Matiu 26:10 - Maləmce Məfele mala Ɓakuli: Kurcau Məbəshe

¹⁰ Yesu sǝlǝnia cau mǝno kat pǝlǝa nea wia ama: Palang sǝ wu kǝ zurǝi bum mɓwama man? Yì ka, pangŋǝnam gir mana mǝɓoarne na ka.

Matiu 26:10 ပူးပေါင်းရင်းမြစ်များ

Matiu 26:11

Wu nda atarǝ wun wunǝ amǝtǝr ko a ya pwari ka, sǝ mim ngga pa mǝ nǝ pa ata wun ko a ya pwari ka ɗang.

Matiu 26:9

Ɓoaro male ka ɓǝa mangŋǝni amur boalo mǝgule, sǝ boale ka à nǝ̀ pe amǝtǝr.”

Markus 14:6

Sǝ Yesu ka na ama: Wu ɗeki mɓwama man ɗǝong. Ace mana sǝ wu kǝ peki le? Yì ka, pangŋǝnam gir mǝɓoarne.

Luka 8:49

Yesu na arǝ na cau piu ka, ɓeɓwa pur nǝ ɓala mala Jarus, yì ɓwamǝgule mala Ndakpapi. Yi ne Jarus ama, “Ɓoarnsarileo pangŋǝna lú. Kǝa pe Malǝm tanni ɓà ɗang.”

2 Amǝ Korinti 9:8

Ɓakuli nǝ pa wun gir mǝnana kuti mana kat wu alkiyite ka, ace mǝnana a koya pwari ka, wu nǝ̀ pang nǝ gir mǝnana kat wu earkiyice ace ɓamur rǝ wun ngga, nǝ ɓe kam kpǝm amuri ace pak ko ya turo mǝɓoarne ka.

Amǝ Galati 1:7

Wu nda ban kpata ɓe “cau amsǝban” mǝnana a mǝsǝ sǝm ngga, kǝ cau amsǝban na raka. Aɓea aɓwana na, à kǝ earce zurǝì mur wun, à nǝ̀ ɓosǝki ta Cau Amsǝban mala Kǝrǝsti ka.

Amǝ Galati 5:12

Yale eare mem ngga nggearǝ aɓwana mǝnana à kǝ pa wun tanni, à kǝ zurǝki kusǝ wun nǝ cau mala kasǝ-ɓatau ka, ɓǝa jamsǝ ɓamuria, ɓǝa duk abaran nǝ yia.

Amǝ Galati 6:17

Adyan ngga, kǝɓwa ɓǝ̀ kǝa na ama nǝ̀ soaki ɓabumam nǝ amǝnia yì agir ka ɗang. Acemǝnana mǝ ndanǝ ayalenpenye a nggūrǝam mǝnana à lǝmndǝ ama mǝ nda mala Yesu ka.

Amǝ Afisu 2:10

Sǝm nda ka aturobu mǝgule mala Ɓakuli. Yì ka, pusǝ sǝm abǝshe aɓa kpapi ma'sǝm sǝnǝa Kǝrǝsti Yesu, ace pakki aturo mǝɓoarne mǝnana ak dǝmbǝa cia ace sǝm ngga.

Amǝ Kolosi 1:10

Sǝm nggǝ pak hiwi mǝnia ka acemǝnana ɓǝ̀ do ma'wun, ɓǝ̀ gusǝlǝ Mǝtalabangŋo, ɓǝ̀ pwasǝ bumi a koya njar, nǝ pak koya turo mǝɓoarne. Anggo sǝ wu nǝ̀ nggǝ gulo aɓa surǝ Ɓakuli pepe.

1 Timoti 3:1

Mǝnia yì cau ka, mǝsǝcau na, mǝnana ama: Ɓǝ̀ ɓwa earce buno mala ɓwamǝgule mur ikǝlisiya ka, earǝna ce turo mǝɓoarne.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

2 Timoti 2:21

Ɓǝ̀ ɓwa lak ɓamuri aɓalǝ amǝno yì aɓealǝu mǝɓane, do aɓa ɓoarnsari ka, nǝ̀ duk girturo ace turo mǝgule, mǝnana à tàrni ndanǝ ɓoaro aban mǝtala-ɓala, sǝ à gilǝkini ace koya turo mǝɓoarne ka.

Titus 1:16

Amǝnia yia aɓwana ka, à kǝ bang nǝ mburkunia ama à surǝ Ɓakuli, sǝ pakkiagir malea ka lǝmndǝ ama à surǝ Ɓakuli ɗang. Aɓwana na à nǝ̀ ɓinǝia, amǝ ɗwanyi okiru na, à kārǝa à nǝ̀ pak kǝgir mǝɓoarne ɗang.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Titus 3:1

Kasǝ ɓalǝ amǝkwaɗi ɓǝa kǝ oki nggwamnati andǝ amǝ-gara, ɓǝa kǝa mgbikia wia kiru ɗang. Ɓǝa do aɓa gilǝrǝu ace pak gir mǝnana kat mǝɓoarne na ka.

Titus 3:14

Aɓwana ma'sǝm ngga, ɓoaro ɓǝa kǝ pakkia aturo mǝɓoarne ace kum girbu, ɓǝa ɗeki do mǝɓane.

Titus 3:8

Mǝnia yì cau ka, cau na à nǝ̀ guli a rǝì. Ən nggǝ earce nǝma wu cam nǝ rǝcandǝa amur amǝnia yì akanigir ka, acemǝnana aɓwana mana à nyingŋǝna ɓabumia aban Ɓakuli kat ka, ɓǝa pà ɓamuria arǝ pakki agir mǝɓoarne. Amǝnia yì akanigir ka nggea mǝɓoarne na, sǝ à ndanǝ mbweban mala bwali ko yana ka kam.

1 Bitǝrus 2:12

Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.