Matiu 24:43 - Maləmce Məfele mala Ɓakuli: Kurcau Məbəshe

⁴³ Sǝ wu sǝlǝ ama, ɓǝ̀ mǝtala-ɓala surǝ bu du mǝnana mǝn'i nǝ̀ yiu nǝi ka, nǝ̀ dum nǝ mǝsǝì, pà nǝ̀ eare ɓǝa yi ɓun kunɓala male ɗang.

Matiu 24:43 ပူးပေါင်းရင်းမြစ်များ

Matiu 14:25

Nǝ tadǝmbari mbul-mbul ka Yesu puro kǝ gya amur mùr aban yiu abania.

Matiu 20:11

Lang à angŋǝna boalo ka, à tita nggwani arǝ mǝtala ɓaban.

Matiu 24:42

Ace mani ka, wu tsǝk kir wun acemǝnana wu surǝ pwari mǝnana Mǝtala wun nǝ̀ yiu nǝi ka ɗang.

Matiu 24:44

Anggo gbal wu dum nǝ gilǝrǝu, acemǝnana Muna mala Ɓwa nǝ̀ yiu a bu-pwari mǝnana wu pak ɗenyicau mala yiu male raka.

Matiu 25:10

Lang à nda njar aban ká kur muru ka, bura-manfela yi tusǝo. Ansarina mana à do aɓa gilǝrǝu ka à kutio ata bura-manfela aban li girlina isǝban. Pǝlǝa à gir kunɓala.

Matiu 25:13

Ace mani ka, wu do aɓa tsǝk mǝsǝ wun, acemǝnana wu surǝ pwari ko bu-pwari mala yiu mem ɗang.

Markus 13:35

Ace mani ka, wu do aɓa gilǝrǝu, acemǝnana wu surǝ pwari mǝnana Mǝtala ɓala nǝ̀ nyar nǝi ka ɗang. Ko nǝ pwarikpana, ko nǝ ɓadu, ko nǝ ɓua mala nggu, ko nǝ dǝmbari.

Markus 6:48

Sǝn alaggana male ka à nǝ̀ nggǝ tanniki nǝ samsǝa kǝrkǝr arǝ gung andǝ eaki-nkono mala mùr, acemǝnana gung soea. Nǝ du anzǝm ɓaria ɓua mala nggu ka, Yesu yi gbashi bania, kǝ gya amur mùr. Yi pa kǝla nǝ̀ kutia.

Luka 12:38

Ban nǝ̀ ɓoari amǝno yì amuna-ɓala ka, yì mana mǝtala-ɓala malea yi kumia aɓa gilǝkirǝu ka, ko ɓǝ̀ yiu nǝ ɓadu ko ɓǝ̀ nggu mala nǝ̀ ɓua ka.

Luka 12:39

Wu sǝlǝ ama, ɓǝ̀ mǝtala-ɓala sǝlǝna rǝ bu-pwari mǝnana mǝn'i nǝ̀ yiu nǝi ka, pà nǝ̀ eare mǝn'i nǝ̀ kutio a ɓala male ɗang.

Luka 21:36

Wu dum nǝ mǝsǝ wun ko aya pwari, nǝ́ pak hiwi ace mǝnana ɓǝ̀ wu api amǝnia yì agir mana à mala à nǝ̀ kumban, sǝ ɗǝm ngga ɓǝ̀ wu kum kusǝu came a ɓadǝm Muna mala Ɓwa ka.

Sǝna 16:15

“Wu sǝni, mǝ nǝ yiu aɓa yasǝlǝban kǝla mǝn'i. Tsǝkbu mala Ɓakuli na amur ɓwa mǝnana kat kǝ dum nǝ mǝsǝì aɓa kundǝmuram, sǝ kǝ bwal agir-nggurǝu male pepe, ace mǝnana ɓǝ̀ kǝa ging nǝ ɓate, ɓǝ̀ kum kǝsǝkya a mǝsǝ aɓwana raka!”

Sǝna 3:3

Nyesǝ ɓalǝo nǝ nzǝmo, ɗenyi nǝ agir mǝnana a ok atadǝmbe, sǝ a pa ɓabumo a rǝia ka; bwalia kàngkàng, sǝ wu pǝlǝ nzǝmo arǝ acauɓikea mo. Ɓǝ̀ mǝsǝo sa sǝ a lo raka, mǝ nǝ yipo a bu-pwari mǝnana a tsǝk ɓalǝo raka, kǝla yiu mala mǝn'i.