Matiu 24:31 - Maləmce Məfele mala Ɓakuli: Kurcau Məbəshe

³¹ Sǝ nǝ̀ tasǝ amǝturonjar male nǝ tunǝban gi njawe mǝgule, à nǝ̀ dapikia aɓwana male mǝnana à tarkia ka arǝ aban kat aɓa ɓanza.

Matiu 24:31 ပူးပေါင်းရင်းမြစ်များ

Matiu 13:41

Muna mala Ɓwa nǝ̀ tur amǝturonjar male, ɓǝa yi pusǝ koya gir kat mǝnana kǝ yinǝ cauɓikea, andǝ aɓwana kat mǝnana à kǝ pak gir mǝɓane aɓa Domurǝm male ka.

Matiu 24:22

Yale ɓǝ̀ Ɓakuli amsǝ ma anonggeo mala tanni mǝno raka, kǝɓwa pà kàm nǝ̀ au ɗang, sǝa ma ace aɓwana mǝnana Ɓakuli tarkia ka nǝ̀ amsǝ anonggeo mǝno.

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 24:32

Wu kànì mǝnia yì gir ka arǝ nggun vwari; ɓǝ̀ tinata to sǝ nda ban pusǝ mbui ka, wu sǝlǝ ama mbulo gbashina.

Matiu 25:31

A pwari mana Muna mala Ɓwa nǝ̀ yiu aɓa gulo male, andǝ amǝturonjar kat ate ka, nǝ̀ yia do amur bunomurǝm male.

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Markus 13:27

Sǝ nǝ̀ tasǝ amǝturonjar male ɓǝa yi ramnggi aɓwana male mǝnana tarkia ka aɓa ɓanza kat; nǝ takuli, nǝ njarnzali, nǝ njartamur, sǝ nǝ njarnza, arǝ aban kat, aban ká a nzong kun ɓanza andǝ kuli.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Yohana 11:52

Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.

Amǝ Roma 10:18

Sǝ ǝn ɗiban nǝma: nggearǝì ka, à ok ce re? E, à ongŋa. Malǝmce ka bang ama: “Cau ka angŋǝna ɓanza kat, acau malea kutikina arǝ aban, kya bwal masǝlǝata ɓanza.”

1 Amǝ Korinti 15:52

Nǝ̀ yia pa aɓa yasǝlǝban, a kaurǝa kǝla kuɓimǝsǝu, yi mǝnana à nǝ̀ twang masǝlǝata njawe ka. Ɓǝ̀ masǝlǝata njawe man ɓuana ka, aɓwana mǝnana à wuna ka, à nǝ̀ loapi ɓembe, à pà nǝ̀ wu ɗǝm ɗang. Sǝ sǝm mǝnana ado nǝ yilǝmu, sǝnǝia kat ka, à nǝ̀ nggaɗi sǝm.

Amǝ Afisu 1:10

Sǝ mǝnia ka nda kànì male: Ɓǝ̀ pwarì yi karǝna ka, Ɓakuli nǝ̀ dapi koya gir mǝnana a kuli andǝa mǝnana a nzali kat ka aɓata rǝcandǝa mala Kǝrǝsti.

1 Amǝ Tasalonika 4:16

Acemǝnana Mǝtalabangŋo nǝ ɓamuri ka, nǝ̀ sulǝ nǝ kuli, nǝ giu sàrǝban mǝcande mala gbani mala amǝturonjar, andǝ ɓua mala njawe tunǝban mala Ɓakuli. Sǝ aɓwana mǝnana à wú aɓa Kǝrǝsti ka, à nda à nǝ̀ tita loapi ɓembe nǝ yilǝmu ka.

2 Amǝ Tasalonika 2:1

Sǝm nggǝ earce lǝmndǝa wun gir amur cau mala nyare yiu mala Mǝtala sǝm Yesu Kǝrǝsti, andǝ dapi ma'sǝm abanɓwáná abani. Sǝm nggǝ zǝmbǝa wun, wun amǝ'eamrǝarǝu ama,

Amǝ Ibǝru 12:19

Sǝ pa gbal aban mǝnana à ok ɓua mala njawe, andǝ gi Ɓakuli aban nacau, mǝnana tsǝa amǝ'oe zǝmbǝa ama ɓǝ̀ tamsǝ nacau ka ɗang.

Sǝna 1:20

Mǝnia ka nda ɓa cau ɓa-sǝmbǝrǝa amur anlero tongno-nong-ɓari mana a sǝnia aɓa buam-mǝlì, andǝ ɓa cau ɓa-sǝmbǝrǝa amur agir tamsǝ pitǝla zǝnariya tongno-nong-ɓari ka. Anlero mǝnia tongno-nong-ɓari ka, à ndaka amǝturonjar mala a'ikǝlisiya tongno-nong-ɓari, yì akpapi mala amǝkpata Yesu. Sǝ agir tamsǝ pitǝla tongno-nong-ɓari ka, à ndaka yia a'ikǝlisiya tongno-nong-ɓari.

Sǝna 11:15

Pǝlǝa tongno-nong-ɓaria mǝturonjar twang njawe male, kara agiu lo kǝrkǝr a kuli à kǝ na ama, “Agara-murǝm mala ɓanza man ngga à nyarǝna aɓa bu Mǝtala sǝm andǝ ɓa bu Kǝrǝsti male. Sǝ domurǝm male ka masǝlǝate pà kàm ɗang!”

Sǝna 7:1

Anzǝm mǝno ka ǝn sǝn amǝturonjar mala Ɓakuli ine aban came arǝ abumban ine mala ɓanza. À kùr agúng mǝnana à kǝ lo ɓua nǝ abuban ine mala ɓaɓanza ka, ace mǝnana gung ɓǝ̀ kǝa ɓua amur nzali ko nggeamur, ko anggun raka.

Sǝna 8:2

Pǝlǝa ǝn sǝn amǝturonjar tongno-nong-ɓari mǝnana à camnggiyi a ɓadǝm Ɓakuli ka, à pea wia anjawe tongno-nong-ɓari.