Matiu 24:7 - Maləmce Məfele mala Ɓakuli: Kurcau Məbəshe

⁷ Nzali nǝ ká lwa arǝ ɓe nzali. Murǝm nǝ̀ ká lwa arǝ ɓe murǝm. Nzala andǝ dǝurǝo mala nzali nǝ pa arǝ aban ɗàngɗáng aɓa ɓanza.

Matiu 24:7 ပူးပေါင်းရင်းမြစ်များ

Luka 21:11

Agǝggǝli mǝcande mala nzali nǝ̀ kumban, nzala nǝ̀ kpa, akwano ɓanza ɗàngɗáng nǝ̀ puro arǝ aban pas. Agir karmuru andǝ agir-lǝmndǝa mǝgulke à nǝ̀ pur nǝ kuli.

Amǝ Mishan 11:28

Mwashat aɓalǝia, à tunǝki ama Agabus, lo came aɓa rǝcandǝa mala Bangŋo mala Ɓakuli bangŋa ama, nzala mǝgule na nǝ̀ yia kpa a bu ɓanza mǝno ka kat. (Anggo sǝ gir nî yi lumsǝo, nzala kpa a baku mana Kǝlaudiyus nda murǝm mǝgule ka).

Amǝ Mishan 2:19

Mǝ nǝ pakki agir- gyambǝliban a kuli andǝ agir-ndali a nzali. À nǝ̀ sǝn nkila, andǝ bǝsa, andǝ apǝrɓang-yelebǝsa.

Amǝ Ibǝru 12:27

Mǝnia yì cau ama “Ado ɗǝm ngga” lǝmndǝ ama gir mǝnana kat Ɓakuli nǝ pusǝì ka, à nǝ̀ dǝurǝki, sǝ à nǝ̀ gǝshi, ace mǝnana agir mana à pà nǝ̀ dǝurǝ raka, à nda à nǝ̀ ueo ka.

Sǝna 6:12

Mǝ ndarǝ sǝne sǝ Mǝgam fasǝ tongno-nong-mwashatia gbatali myang. Kara nzali dǝurǝki kǝrkǝr. Pwari twalo pǝndǝ cikcik kǝla nggurbyau pǝndǝa, zongŋo pǝlǝ mǝbangŋe kǝla nkila,

Sǝna 6:5

Lang Mǝgam nì fasǝ tāruia gbatali myang ngga, ǝn ok tāruia giryilǝmu na ama, “Yiu!” Ən loasǝ mǝsǝam, pǝlǝa ǝn sǝn pǝ̀r mǝpǝndǝe puro yi came! Ɓwa mǝnana a nzǝmi kwakiyi ka bwal sǝkel a bui.

Sǝna 6:6

Pǝlǝa ǝn ok giu kǝla pur nǝban agiryilǝmu mǝno ine ka. Na ama, “Tasau mwashat mala muku yare ka, nda à nǝ̀ pǎ nda tangnakusǝu mala turo pwari mwashat ka. Sǝ tasau tārú mala muku kauri ka, nda à nǝ̀ pǎ nda tangnakusǝu mala turo pwari mwashat ka. Sǝ ce wu kiɗiki muru andǝ mùr-anap ɗang!”

Sǝna 6:8

Pǝlǝa ǝn sǝni ka, ɓe pǝ̀r mǝ'gwalani puro yi came! Ɓwa mǝnana kwakiyi ka, lullǝi ama Lú, sǝ Domurǝm mala Lú kǝ gya ate tu. Yia Lú andǝ Domurǝm mala Lú ka, à pea wia rǝcandǝa mala pakturo nǝ lwa, andǝ nzala, andǝ kwano, sǝ anyamcandǝa mǝnana a ɓanza ka, ɓǝa kiɗiki banì mwashat aɓa gauwe ine mala ɓanza.