Matiu 24:24 - Maləmce Məfele mala Ɓakuli: Kurcau Məbəshe

²⁴ Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 24:24 ပူးပေါင်းရင်းမြစ်များ

Matiu 22:14

Ɓakuli tunǝ aɓwana pas sǝ bǝti na à dum nǝ mǝsǝcau ɓǝ̀ Ɓakuli tària ka.

Matiu 24:11

Amǝ'ɓangna mǝ'nyirì pas nǝ̀ yia puro à nǝ̀ ɓosǝki aɓwana pas.

Matiu 24:22

Yale ɓǝ̀ Ɓakuli amsǝ ma anonggeo mala tanni mǝno raka, kǝɓwa pà kàm nǝ̀ au ɗang, sǝa ma ace aɓwana mǝnana Ɓakuli tarkia ka nǝ̀ amsǝ anonggeo mǝno.

Matiu 24:25

Wu tsǝk kir wun, ǝn gbara ǝn bangŋǝna wun adyan.

Matiu 24:31

Sǝ nǝ̀ tasǝ amǝturonjar male nǝ tunǝban gi njawe mǝgule, à nǝ̀ dapikia aɓwana male mǝnana à tarkia ka arǝ aban kat aɓa ɓanza.

Matiu 24:5

Acemǝnana aɓwana pas nǝ̀ ngga yiu aɓa lullǝam à nǝ̀ na ama à ndaka Kǝrǝsti, sǝ à nǝ̀ ɓosǝki aɓwana pas.

Matiu 7:15

Wu tsǝk kir wun arǝ amǝ'ɓangna mǝ'nyirì. Pak ka à kǝ ɓosǝki rǝia kǝla anzur, sǝ mǝsǝrǝia ka anvwa bondo mǝlulle na.

Markus 13:22

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ purkio, à nǝ̀ pakki agir-lǝmndǝa andǝ agir-ndǝlǝki ɗàngɗáng, ace ɓosǝki aɓwana mǝnana Ɓakuli tarkia ka, ɓǝa à nǝ̀ gandǝi ka.

Luka 18:7

Wu kǝ sǝni kǝla Ɓakuli ka pà nǝ̀ pak ɓashi mǝ'mǝsǝcau nì ace aɓwana male mǝnana tària, mǝnana à kǝ ɓua a ɓadǝmbǝi, du andǝ pwari ka re? Nǝ̀ dǝndi arǝ bwalia wia kam le?

Yohana 4:48

Sǝ Yesu ne wi ama, “Ɓǝ̀ wu sǝn gir-gyambǝliban andǝ gir'ndǝlǝki raka pà wu nǝ̀ earnǝ mim ɗang.”

Yohana 6:37

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Yohana 6:39

Sǝ mǝnia ka nda kànì mala Tárram mǝnana tasǝam ngga, ama ɓǝn ngga turta kǝɓwa aɓalǝ aɓwana mǝnana pam ngga ɗang, sǝ a kun mani ka ɓǝn loasǝia kat nǝ yilǝmu a masǝlǝata apwari.

Amǝ Mishan 20:16

Amur njar aban ká Miletus ka, waru samsǝa yi kuti nǝ ban nggeala Afisu. Bulǝs ka angŋǝna dǝmbǝa twalǝna a ɓabumi ama pà nǝ̀ came a Afisu ɗang, ace mǝnana ɓǝ̀ kǝa kiɗiki pwari kǝrkǝr aɓa bu-nzali Asiya raka. Yì ka, nda mur larri nǝ̀ ngga bwal Urǝshalima, ɓǝ̀ nǝ̀ gandǝ pa ka ɓǝ̀ yi kum pwari Pakiɗire Pentikos.

Amǝ Roma 12:18

Ɓǝ̀ nǝ̀ gandǝ pa ka, wu dukdo aɓa dorǝpwala wunǝ aɓwana kat.

Amǝ Galati 4:15

Sǝ bumpwasǝa mǝnana wu ndanǝi ɗiɗyal ka, nda mǝ ye le? Ən sǝlǝna nǝma ɓǝ̀ nǝ̀ gandǝ pa ka, ɓǝ́ wu nǝ̀ pusǝki amǝsǝ wun, wu nǝ̀ pam mia.

2 Timoti 2:19

Kat andǝ amani ka, mǝsǝcau mala Ɓakuli ka, camǝna kàngkàng kǝla kusǝɓa mǝnana à kwaki sǝ pà nǝ̀ dǝurǝ raka. Amuri ka à nyoulǝ mǝnia yì cau ka ama: “Mǝtalabangŋo surǝna rǝ aɓwana mǝnana à ndaka male ka,” sǝ “Koya ɓwa mǝnana kat kǝ na ama mala Mǝtalabangŋo na ka, dumǝna pup nǝ̀ gapita rǝia andǝ ɓealɓikea.”

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

2 Bitǝrus 3:17

Wun amǝ'eamrǝarǝu, mǝno ado wu surǝna mǝnia ka, wu tsǝkir wun, ɓǝ̀ ɓwarkio mala amǝ'ɓealɓikea mǝnia ka ɓǝ̀ kǝa gǝshi wun a bancame ma'wun, ɓǝ̀ kyan nǝ wun a kpa ɗang.

1 Yohana 2:18

Wun amunem, sǝm nda a masǝlǝata apwari ado; sǝ kǝla mǝnana wu ok ama ɓimǝbura mala Kǝrǝsti na aban yiu ka, nda ado ka, aɓiamǝbura mala Kǝrǝsti pas yina. Anggo sǝ sǝm sǝlǝ ama sǝm yina a masǝlǝata apwari.

1 Yohana 2:22

Yana nda mǝ'nyir? Kǝ nda ɓwa mǝnana ginǝ eare ama Yesu nda Kǝrǝsti, yì ɓwa mana Ɓakuli tarrì ka. Ɓwa mǝnana kat makgir Ɓakuli Tarrû andǝ Muni ka, nda kǝ ɓimǝbura mala Kǝrǝsti.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

Sǝna 19:20

Sǝ yì nyamɓikea ka, à bwali atarǝia andǝ mǝɓangna mǝ'nyirì mǝnana pakkiyi agir-ndali ace ka. Nǝ amǝno yì agir-ndali pea ka sǝ ɓosǝki ta aɓwana mǝnana à ak nyoulǝa mala nyamɓikea, sǝ à peri aban ɓǝ̀nzál male ka. Nyamɓikea andǝ mǝɓangna male mǝ'nyirì, yia kǝm, à turia nǝ yilǝmia aɓa garang mala bǝsa mǝnana kǝ li nǝ atali ear-bǝsa ka.