Matiu 24:3 - Maləmce Məfele mala Ɓakuli: Kurcau Məbəshe

³ Nǝ nzǝmo ka Yesu yì do amur Nkono mala anggun Olif. Alaggana male yiu abani nǝmurǝì sǝ à ne wi ama, “Sǝm ama wu bangga sǝm, a ya pwari sǝ agir mǝnia ka nǝ̀ yia pa, sǝ mana nda gir mǝnana nǝ̀ lǝmndǝ yiu mo andǝ masǝlǝata ɓanza ka?”

Matiu 24:3 ပူးပေါင်းရင်းမြစ်များ

Matiu 13:36

Yesu ɗeki ɓwabunda a nza pǝlǝa kutio a ɓala. Alaggana male kuti ate à yì ne wi ama, “Bǝla sǝm ɓa kanicau mana amur nkwangŋan a ɓaban ngga.”

Matiu 13:49

Anggo sǝ nǝ̀ pa a masǝlǝata ɓanza. Amǝturonjar mala Ɓakuli nǝ̀ yiu à nǝ̀ yia pusǝki amǝ'ɓealɓikea aɓalǝ amǝ'ɓealɓoarna

Matiu 15:12

Alaggana male pǝlǝa à yiu abani sǝ à ɗi ama, “A sǝlǝ ama bum amǝ Farisi lullo arǝ cau mana a ne ka?”

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 16:28

Ən nggǝ na wun aɓa mǝsǝcau ama, aɓea ɓwana na akani aban came mǝnana à pà nǝ̀ wu ɗang she ɓǝa sǝna yiu mala Muna mala Ɓwa a Domurǝm male ka.

Matiu 17:19

Nǝ nzǝmo ka alaggana mala Yesu yiu abani nǝmurǝì sǝ à ɗi ama, “Mana tsǝa sǝ sǝm gandǝ pusǝ kukwar nì ɗang?”

Matiu 21:1

Lang Yesu andǝ alaggana male gbashina Urǝshalima ka à yì kar a muna la Betafaji mana amur Nkono mala anggun Olif ka. Yesu tur alaggana male ɓari.

Matiu 24:27

Yiu mala Muna mala Ɓwa ka nǝ̀ pa kǝla mǝnana tǎlaban kǝ linzama nǝ takuli sǝ aɓwana a njarnzali kǝ sǝni ka.

Matiu 24:30

Sǝ anggo ka, gir mǝnana nǝ̀ lǝmndǝ ama Muna mala Ɓwa na kǝ yiu ka nǝ̀ pusǝrǝi a kuli. Ɓwabunda man kat a ɓanza ka nǝ̀ ɓua. À nǝ̀ sǝn Muna mala Ɓwa aban yiu aɓalǝ apǝrɓang a bumkuli, nǝ rǝcandǝa andǝ ɓoarɓwa mǝgule.

Matiu 24:37

Kǝla mǝnana yi pa a nza mala Nuhu ka, anggo sǝ yiu mala Muna mala Ɓwa nǝ̀ pa.

Matiu 24:39

À sǝlǝ ama ɓe kǝgir nǝ̀ yia kumia ɗang, kara mùrgula yi pwania kat. Anggo sǝ yiu mala Muna mala Ɓwa nǝ̀ pa.

Matiu 24:43

Sǝ wu sǝlǝ ama, ɓǝ̀ mǝtala-ɓala surǝ bu du mǝnana mǝn'i nǝ̀ yiu nǝi ka, nǝ̀ dum nǝ mǝsǝì, pà nǝ̀ eare ɓǝa yi ɓun kunɓala male ɗang.

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Luka 21:7

Pǝlǝa à ɗi Yesu ama, “Malǝm, amǝnia yì agir ka a ya pwari sǝ à nǝ̀ kumban? Ɗǝm ngga mana gir nì nǝ̀ lǝmndǝ ama à mala à nǝ̀ kumban?”

Amǝ Mishan 1:7

Pǝlǝa Yesu banggia wia ama, “Kǝ Tárram na nǝmurǝì mǝnana ndanǝ rǝcandǝa mala tsǝk amǝno yì apwari andǝ abaku ka, sǝ à pa ace wun ɓǝ̀ wu surǝia ka ɗang.

Amǝ Ibǝru 9:26

Ɓǝ̀ nda anggo ka, ɓǝ́ Kǝrǝsti camǝna arǝ nu tanni tutu, twal a tita ɓanza yi bwal adyan. Sǝa ma ado ka, yi pusǝrǝi kusǝ mwashat ɓǝrɓǝr a masǝlǝata anza, ace mǝnana ɓǝ̀ twalban cauɓikea, nǝ́ pa mǝnana pà ɓamuri duk gir'nkila ka.