Matiu 24:15 - Maləmce Məfele mala Ɓakuli: Kurcau Məbəshe

¹⁵ Wu nǝ̀ yia sǝn yì “Gir ɓeami mǝnana kǝ tsǝa Ɓakuli nǝ̀ nying ban-do male aɓalǝ aɓwana,” mana Daniyel mǝɓangna mala Ɓakuli bang ce, camǝna aban mǝfele aɓa Ndàmǝgule mala Ɓakuli. Sǝ ɓǝ̀ wu sǝnǝni ka, ɓwa mǝnana kǝ ɓal mǝnia yì cau ka ɓǝ̀ surǝ ɓālǝi.

Matiu 24:15 ပူးပေါင်းရင်းမြစ်များ

Matiu 24:16

Sǝ aɓwana mǝnana a nzali Yahudi ka ɓǝa ɓangŋa ɓǝa o aɓalǝ ankono.

Markus 13:14

A pwari mǝno ka ɓǝ̀ wu sǝna “yì gir mɓeami mǝnana nǝ̀ yinǝ pǝndǝkea mala Ndàperi, sǝ nǝ̀ tsǝa aɓwana nǝ̀ ginǝki kutio kam,” yi kutina camǝna aban mǝfele, ban mana ɓoaro ɓǝ̀ came abanì raka, mǝ ɓalgir ka ɓǝ̀ sǝlǝa! Aɓwana mana à ndanǝ do a nzali Yahudi ka, ɓǝa ɓangŋa ɓǝa o amur ankono.

Luka 19:43

Aɓea pwari na à kǝ yiu ka, mǝnana aɓeo amǝbura nǝ̀ yia ɓak nggea zǝ̀kì mǝcande, à nǝ̀ gumbǝlio aɓalǝu, sǝ à nǝ̀ gìr a muro a ko ya bui ka.

Luka 21:20

Ɓǝ̀ wu sǝnǝna asoje à yì karina Urǝshalima ka, wu sǝlǝ ama kpa male gbashina.

Yohana 11:48

Ɓǝ̀ sǝm ɗeki sǝ lidǝmbǝa anggo ka, muna-ɓwapǝndǝa kat nǝ̀ earnǝi. Sǝ amǝ lwa mala amǝ Roma nǝ̀ yia kiɗiki Ndàmǝgule mala Ɓakuli ma'sǝm andǝ nzali ma'sǝm!”

Amǝ Mishan 21:28

À mak gawan bang-bang aban na ama, “Wun amǝ Isǝrayila! Wu bwala sǝm! Mǝnia yì ɓwa ka nda mǝnana kǝ kania aɓwana arǝ aban kat ɓǝa ɓǝsǝki amǝ Isǝrayila ka. Kǝ kania wia ɓǝa kǝa kpata Nggurcau mala Musa ɗǝm ɗang, sǝ ɓǝa kǝa pa gulo arǝ Ndàmǝgule mǝnia ka ɗǝm ɗang. Ndya yina nǝ aɓwana mǝnana amǝ Yahudi na raka aɓa Ndàmǝgule mala Ɓakuli, yi pǝndǝkina ce ban mǝfele mǝnia ka!”

Amǝ Mishan 6:13

Pǝlǝa à loasǝ aɓea aɓwana ɓǝa na nyir amuri ama, “Mǝnia yì ɓwa ka, koya pwari ka nda mur na mǝɓane amur Ndàmǝgule mala Ɓakuli andǝ Nggurcau mala Musa.

Amǝ Ibǝru 2:1

Ace mani ka, sǝm nǝ̀ tsǝk kir sǝm pépè arǝ cau mǝnana sǝm ok ka, ace mǝnana ɓǝ̀ sǝm ngga kyanggi wi ɗàng.

Sǝna 1:3

Ɓwa mǝnana kǝ ɓal mǝnia yì cau ɓangna, andǝ aɓwana mǝnana à kǝ oe, sǝ à kǝ kpata agir mǝnana à gilǝia a ɓalǝi ka, à ndanǝ tsǝkbu, acemǝnana pwari pa mala agir mǝnia ka gbashina tù.

Sǝna 3:22

Ɓwa mǝnana ndanǝ kir okban ngga, ɓǝ̀ ok cau mǝnana Bangŋo kǝ banggi a'ikǝlisiya ka!