Matiu 26:11 - Maləmce Məfele mala Ɓakuli: Kurcau Məbəshe

¹¹ Wu nda atarǝ wun wunǝ amǝtǝr ko a ya pwari ka, sǝ mim ngga pa mǝ nǝ pa ata wun ko a ya pwari ka ɗang.

Matiu 26:11 ပူးပေါင်းရင်းမြစ်များ

Matiu 18:20

Ɓǝ̀ aya ban sǝ aɓwana ɓari ko tārú kpapi aɓa lullǝam ngga, Mǝ nda aɓalǝia.

Matiu 26:10

Yesu sǝlǝnia cau mǝno kat pǝlǝa nea wia ama: Palang sǝ wu kǝ zurǝi bum mɓwama man? Yì ka, pangŋǝnam gir mana mǝɓoarne na ka.

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Markus 14:7

Wu nda a tarǝ wun wunǝ amǝtǝr pwari-pwari. Wu nǝ̀ gandǝ pakkia wia pepe ko aya pwari bum wun kànì ka. Sǝ mim ngga, pà wu nǝ̀ kumam ko aya pwari ka ɗang.

Yohana 12:8

Wun ngga, wu nda a tarǝ wun wunǝ amǝtǝr ko aya pwari ka, sǝ mim ngga ǝn pa ata wun koya pwari ɗang.”

Yohana 13:33

Wun amunem, mǝ nda mǝ nǝ do ata wun zuku. Wu nǝ̀ altam, sǝ kǝla mǝnana ǝn banggi aɓwana-mǝgule mala amǝ Yahudi ka, ban mǝnana ǝn kákiyi kam ngga, pa wu nǝ̀ gandǝ ká kam ɗang.

Yohana 14:19

Banì pà nǝ̀ sau ɗang, ɓanza pà nǝ̀ sǝnam ɗǝm ɗang, sǝ wun ngga wu nǝ̀ sǝnam. Sǝ acemǝnana mǝ ndanǝ yilǝmu ka, wun gbal ka wu nǝ̀ dum nǝ yilǝmu.

Yohana 16:28

Ən pur aban Tárram sǝ ǝn yiu a ɓanza, sǝ ado ka, mǝ ndo mǝ nǝ nying ɓanza mǝ nǝ nyar aban Tárram.

Yohana 16:5

Ado ka, mǝ ndo mǝ nǝ nyare aban Tárram mǝnana tasǝam ngga, sǝ kǝɓwa aɓalǝ wun ɗiem ban mǝnana mǝ nǝ ká kam ngga ɗang.

Yohana 17:11

Ado ka mǝ ndo mǝ nǝ nying ɓanza, mǝ nǝ nyare abano, sǝ yia ka à ndakani a ɓanza piu. Dâ Ɓakuli Mǝfele! Yalia, nǝ rǝcandǝa mala lullǝo mǝnana a pam ngga, acemǝnana yia ka ɓǝa duk mwashat kǝla mǝnana sǝm nda mwashat sǝnǝ we ka.

Amǝ Mishan 3:21

Dumǝna púp ama Yesu ka nǝ̀ ueo kano a kuli, ba pwari mǝnana Ɓakuli nǝ̀ nyesǝ agir kat ɓǝa pǝlǝ bǝshe, kǝla mǝnana bangce nǝ kun amǝ'ɓangna male amǝfele a pwaryan ngga.

Amǝ Galati 2:10

Kǝ cau mǝnana à tsǝka sǝm a kir sǝm ngga nda mǝnana ama ɓǝ̀ sǝm nggǝ tsǝkir amǝtǝr, sǝ mǝno ka, nda kǝgir mǝnana mǝ ndanǝ bumpina ace ka.

1 Yohana 3:17

Ɓǝ̀ kǝɓwa nanǝ agirkuma mala ɓanza man, sǝ sǝn mǝ'eambǝi aɓa tǝle, sǝ ɓinǝ sǝn mǝsǝswatǝr male ka, lang sǝ earcearǝu mala Ɓakuli nǝ̀ pa a ɓabum mǝnia yì ɓwa ka?