Matiu 24:22 - Maləmce Məfele mala Ɓakuli: Kurcau Məbəshe

²² Yale ɓǝ̀ Ɓakuli amsǝ ma anonggeo mala tanni mǝno raka, kǝɓwa pà kàm nǝ̀ au ɗang, sǝa ma ace aɓwana mǝnana Ɓakuli tarkia ka nǝ̀ amsǝ anonggeo mǝno.

Matiu 24:22 ပူးပေါင်းရင်းမြစ်များ

Matiu 22:14

Ɓakuli tunǝ aɓwana pas sǝ bǝti na à dum nǝ mǝsǝcau ɓǝ̀ Ɓakuli tària ka.

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 24:31

Sǝ nǝ̀ tasǝ amǝturonjar male nǝ tunǝban gi njawe mǝgule, à nǝ̀ dapikia aɓwana male mǝnana à tarkia ka arǝ aban kat aɓa ɓanza.

Markus 13:20

Ɓǝ̀ Mǝtalabangŋo kasǝ ma acilia nonggeo mǝno raka, kǝɓwa pà kàm nǝ̀ au ɗang. Sǝ ace aɓwana male mana tarkia nǝ nggearǝì ka, amsǝna acili anongge.

Luka 18:7

Wu kǝ sǝni kǝla Ɓakuli ka pà nǝ̀ pak ɓashi mǝ'mǝsǝcau nì ace aɓwana male mǝnana tària, mǝnana à kǝ ɓua a ɓadǝmbǝi, du andǝ pwari ka re? Nǝ̀ dǝndi arǝ bwalia wia kam le?

Amǝ Roma 9:11

Sǝ lang Rabeka málá nǝ̀ gbashi amǝnia yì apasa ka, Ɓakuli ne wi ama, “Muna-dǝmbǝa nǝ̀ do aɓata ɓwamǝkyauwe.” Ɓakuli bang mǝnia ka kaniama à nǝ̀ ɓǝlia, sǝ kaniama à nǝ̀ surǝ mǝɓoarne ko mǝɓane ka. Mǝnia ka lǝmndǝ ama Ɓakuli ka, nda rǝ pak gir mǝnana ɓabumi kànì nǝ̀ pe ka, twal a tite; pa ace ɓe kǝgir mǝnana amuna mǝnia pak ka ɗang, nda ace gir mǝnana Ɓakuli earce sǝ twal ka.

2 Timoti 2:10

Ace mani ka, ǝn earǝna mǝ dum nǝ gandǝrǝu aɓa ko man, ace aɓwana mana Ɓakuli tària ka, ace mǝnana yia gbal ka ɓǝa kum amsǝban mana aɓa Kǝrǝsti Yesu ka, a tarǝia andǝ gulo mǝnana pà nǝ̀ mal raka.

1 Bitǝrus 1:1

Mǝnia yì cautera ka, pur nǝ́ bu Bitǝrus, mǝ'mishan mala Yesu Kǝrǝsti. Aban ká aban aɓwana mala Ɓakuli mǝnana à tària ka, yia amǝnana à mesǝke, à do kǝla abǝri arǝ abu-nzali mala amǝ Pwantus, andǝ Galati, andǝ Kapadosiya, andǝ bu-nzali Asiya, andǝ bu-nzali Bitiniya ka.