǝno ka, wu kyane aban ɓwapǝndǝa arǝ anzali kat, wu yinǝia ɓǝa pǝlǝ amǝkpatam. Wu pakkia wia batisǝma aɓa lullǝ Ɓakuli Tarrû, andǝ mala Muni, andǝ mala Bangŋo Mǝfele.

Markus 13:10

Sǝ Cau Amsǝban ngga, nda gir mana dumǝna púp à nǝ̀ hamnǝi atadǝmbe arǝ anzali kat ka.

Markus 14:9

Ɓafo, ǝn nggǝ bangga wun, ɓǝ̀ aya ban a ɓanza kat mǝnana à nǝ̀ hamnǝ Cau Amsǝban nggam ngga, gir mǝnana mǝnia yì mɓwama pe ka, à nǝ̀ ɗenyi nǝi, à nǝ̀ na ce.

Markus 16:15

Pǝlǝa nea wia ama: Wu kyane aɓa ɓanza kat, wu hamnǝ Cau Amsǝban aban ɓwapǝndǝa kat.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Amǝ Mishan 10:4

Yì ka, pǝlǝ mǝsǝì aban mǝturonjar nǝ rǝɓǝla, sǝ ɗiban ama, “Mana gir ni na, Ɓwamǝgule?” Mǝturonjar ne wi ama, “Ahiwi mo andǝ aɓoro mo mǝnana a kǝ pe amǝtǝr ka, Ɓakuli angŋǝnia.

Amǝ Roma 10:18

Sǝ ǝn ɗiban nǝma: nggearǝì ka, à ok ce re? E, à ongŋa. Malǝmce ka bang ama: “Cau ka angŋǝna ɓanza kat, acau malea kutikina arǝ aban, kya bwal masǝlǝata ɓanza.”

Amǝ Roma 15:19

Amur mǝno ka, mǝ nǝ nggori nǝ agir-ndǝlǝki andǝ agir-gyambǝliban mǝnana Kǝrǝsti pea aɓa rǝcandǝa mala Bangŋo mala Ɓakuli ka. Anggo sǝ ǝn hamnǝ Cau Amsǝban mala Kǝrǝsti pupup aɓa gya mem kat, twal a Urǝshalima kya bwal a Ilirikum.

2 Amǝ Korinti 10:18

Acemǝnana ɓwa mana ɓwangsǝ ɓamuri ka nda à nǝ̀ earnǝi ka ɗang, she ɓwa mǝnana Mǝtalabangŋo ɓwangsǝi ka.

Amǝ Kolosi 1:23

Sǝa ma dumǝna púp wu nǝ̀ lidǝmbǝa nǝ earnǝ mǝno yì mǝsǝcau ka, andǝ tamsǝ kusǝ wun kàngkàng amuri. Wu kǝa tusǝ kusǝ wun arǝ tsǝkɓalǝu mǝnana wu oe aɓa Cau Amsǝban ngga ɗang. Mǝnia yì Cau Amsǝban ngga à hamǝna nǝi a koya bum-ban a ɓanza, sǝ àkǝ̀ ce sǝ mim Bulǝs ka, ǝn duk guro mala Ɓakuli, ace hamnǝi.

Amǝ Kolosi 1:6

mana à yinanǝi aban wun ngga. Mǝnia yì Cau Amsǝban ngga, nda ban mǝsǝe a ɓanza kat. Nda ban pusǝ ɓealǝu a koya ban, kǝ nggaɗi do mala aɓwana kǝla mǝnana nggaɗi do ma'wun, a pwari mǝnana wu tita o sǝ wu bwalta mǝsǝcau amur ɓwamuru mala Ɓakuli ka.

1 Timoti 2:6

mǝnana pa yilǝmi, ace akmúr ɓwapǝndǝa kat ka. Mǝnia yì cau ka à yì pe ɓanza a kārǝa mala pwari ama Ɓakuli ka earǝna ce ama aɓwana kat ɓǝa kum amsǝban.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

Sǝna 14:6

Pǝlǝa ǝn sǝn ɓe mǝturonjar mala Ɓakuli aban yale ɓong-ɓong a bumkuli. Ndarǝ yiu nǝ Cau Amsǝban mǝnana masǝlǝate pà kàm raka, ace mǝnana nǝ̀ yia hamnǝi aban aɓwana a ɓanza, aban koya nzali, andǝ tau, andǝ kun, andǝ ɓwapǝndǝa ka.