Matiu 24:9 - Maləmce Məfele mala Ɓakuli: Kurcau Məbəshe

⁹ À nǝ̀ yia bwalki wun, à nǝ̀ ká nǝ wun aban aɓwana mǝnana à nǝ̀ pa wun tanni sǝ à nǝ̀ wal lú wun ngga. Aɓwana arǝ anzali kat à nǝ̀ ɓinǝ mǝsǝ wun acemǝnana wu ndaka amǝ kpatam ngga.

Matiu 24:9 ပူးပေါင်းရင်းမြစ်များ

Matiu 22:6

Acilia man ngga à bwal amuna-ɓala male à pakkia wia mǝɓane sǝ à wal-luia.

Matiu 23:34

Ace mani ka mǝ ndo mǝ nǝ tura wun ban nǝ amǝ'ɓangna, andǝ amǝ'sǝle, andǝ amǝkanigir. Aɓea atea ka wu nǝ̀ walia, wu nǝ̀ gballia a nggun; sǝ acilia ka wu nǝ̀ kwea aɓalǝ andakpapi sǝ wu nǝ̀ pǝrtea arǝ ala, wu nǝ̀ pea wia tanni.

Luka 11:49

Mǝnia ka nda cau mǝnana Ɓakuli bangŋa amur wun ngga, “Mǝ nǝ tura wun ban nǝ amǝ'ɓangna andǝ amǝ'mishan, aɓea ka wu nǝ̀ wal-luia sǝ acilia ka wu nǝ̀ pea wia tanni.”

Luka 21:12

Sǝ kaniama amǝnia yì agir nǝ̀ kumban ngga, à nǝ̀ bwalki wun, à nǝ̀ pa wun tanni. À nǝ̀ ká nǝ wun a ɓashi arǝ andakpapi, à nǝ̀ kur wun arǝ andakurban, à nǝ̀ ká nǝ wun aban amurǝma andǝ anggwamna, acemǝnana wu nda ka amǝ kpatam ngga.

Yohana 15:18

Ɓǝ̀ ɓanza ɓinǝmǝsǝ wun ngga, wu sǝlǝ ama, ɓinǝna mǝsǝam gbal a dǝmbǝa.

Yohana 15:21

À nǝ̀ pakka wun amǝnia yì agir kat ka ata cau mem, acemǝnana à surǝ Tárram mǝnana tasǝam ngga ɗang.

Yohana 16:2

À nǝ̀ pǝr wun arǝ yiu aɓalǝ andakpapi, sǝ pwari na kǝ yiu ka, mana ɓwa mǝnana wal-lú wun ngga nǝ̀ twali ama nda ban pakki Ɓakuli turo.

Amǝ Mishan 28:22

Sǝa ma sǝm ngga sǝm nggǝ earce surǝ gir mǝnana a ndanǝi a bumo ka, acemǝnana sǝm sǝlǝna ama arǝ aban kat aɓwana kǝ naki acau mǝɓane amur mǝnia yì njargula kpata Yesu ka.”

Amǝ Mishan 7:59

Lang à ndarǝ ɓukki ka, Itǝfanu loasǝ gi pak hiwi ama, “Mǝtalabangŋo Yesu, ak yilǝmem.”

1 Bitǝrus 4:16

Ɓǝ̀ ɓwa nu tanni acemǝnana yì ka, mala Kǝrǝsti na ka, gir kǝsǝkya na ɗang. Ɓwangsǝ Ɓakuli, acemǝnana à kǝ tunǝo nǝ lullǝi ka.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 2:13

Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.

Sǝna 7:14

Sǝ ǝn eari wi nǝma, “Ɓwamǝgule, ǝn sǝlǝ ɗang. A nda a sǝlǝ ka.” Pǝlǝa nam ama, “Amǝnia ka, à ndaka ɓwana mǝnana à purî ɓa nggea tanni mǝgule ka. À lakína adaura malea sǝ à tsǝngŋǝnia à pǝlǝna amǝpwasǝe aɓa nkila mala Mǝgam.